Badator Euskaltzaindiak argitaratu eta Bernardo Atxagak zuzenduko dauen 'Erlea' kultur aldizkari barria

Bizkaie! 2009-10-06 17:23   kulturbiz

'Erlea' kultur aldizkari barria aurkeztuko dabe eguenean Donostiako Kursaalen, 11:30etan. Aldizkaria Euskaltzaindiak argitaratuko dau eta Jose Irazu 'Bernardo Atxaga' idazle eta euskaltzain osoa da zuzendaria. Pamiela argitaletxea arduratuko da edizinoaz eta diseinuaz.

Mikel Atxaga kazetari, itzultzaile eta euskaltzain urgazlea hil da

Bizkaie! 2009-09-11 11:05   kulturbiz

Idazle, kazetari eta itzultzaile, diktadura sasoian hainbat ezizen erabili zituan idazteko: Errialde, Mutiozabal, Irastortza, Iraola... 1971n, Zeruko Argia-n hasi zan lanean eta 1977tik orain dala urte bira arte Deia egunkariko kazetaria izan da. Horrezaz ganera, 'Deiadarrak', 'Gaztetxo', 'Ezkontza bidean' eta 'Xalbador' obrak idatzi ditu, azken hori Bidegileak bilduman.

»» Ikusi argazki guztiak (1)

'Una ría con duende' jaialdiak flamenkoa hurreratuko dau Bilbora

Bizkaie! 2009-09-10 10:40   kulturbiz

Barikuan, irailak 11, hasi eta urriaren 3ra bitartean, Una ría con duende topaketa flamenkoen jaialdia egingo da Bilbon, laugarrenez. Kontzertuak, kantak, jantzak, gitarrea eta perkusinoa lantzeko tailerrak, zinema-emonaldiak eta berbaldiak batzen dituan ekitaldi-programa zabala preparau dabe antolatzaileek.

Paulino Solozabal 'Egieder' goian bego

Bizkaie! 2009-09-07 11:27   kulturbiz

Pasa dan martitzenean hil zan Mungian Paulino Solozabal (Etxebarria, 1912; Mungia, 2009). Mungiako abadea izan zan ia bizitza osoan, bai eta etorri handiko olerkaria be. 'Eguna', 'Karmel', 'Olerti' eta beste hainbat aldizkaritan olerkiak argitaratu zituan, eta hamabost bat olerki liburu be plazaratu zituan.

Pablo Antoñana idazle nafarra hil da

Bizkaie! 2009-08-17 15:08   kulturbiz

Eusko Ikaskuntzako kidea zan Antoñana. 1996an Vianako printzea saria jaso eban eta 2007an Manuel Irujo saria, besteak beste. Frankismo garaian, euskal kulturearen alde lan handia egin eban idazleak, baita ondorengo urteetan be. Gaztelaniaz idazten eban eta literatureagazko konpromiso argia eta etikoa eukan; horregaitik, XX. mendearen bigarren erdialdeko idazle nafar garrantzitsuena izan zala esan daiteke.

Bilboko auzoak protagonista Distrito Foto Argazki Lehiaketan

Bizkaie! 2009-07-20 14:55   kulturbiz

Danetara, 4.935 euro banatuko ditu sarietan modalidade bakotxean, papelean (koloretan eta zuri-baltzean) eta euskarri digitalean. Modu hau da aurtengo edizinoak barrikuntza legez dakarrena. Modalidade barri honetan parte hartu nahi dabenek, argazkiak www.bilbao.net/distritofoto webgunera bialdu leikiez irailaren 7tik 18ra bitartean.

Elorrio musikaz eta antzerkiz jantziko da Musikaire jaialdiagaz

Bizkaie! 2009-06-23 10:45   kulturbiz

Bagilaren 27tik garagarrilaren 26ra, Elorrioko Musikaire jaialdiak danetara 14 emonaldi eskainiko ditu: 9 kontzertu eta 5 antzerki-ikuskizun. Tartean, azoka kulturala be egongo da. Oreka TX eta Clownic konpainiaren '100% tricicle' obra ezaguna egongo dira bertan, besteak beste.

»» Ikusi argazki guztiak (1)

Bilboko Artelan Berreginen Museoak zabalik dauka udalekuetarako izena emoteko epea

Bizkaie! 2009-06-09 11:46   kulturbiz

Ikastaro egunetan, goizeko 10:00etan hasiko da jarduna eta etxeko txikienek goiza bertan pasetako aukerea izango dabe, 13:30ak arte. Egun bakotxerako jarduera desbardinak antolatu ditu Museoak, Mariaren Bihotza Eleiza barruan zein kanpoan egiteko ekimenak. Mariaren Bihotza plazako indusketara eta Arkeologia Museora bisita gidatua, arkeologia lantegiak eta Berreginen Museoko bildumetatik zehar ibilaldiak.

Kultura Kalez Kale: danontzako ikuskizunak maiatzean eta bagilean Bilboko 5. barrutian

Bizkaie! 2009-05-15 16:36   kulturbiz

'Pertsianak bajatuko doguz' lehiaketa originala da aurtengo ekimen barria. Maiatzaren 2 Alkarteagaz alkarlanean, Bilbo Zaharreko komertzioak graffitiakaz apaintzean oinarritzen da. Kaleko artisten lana autortzea dau helburu eta bitartean, auzoko irudiari, irudi deigarriakaz, modernotasun kutsua emotea.

»» Ikusi argazki guztiak (2)

Bilboko Artelan Berreginen Museoak Museoen Nazinoarteko Eguna ospatuko dau

Bizkaie! 2009-05-15 15:23   kulturbiz

Bilboko Udaleko Kultura eta Hezkuntza Sailaren eta Bizkaiko Foru Aldundiaren menpeko Bilboko Artelan Berreginen Museoak Museoen Nazinoarteko Eguna ospatuko dau domekan, hilak 17, zinea, musikea eta antzerkia buztartzen dituan ekitaldi-sorta baten bidez.

Musikea eta jantzea buztarturik: 'Nora', Mikel Urdangarin eta Traspasos Dantza taldearen ikuskizun barria

Bizkaie! 2009-05-15 11:34   kulturbiz

Musika, berba eta dantza bidezko bidaia hau maiatzaren 23 eta 24an aurkeztuko dabe Gasteizeko Jesus Ibañez de Matauco Antzokian. Hilaren 23an, zapatuan, 18:30ean eta 20:30ean eta 24an, domekan, barriz, 19:30ean.

Bizkaidatz sariketearen bigarren edizinoa martxan dago

Bizkaie! 2009-04-24 12:39   kulturbiz

Unai Elorriaga idazle euskaldun ezagunak euskerazko istorioaren hasierea egin dau eta Maria Eugenia Salaverrik gaztelaniazko istorioarena; ondoren, lehiaketan parte hartzen dabenek istorioak jarraitu eta osotu behar ditue. Lanak aurkezteko epea garagarrilaren 4an amaituko da.

»» Ikusi argazki guztiak (2)

'Hitzen Musika' Haur eta Gazteen Liburuaren Nazinoarteko Eguna 2009

Bizkaie! 2009-04-02 10:26   kulturbiz

Apirilaren 2an eta 3an, AlhóndigaBilbaok Haur eta Gazteen Liburuaren Nazinoarteko Eguna ospatzera konbidatzen gaitu, Hans Christian Andersen idazle daniarraren jaiotza gogoratuz. Hitzordua BilbokoIndautxu plazan izango da.

Irakurketea sustatzea helburu, Foru Liburutegirako 2009. urterako kultur programa barria

Bizkaie! 2009-03-06 10:14   kulturbiz

Josune Ariztondok komunikabideen aurrean egindako agerpenean, aurtengo 2009. urterako programazinoaren barruko barrikuntza legez aitatu dau 'Bibliolagunak-Amigos de la Biblioteca' ekimenaren sorrerea; ekimen horrek irakurteko ohiturea sustatzea eta Liburutegiaren erabilerea eta Liburutegiko edukien eta erabileren ezagutza zabaltzea ditu helburu.

Euskal Herriko Etnografia eta Kultur Ondarea on-line ikastaroan izena emoteko azken egunak

Labayru 2009-03-02 16:52   kulturbiz

Ikastaroa euren inguruko errealidade sozial eta kulturaletan sakondu gura daben persona guztiei dago zuzenduta. Batez be, honakoentzat izan leiteke interesgarria: lehen eta bigarren hezkuntzako irakasleentzat, museoetako eta kultur aretoetako gidarientzat, udal teknikarientzat eta herri kultureagaz eta kultur ondarea zabaltzeko jarduerakaz lotutako lanetan ibilten diran guztientzat.

'Harrapazank', musikea eta jantzea bilbotar gazteak euskerara hurreratzeko

Bizkaie! 2009-02-05 14:19   kulturbiz

Musikea Kauta eta Sugan taldeen eskutik ailegauko da Bilboko Bilborock aretora martiaren 13an, barikua, 20:00etan -sarrerea 6 euroan-, 'Jozank' ekimenean. Jantzea, barriz, 'Dantzazank' galako protagonista izango da martiaren 20an, barikua, 19:30ean.

BAD Jaialdiak 10 urte beteko ditu aurten

Bizkaie! 2008-10-22 12:10   kulturbiz

BAD, Bilboko Antzerki eta Dantza Garaikidearen Jaialdia hamargarren edizinora ailegauko da aurten, urriaren 17tik zemendiaren 2ra bitartean eskainiko dauen jarduera-sorta zabalari esker. Jaialdia abangoardiako arte eszenikoen profesionalen topagune eta erreferentzia bihurtu da.

Mungiako Udalak Lauaxeta Olerki Lehiaketarako deia egin dau

Bizkaie! 2008-10-20 11:58   kulturbiz

2005ean Esteban Urkiaga 'Lauaxeta'-ren jaiotzearen mendeurrenean egindako ekitaldiei jarraipena emoteko asmoz eta 'egungo bizimoduan hain beharrezkoa dan literatur zaletasuna bultzatzeko', Mungiako Udalak 'Lauaxeta Olerki Lehiaketea' antolatu dau.

X. Bad Jaialdiaren kartela, publiko inkonformistearen espiritua omenduz

Bizkaie! 2008-10-10 16:40   kulturbiz

Antzerki eta jantza garaikidearen erakustaldia dan BAD Jaialdiaren X. edizinoa urriaren 24tik zemendiaren 2ra bitartean egingo da aurten.

‘Una ría con duende’ topaketa flamenkoen jaialdia egingo da Bilbon

Bizkaie! 2008-09-11 15:45   kulturbiz

Irailaren 13tik urriaren 10era bitartean egingo dan ekimen horren bitartez, Bilboko Udaleko Kultura eta Hezkuntza Sailak eta Sonikete produktoreak Bizkaiko uriburura hurreratu gura ditue flamenkoaren hegoaldeko erritmoak, askotariko eta begi-bistako kultur eraginak batu eta mueta askotako publikoak atrapetako gaitasuna dauen musika-genero honen ezagutza sustatzeko asmoz.