Klown eta Pailazoen Nazinoarteko Jaialdia egingo da asteburuan Arrigorriagan

Dabi Piedra 2016-05-04 14:33   kulturbiz

Barikuan, maiatzak 6, hasi eta domekara bitartean, 13 konpainiaren ikuskizunek hartuko dabe Arrigorriaga, klown eta pailazoen nazinoarteko jaialdiaren 21. edizinoan. Tartean, lau euskal konpainia izango dira. Publiko guztientzako egitaraua dakarrela dinoe antolatzaileek. Jarduera osogarrien artean, erakusketa bat eta umeentzako jarduerak dagoz.

»» Ikusi argazki guztiak (2)

Magoen eta eskapisten topaleku izango dira Bilboko Txurdinaga eta Otxarkoaga maiatzean

Dabi Piedra 2016-05-02 14:03   kulturbiz

Hogei mago, prestidigitadore eta eskapista inguruk parte hartuko dabe Bilboko 12. Magia Topaketetan, maiatzaren 5etik 29ra. Era berean, Euskadiko eta Munduko Izarren Galea eta zaleentzako lehiaketea eratu ditue. Ekitaldi guztiak 3. barrutian izango dira, hau da, Txurdinagan eta Otxarkoagan. Izan be, bertako merkatari alkarteak dira antolatzaile, Bilboko Udalagaz batera.

»» Ikusi argazki guztiak (5)

Azkuna Zentroak 'Prototipoak', forma artistiko barrien nazinoarteko topaketea antolatu dau maiatzaren 25etik 29ra

Bizkaie! 2016-04-29 11:01   kulturbiz

Azkuna Zentroak Forma Artistiko Barrien Nazinoarteko Topaketea antolatu dau maiatzaren 25etik 29ra arte, Prototipoak izenburupean. Topaketa honek  3, 2, 1. Forma Eszeniko Barrien Nazinoarteko Topaketa programeari jarraipena emon nahi deutso, hiru urtez, arte eszenikoez bete eban topaketea.

»» Ikusi argazki guztiak (2)

SD Eibar Fundazinoak kaleratutako 'SD Eibar 75. urteurrena - 1940 X 2015' liburua kalean dago

Bizkaie! 2016-04-28 17:37   kulturbiz

Jesus Gutierrez Arosak idatzitako liburuak 208 orrialde eta 150 argazki ditu eta dokumentu aparta da Eibarren futbolak historian zehar izan dauen bilakaerea hurretik ezagutzeko. Eibar Futbol Taldeak 75 urte bete zituan 2015ean eta liburua aurten kaleratu da.

»» Ikusi argazki guztiak (2)

'Markak (Gernika 2016)'

Bizkaie! 2016-04-26 18:08   kulturbiz

Bernardo Atxaga idazlearen Markak liburua eta izen bereko dokumentala ditu oinarri ikuskizun honek. Gernikaren sinbologiara hurreratzeko ahalegin poetikoa da. Bizitzaren joan etorrian inork ez dau mundu hau aztarna edo marka propiorik barik itxi gura. Hemen egon ginan, egun batean bizirik egon ginan hemen adierazoten daben markak ixten doguz han eta hemen. Gernikak eta 1937ko bonbardaketeak hainbat marka eragin ditu.

»» Ikusi argazki guztiak (2)

Loraldia Festibala euskal kulturearen udabarriko erreferentzia izateko bidean da

Bizkaie! 2016-04-25 17:36   kulturbiz

Hamasei egunez jarraian, apirilaren 9tik 24ra bitartean, euskal kultureak Bilboko hamaika areto eta kale hartu ditu, eta uria udabarriko euskal kultur garaikidearen erreferentzia izateko bidean jarri da. Bilbon egoan hutsune bat betetera heldu da II. Loraldia, eta behar horri bikain erantzun deutso.

»» Ikusi argazki guztiak (7)

Bilboko Guggenheimek artelanak ikasleei hurreratzeko plataforma digitala sortu dau

Dabi Piedra 2016-04-25 14:26   kulturbiz

Unidade didaktiko interaktiboak deskargauta, Lehen eta Bigarren Hezkuntzako neska-mutilek Bilboko Guggenheim Museoko artelan batzuen ganeko informazinoa, jarduerak, irudiak eta bideoak eukiko ditue eskura. Dobako 20 kurso dira, iTunes plataformearen bidez eskuratu leitekezanak. Zornotzako Lauaxeta ikastolako irakasle bat ibili da proiektua garatzeko lantaldean.

»» Ikusi argazki guztiak (3)

Gerediaga eta Alaine Agirre idazlea saritu ditu Elkar Fundazinoak

Bizkaie! 2016-04-22 12:12   kulturbiz

Elkar Fundazinoak elkar sariak banatu ditu bart Andoainen. Gerediaga alkartearen ibilbidea saritu dabe eta Alaine Agirre idazle bermeotarrak Joseba Jaka bekea eskuratu dau.

»» Ikusi argazki guztiak (3)

Apirilaren 23an ospatuko dabe II. Jentilak Diman eguna

Bizkaie! 2016-04-18 14:30   kulturbiz

Antolaketa lanetan dabilen Txumuluxueta kultur alkarteak jakitera emon dauenez, apirilaren 23an ospatuko da II. Jentilak Diman eguna. Mitologian herriak dauen nortasuna eta aberastasuna ezagutzera emotea dau helburu ospakizunak. Aurten egun osoko programea osotu dabe, nahiz eta gaueko ikuskizuna izan ekintzarik indartsu eta deigarriena.

»» Ikusi argazki guztiak (5)

Bizkaiak bat egin dau monumentuen eta leku historikoen egunagaz

Bizkaie! 2016-04-18 11:14   kulturbiz

Apirilaren 18a Monumentuen eta Leku Historikoen Nazinoarteko Eguna da eta, hitzordu horregaz bat eginaz, jarduera ugari antolatu ditue Bizkaiko museo eta gune arkeologikoetan, apirilaren bigarren hamabostaldian. Dobako bisitaldiak, umeentzako tailerrak, berbaldiak eta abar egongo dirala aurreratu dau Bizkaiko Foru Aldundiak.

»» Ikusi argazki guztiak (2)

Ikusi eta Ikasi umeentzako astialdi programan 6.500 neska-mutilek parte hartu dabe aurten

Bizkaie! 2016-04-15 10:24   kulturbiz

Bilboko Udalak eta Topaguneak antolatzen dabe urtero Ikusi eta Ikasi, urte bi eta zortzi bitarteko umeei euskerazko astialdirako eskaintzea emoteko. Aurten, 12. edizinoan, 58 jarduera egon dira eta 6.500 neska-mutilek parte hartu dabe. Bilborock aretoan egin dabe amaierako jaia eta opariak banatu deutsiez parte-hartzaileei.

»» Ikusi argazki guztiak (2)

Kaleko kulturea ardatz, Break On Stage jaialdia egingo dabe zapatuan Bilbon

Bizkaie! 2016-04-12 15:07   kulturbiz

Aurreko urteetan legez, Miribilla auzoko Bilbao Arena pabilioiak hartuko dau Break On Stage, kultura urbanoen nazinoarteko jaialdia zapatuan, apirilak 16. Arratsaldeko 19:00etan hasita, jantzea, musikea eta kirola buztartuko ditue 20 ikuskizun baino gehiagotan. Munduko break-dance emonaldirik onenaren saria irabazi dauen Arcopom Crew taldea izango da saioko izar nabarmenena.

»» Ikusi argazki guztiak (4)

EHUren Udako Ikastaroetan gai ugari landuko ditue

Bizkaie! 2016-04-12 11:21   kulturbiz

EHUren Udako Ikastaroen 35. edizinoan, eskaintzea zabalduko dabe, unibersidadearen plan estrategikoak jasoten dauenari kasu eginaz. Ohiko moduan, alor ugaritako ikastaroak, mintegiak eta abar dagoz aukeran, 180 jarduera guztira. Une honetan interes handiena sortzen daben gaietan arretea ipini dabe. Izena emoteko epea zabalik dago.

»» Ikusi argazki guztiak (2)

'XIII. Matematikak eguneroko bizitzan' zikloa eguenean hasiko da Bilbon

Bizkaie! 2016-04-05 15:50   kulturbiz

Bidebarrieta Kulturguneak, Matematikak eguneroko bizitzan programearen hamahirugarren edizinoa jasoko dau apirileko eguen guztietan, matematikak eta euren errealidadea gizarte osora hurreratzeko topaketen bitartez. Programatutako lau berbaldiak, ibilbide luzeko eta zirkulu zientifikoetan ospe handiko matematikariek emongo ditue.

Bilboko Azkuna Zentroak 'Amphitryon' izeneko egoitza-programara batu ditu sorkuntzea sustatzeko hainbat ekimen

Bizkaie! 2016-03-17 10:06   kulturbiz

Azkuna Zentroak egoitza artistikoen programearen deialdia egin dau, produkzino barriak sustatzeko. 2016ko martiaren 8tik apirilaren 4ra arte zabalik egongo dan deialdi publiko honen bidez, sortzaileak hautatuko dira, urtebetean euren proiektu artistikoa landu deien zentroagaz batera.

»» Ikusi argazki guztiak (2)

'Txanozuritxu' operearen estreinaldia, ABAO Txiki programearen 25. urteurrenean

Bizkaie! 2016-03-11 13:17   kulturbiz

ABAO-OLBE alkartearen programa didaktikoak mende laurena bete dauela eta, Txanozuritxu umeentzako operearen erabateko estreinaldia egingo dabe zapatuan eta domekan, Bilboko Arriaga antzokian. Txanogorritxu ipuinean oinarritutako euskerazko operea da Txanozuritxu eta Euskal Herrikoak dira sortzaile eta aktore guztiak.

»» Ikusi argazki guztiak (4)

'Gasteizko Toponimia V, Arratzua I' liburua aurkeztu dabe

Bizkaie! 2016-03-10 10:47   kulturbiz

Arabako uriburuko 64 herrixketako toponimo guztiak -bai historikoak, bai eta bizirik dirautenak be- era sistematikoan batzea da Gasteizko Toponimia egitasmoaren helburua. Euskaltzaindiaren egitasmo honen datu-baseak 400.000 sarrera ditu.

»» Ikusi argazki guztiak (3)

Bilboko Euskal Museoko klaustro barritua zabaldu dabe

Bizkaie! 2016-03-03 10:48   kulturbiz

Sei hileko lanen ostean, itxura barritua eta museoko piezak jasoteko baldintza aproposagoak daukaz klaustroak. Batez be, Mikeldi ezaguna hobeto babesteko neurriak hartu dira. Unai Rementeria Bizkaiko Ahaldun Nagusia eta Juan Mari Aburto Bilboko alkatea bertan dirala, ekitaldi bategaz ospatu dabe klaustro barrituaren inaugurazinoa Euskal Museoan.

»» Ikusi argazki guztiak (5)

Badator Loraldia

Bizkaie! 2016-03-02 10:12   kulturbiz

Apirilaren 9tik 24ra, euskerazko kultur produkzinoaren azken loreek Bilbo uria hartuko  dabe. Esparru artistiko guztietako ikuskizunak izango dira: musikea, jantzak, antzerkia, zinemea, literaturea, bertsolaritzea, performancea... Danetara, 16 egun; 30 ikuskizun baino gehiago; 50 artista baino gehiago; eta hori guztia, 11 lekutan.

»» Ikusi argazki guztiak (4)

Break On Stage, kultura urbanoen topaketea, apirilaren 16an izango da Bilbao Arenan

Bizkaie! 2016-03-01 10:10   kulturbiz

Igaz arrakasta handiz egin zan Break On Stage, 5.000 ikusle hurreratu ziran Bilboko Miribilla auzoko Bilbao Arena pabilioira. Aurten, beraz, indarbarrituta dator kultura urbanoen jaialdi hori, bertoko eta nazinoarteko artisten eskutik: Breakdance, hip-hop, scooter freestyle eta beste modalidade asko egongo dira apirilaren 16an.

»» Ikusi argazki guztiak (4)