Aktualitatea

Enrique Morentek Gernikan aurkeztuko dau Picassoren obra poetikoari buruz egin dauen diskoa

Enrique Morentek kontzertua eskainiko dau bagilaren 14an Gernikako Jai-Alai pilotalekuan, Pablo Picassoren omenez argitaratu dauen ‘Pablo de Málaga’ izenburuko diskoa aurkezteko.

Bilboko Artelan Berreginen Museoak makinatxu bat ekitaldi dakarz Museoen Nazinoarteko Egunerako

Egun berezi horretan Mariaren Bihotza Eleizara inguratzen diran guztiek Museoa doban bisitau eta familia osoarentzako ikuskizunez gozetako aukerea izango dabe.

Santurtziko musika eskoleak 25. urtemugea ospatuko dau

Santurtziko musika eskoleak bihar, hilak 16, ospatuko dau bere 25. urteurrena, Serantes Kultur Aretoan (SKA) egingo dan jaialdian. Bertan, omenaldi ‘oso berezia’ egingo jako hasierako momentuetan eskolea bultzatu eban Pili Mugikari.

Fernando Meirellesen Blindness filmak zabaldu dau Canneseko LXI. Jaialdia

Maiatzaren 25era bitartean, danetara 20 filmek parte hartuko dute lehiaketan. Sean Penn izango da epaimahaiko presidentea.

Trenbidearen Euskal Museoak 5 tren historiko jarriko ditu martxan Museoen Nazinoarteko Eguna ospatzeko

Domekan, hilak 18, hiru tren historiko abiatuko dira museoko instalazinoetatik Lasaoko geltokiraino. Lehenengoak, Azpeititik 11:00etan urtengo dau. Tren hau antxinako Ferrocarril Vasco-Asturianoko 1004 diesel lokomotoreak atoian eroango dau, diesel motorearen sortzaile izan zan Rudolf Diesel injineru alemanaren jaiitzearen 150. urteurrena beteten dala ospatuz.

Interneten erabilerearen ganeko eskuliburuak banatuko ditue

Ekimena Telekomunikazinoen eta Informazino Gizartearen Nazinoarteko Egunaren (Internet eguna) barruan sartzen da. Aurten be, Internet Eguna maiatzaren 17an ospatuko da. Aurten, Laudion garatuko da egitarau berezia, barikutik domekara.

Soziolinguistika Klusterrak bikoteen artean hizkuntza ohituren aldaketea ikertuko dau

Ekimenaren misinoa euskerearen berreskurapen eta normalizazinorako soziolinguitika ezagutzea garatzea da. Ikerketa hau egiteko, Klusterrak publikoaren borondatezko laguntzinoa eskatu dau.

‘Begibistan’, Amurrioko II. Zinema Astea maiatzaren 19tik 25era

Euskaldunek produzidu eta egindako film laburrak aurkezten dituan Begibistan jaialdiaren bigarren edizinoan, danetara, 72 film labur eta 2 film luze proiektauko ditue.

Bildur-ikarea Txinan

Txina. 29 kilometroko sakoneran, 31 gradu ipar-latitudean eta 103 ekialde-longitudean, Sichuán probintziako Wenchuan uriaren azpian, herrialdearen erdi-mendebaldean, astelehenean, 14:28an, lurra haserratu egin zan. 14:41ean, lurrikarea Shanghaira ailegau zan. Bulegoan nengoan, hogeta hamar pisu baino gehiagoko eraikin bateko 19. pisuan.

ACT, Nazinoarteko Eszena Sortzaile Barrien Jaialdia 2008ko Maiatzaren 28tik 31ra Bilbon eta Barakaldon

Joera eszeniko barriei zabalik dagoan ACTek, hezkuntza, Europagazko hartu-emonak eta sorkuntza barria hurreratu eta suspertzen ditu. Helburuak eszena sortzaile barrien lana sustatu eta berau publiko, prentsa eta profesionalengana zabaltzea dira.

Alex de la Iglesia bilbotarrarentzat Argiaren Hiria saria

Alex de la Iglesia euskal zine-zuzendariari maiatzaren 29tik bagilaren 8ra bitartean egingo dan Alacanteko V. Zinemaldiko Argiaren Hiria saria emongo deutsie bere aparteko ibilbide profesionalagaitik.

Barriken biziraupena luzatzeko metodo barria

Barena Hispania deituriko entrepresa batek oraintsu patentau dau sistema bat barrikak behin erabili ostean, bigarren ziklo bat izan daien. Sistema barri honi esker, upategiek dirutzea aurreztuko leukie. Barrika baten batezbesteko biziraupena, lauzpabost urtetik zortzi hamar izatera pasauko litzateke sistema barriagaz.

Ipar Uribe eta Arratiako bertsolariak kantuan

Udagoieneko Bizkaiko Txapelketearen atarian, Bizkaiko Eskualdetako Txapelketak martxan dira. Oraintsu Xabier Enbeitak irabazi eban Busturialdekoa eta datorren astegoienean, Ipar Uribe eta Arratiako bertsolarien txandea izango da.

Aurtengo EkoZinemaldia areto gehiagotan ikusi ahal izango da

Ekologistak Martxan kolektiboak EkoZinemaldiaren bigarren edizinoa antolatu dau maiatzaren 26tik 30era bitartean. Ekimenaren helburu nagusia 'zor ekologia' kontzeptuan sakontzen jarraitzea da. Aurtengo ekitaldiak herri gehiago bisitauko ditu. Igazkoei (Bilbo, Donostia eta Barakaldo), beste batzuk gehitu jakez: Iruñea, Gernika, Arrasate eta Tolosa.

Milezak Birmanian itota eta Txinan lurrak jandakoak

Getxok diruz lagunduko ditu euskerea sustatzen daben eskola-orduz kanpoko jarduerak

Gaurtik maiatzaren 30era bitartean zabalik egongo da Getxoko ikastetxeek eta gurasoen alkarteek antolatzen dituen eskola-orduz kanpoko jardueretan euskerea sustatu, zabaldu edo normalizetako 2008-2009 ikasturterako diru-laguntzinoak eskatzeko epea. Oraingoan Getxoko Udalak 25.000 euro banatuko ditu udalerrian ikasketa ez-unibersitarioak eskaintzen dituen ikastetxe, guraso alkarte, ikasle-talde, ikasle ohien talde eta irakasle-taldeen artean.