XXIII. Munduko Arrozak herri ekimena hemen da

| Ikusi handiago | Argazki originala

Ohiko gastronomia lehiaketea, Bilbo Zaharra, San Frantzisko eta Zabala auzoetako Ehunka Sare Komunitarioak atontzen dau. Aurten be, 2004an sortutako ekimen herrikoi eta hitzordu komunitario honek arroza hainbat jatorri, kultura eta errealidadetako bizilagunen topagune bihurtuko dau, auzoetako kulturartekotasuna, bizikidetzea eta parte-hartze soziala sustatuz.

3000 persona inguruk parte hartzen dabe, 110 talde eta kuadrilla baino gehiagotan atonduta, aurten be dozenaka herrialde eta kulturatatik etorriak.

Gastronomiaz harago, Munduko Arrozak espazio edegi, herrikoi eta parte-hartzailea dala aldarrikatzen da barriro, Bilbo Zaharra, San Frantzisko eta Zabalaren aniztasuna ospatzen dauena eta, aldi berean, auzo horreek eta bertako jenteak bizilagunek bizi dituen arazo sozialak ikusarazoten dituana.

Konpromiso sozialak markautako giroan, edizino honek ahotsa altzauko dau Gerrei ez esateko, auzoen nortasuna eta aniztasuna aldarrikatzeaz eta etxebizitza eskuratzeko krisia eta bizilagun askori eragiten deutsen gizarte-bazterketako egoerak salatzeaz gan.

Egun osoan zehar kultur jarduerak, umeentzako tailerrak eta kalejirak izango dira auzoko kaleetan zehar, baita arroz-lehiaketa herrikoia eta herri bazkaria be.

Egitaraua:

 09:00: Mahaiak eta jarlekuak banatuko jakez izena emon daben taldeei.
 11:00: Umeentzako olgetak eta tailerrak.

Musika-emonaldiak.
Arroza kozinetea taldeka.

 13:00: Aniztasunaren aldeko kalejira aldarrikatzailea auzoko kaleetan zehar.
 13:30: Munduko Arrozak lehiaketa gastronomikoa.
 14:30: Herri arroza doban banatzea.
Herri bazkaria
 17:00: Sari banaketea eta zozketea.

Gure auzoetako eta Bilboko aniztasuna aberastasun handia dala eta herri-ekimena gizartean eragin handia daben jarduerak modu autogestionatuan atontzeko kapaz dala erakusten dauen ekimen hau komunikabideetan zabaldu daizuela animetan zaituegu.