Jan edanak

Bizkaiko Txakolinaren uztak miloe bat litro baino gehiago produzidu ditu lehenengoz

Bizkaiko Jatorrizko Izendapenaren Alkarteak jakinarazo dau aurtengo erronken artean txakolinari etxetik kanpoko ateak zabaltzea dagoala, hau da, Estaduan eta mundu zabalean txakolina zabaltzea.

Oliba-orioa, osasuna eta gehiago

Dendetan makina bat orio doguz: oliba, ekilore, soia, arto eta bestez egindakoak. Zeri erreparau behar jako bata ala bestea aukeratzeko orduan? Danak dira kontsumiduteko modukoak, baina batetik bestera sekulako aldeak dagoz nutrizino-balioari, ezaugarri organoleptikoei, sukaldeko erabilera egokienei eta, areago, osasunaren barruan izango dituen eraginei jagokenez.

Esnea ona al da helduontzako?

Heldu askori kalte egiten deutse esneak. Ugaztun guztiak amaren esnea digeriduteko gai dira, baina haztean gaitasun hori galtzen dabe. Gizakiak salbuespena ete gara? Gizakiok aro guztietan eutsi egiten deutsagu esnea digeriduteko gaitasunari, beraz ezinbesteko galderea da ondokoa: bizitza osoan esnea hartzea ona da? Txarra da?

Ardao konsumoaren etorkizuna

Ardaoaren salmentei jagokenean, oro har, aurreikuspen baikorrak egiten dira, nahiz eta mehatxu batzuk egon badagozan, besteak beste, Europa Mendebaldeko gobernuak alkoholaren kontra hartzen ari diran neurriak, batez be, Frantzia eta Erresuma Batuan.

Elikagaien Segurtasuneko Europako Agintaritzeak Elika sartu dau erakunde laguntzaileen zerrendan

Igazko abenduaren 18an, Europako Batasuneko programako zuzendaritzeak onetsi egin eban lankidetza zerrendea zabaltzea eta, hautagaiak aztertu ondoren, Elika Nekazaritzako Elikagaien Segurtasunerako Euskal Fundazinoa izan zan aukeratuetako bat.

Zientzia Gastronomikoen lehen Unibersidadea sortuko dabe Donostian 2011n

Donostiak Zientzia Gastronomikoen lehen Unibersidadea hartuko dau 2011. urtean, mota honetako lehen zentroa Espainiako Estaduan eta bigarrena Europa osoan.

Euskal umeen ia % 70ek ez dau armozetako beharrezko denporarik hartzen

Eguneko lehenengo otorduari oso denpora gitxi emoten jako, izan be, umeen % 67k gosaltzen 10 minutu baino gitxiago emoten dabe. Horrek modu egokian gosaltzen ez dabela esan gura dau, beharrezkoak diran elikagai guztiak gosaltzeko (esnea, kakaoa, frutea, ogia, orioa eta indioilar-hestebetea), gitxienez 10 minutu behar diralako.

Intxaurrak

Intxaurra ospetsua da odoleko kolesterol-mailea murrizten laguntzen dauelako. Batetik, nahiz eta koipe ugari izan, ez dau kolesterolik eta, bestetik, gorputzak kolesterola produziduteko trabak jarten ditu. Aldi berean, odoleko beste koipeei be eragiten deutse intxaurrak, eta triglizeridoen mailea murriztu ohi dau, besteak beste.

Azukerea, bai ala ez?

Azukerearen osogai nagusia karbohidrato sinpleak dira eta eraldatzeko findu behar diranez, oso pobreak dira bitamina eta mineraletan. Sakarosea (glukosa eta fruktosea) baino ez dauka, % 99 hain zuzen be, eta ez dauka beste ezelako nutrienterik; horregaitik esaten da bere ekarpena 'kaloria hutsak' dirala.

Kosher ardaoa

Judutarren erlijinoko erritualetan erabilten daben ardaoa da kosher ardaoa. Ez da bariedade zehatz bategaz egiten dan ardaoa, ezta leku zehatz batekoa be, egiteko erea da berezi egiten dauena. Izan be, juduen eskuakaz egindakoa izan behar dau eta euren erlijinoak ezarritako pausuak jarraituta.

'On egin eskolan!', elikadura egokiaren garrantziaren ganeko jardunaldiak Bilbon

Alhondiga Bilbao zentroak eta Bilboko Udaleko Osasun eta Kontsumo Sailak 'On egin eskolan!' izeneko jardunaldiak antolatu ditue, elikadura egokiaren garrantziaren ganeko ezagutzea indartzeko asmoz. Jardunaldiak zemendiaren 25etik 27ra egingo dira Felix Serrano ikastetxean, 17:30etik 19:30era. Ikastetxeetako sueteetan eta jantokietan lan egiten dabenei zuzenduta dagoz, neska-mutikoek elikadura orekatu eta osasungarria izateak daukan garrantzia kontuan izanda.

Oliba eta hazi orioak, osasuna gure elikaduran

Kaloria gehien dituen elikagaiak badira be, orioa gure dietan egunero hartzea komenidu da baina gehiegikeriarik barik. Onena, sukaldean olibez edo haziez moldaturiko orioak erabiltea da elikabide orekatuagaz eta bihotz-osogarriak agintzen dauenagaz bat egingo dogulako.

Aurtengo mahats batzea amaitu da Errioxan, kalidade handiko 397 miloe kilo batu dituelarik

2008an, aurreko urteetan baino gitxiago batu da. Behin behineko datuen arabera, 397 miloe kilo eta horreetatik 278miloe litro ardao ataratea espero da. Igaz baino 15 miloe kilo gitxiago eta Errioxako Jatorrizko Izendapenerako erakundeak onartua eukana baino gitxiago.

Elikatze eta nutrizino programa komunitarioakaz udalerri inplikatuena izateagaitik saritu dabe Bilbo

Bilboko Udaleko Osasun eta Kontsumo Saileko Elikatze Komunitarioaren Unitateko profesionalen lanari emondako saria izan dala nabarmendu dabe Udal bilbotarretik, bai eta 'ikastetxe, Bilboko jantoki sozial zein hirugarren adinerako zentroetan egindako lanari' emondakoa be.

Denporaldiko onddoen salteatua

Kaixo lagunok, bolada batean Beñat Ormaetxeak Bizkaie! agerkarian egiten eban beharrari eutsiz, Jauregibarria Jatetxean haren lankide Fran Vazquez nozue eta aurrerantzean lapiko artean ibiliko gara, gustoko badozue.

Horrenbeste kopla barik, kozinan sartu eta udagoienean bete-betean gagozanez, denporaldiko produktu bat erabiliko dogu, onddoa, hain zuzen be. Errezetea sano erraza da preparetan eta segurutik lagun edo senitartekoei ezusteko atsegina emongo deutsazue.

Errioxako haretx egurrezko barrikak

Quercus Toneleria (Grupo Rivercap) izeneko enpresea izan da lehenengoa ardaoaren kriantzarako Errioxako basoetako haretx egurragaz barrikak egiten. Enpresa hau, 2006an Errioxa Garaiko Manzanares herriko udalagaz eta Ingurumen-kontselaritzeagaz berbatutako akordioari esker hasi zan bertako haretx arbolak botaten barrikak egiteko.

Elikagai funtzionalak (I): prebiotikoak eta probiotikoak

Azken urteetan asko zabaldu dira elikadura produktu honeek, organismoaren hesteen floran nahiz osasunean, oro har, on egiten dabelako. Gero eta seguruago dakigu oso garrantzitsua dala dieta orekatu bat izatea gure osasunaren onerako, eta holako elikagaiek gerora izan daitekezan minei aurrea hartzen deutsee.

Ondo jan lo hobeto egiteko

Loaren trastorno askoren oinarrian elikagai batzuen konposizinoan eta okerreko elikadura ohituretan egon daiteke. Estatistikek dinoenez, bost lagunetik batek ez dau lo behar dan legez egiten.

Umami gustua xerez ardaoan

Heston Blumenthaleko sukaldari ospetsua eta Don Mottran Ingalaterrako Readingeko Unibersidadeko Bioentzimako irakaslea batu ziran jakiteko zergaitik Xerezeko ardoaek umami gustua daukien. Gustu hori Kikunae Ikeda izeneko japoniar batek jada asmau eban XX. mendearen hasieran.