Zabalik dago X. Basque Culinary World Prizerako izentapenak aurkezteko epea

Andrés Torres sukaldari espainiarrak irabazi eban 2024ko Basque Culinary World Prize saria. | Ikusi handiago | Argazki originala

2025ean, Basque Culinary World Prizek gastronomiaren ahalmen eraldatzaileagaz dauen konpromisoa kozineruen irismena, eragina eta gizartean sakon eragiteko gaitasuna hartzen dira gogoan. Sari honek ibilbide mamintsua egina dauka eta bere sektorean ondo finkatutako sari berezia da; sektore horretan, gastronomiak eten barik erakusten dau fenomeno biderkatzailea eta inspiratzailea dala mundu osoan. Talentua, ezagutza eta sormena daben chef bikainen eskutik egiten dau hori, euren lanagaz aldaketa positiboak bultzatzen baititue beren komunidadeetan eta harago. Hainbat esparrutan eragina daben ekimen eraldatzaileak gauzatzen dituen chefak izentau daitekez sektore gastronomikoko profesionalek eta erakundeek. Arlo horreen artean, honako honeek dagoz: barrikuntzea, teknologia, hezkuntzea, ingurumena, osasuna, elikagaien industria eta garapen sozial edo ekonomikoa.

Komunikabideek Gastronomiaren Nobela izentautako sariketa honetan, 1.250 izentapen baino gehiago eta 42 herrialdetako 800 izentau baino gehiago aztertu ditue. Nazinoarteko akademiko prestigiodunen, adituen eta chefen babesa dau eta gastronomiak gizarte-aldaketea lortzeko dauen zeregin garrantzitsuari buruzko jokerea eragin dau mundo osoan.

Irabazlearen izena Donostian jakinarazoko dabe 2025eko urrian. Irabazleak 100.000 euro jasoko ditu eta diru hori gastronomiaren ahalmen eraldatzailea islatzen dauen edozein proiektutarako erabiltea da helburua.

Hamargarren edizino honetan, Basque Culinary Centerrek eta Eusko Jaurlaritzeak sortutako autorpen global aitzindari hau martxan dago, izentapenak aurkezteko epea maiatzaren 31n amaituko da eta Basque Culinary World Prizeren webgunearen bidez egin behar dira: www.basqueculinaryworldprize.com.

Izendapenerako aldia amaitu ondoren, Basque Culinary World Prizeko idazkaritzeak hautagaiak aztertuko ditu. Idazkaritza horretan sukaldaritzako akademikoak eta adituak izango dira.

Epaimahaia Donostian batuko da 2025eko urrian eta orduan hautatuko dabe irabazlea. Haren izena, barriz, jentearentzat edegitako ekitaldian jakinarazoko dabe.

Diziplina anitzeko epaimahai batek hautatuko dau irabazlea: Joan Roca (Espainia) buru dabela, Michel Bras (Frantzia), Yoshihiro Narisawa (Japonia), Manu Buffara (Brasil), Dominique Crenn (Frantzia/AEB), Gastón Acurio (Peru), Pía León (Peru), Mauro Colagreco (Argentina/Frantzia), Josh Niland (Australia), Narda Lepes (Argentina), Trine Hahnemann (Danimarka), Elena Reygadas (Mexico) eta Thitid Tassanakajohn (Thailandia).

Sariak eragin handia izan dau, izan be, aldaketearen abangoardian dagozan chefen lana nabarmendu eta profesionalen istorio inspiratzaileak ikusarazoten ditu, beren ezagutzaren bidez hainbat arazori aurre egiten deutsenak: klima-aldaketea, elikagaiak alferrik galtzea, biodibersidadea, laguntza humanitarioa, gizarteratzea...

Andrés Torres sukaldari espainiarrak 2024ko Basque Culinary World Prize saria irabazi eban, Global Humanitaria GKEaren bidez 10 herrialdetako elikagaien segurtasunaren alde egindako lanagaitik eta gastronomiaren bidez mundu osoko zenbait krisi-egoeratan egindako esku-hartzeakaitik, bai eta Casa Nova jatetxea sortzeagaitik be. Jatetxe hori praktika jasangarrietan oinarrituta dago eta gastronomiari bestelako begirada bategaz ekitea posible dala erakusten dau.