Aktualitatea

Dana dago geldi. Etxebizitza erosteko momentu onena ei da baina bankuetan dirurik mobiduten ez bada...

Euskara 21 ekimena 'fase erabagiorrean' sartu da eta Batzorde Iraunkorrak behin betiko agiria idazteari ekingo deutso

Gaurtik aurrera, kideek gaitegiari emondako erantzunak eskuragarri izango dira Euskara 21 webgunean (http://blog.euskara21.euskadi.net). Horrezaz gan, liburu formatuan be argitaratuko dira epe laburrean.

Juan Mari Lekuonaren ganeko pasarteak batzen dituan liburua aurkeztuko dabe barikuan

Zemendiaren 14an, barikua, 'Juan Mari Lekuona hurbiletik (1927-2005)' liburua aurkeztuko dabe Donostian, Koldo Mitxelena kulturunean. Liburua Oiartzuneko Udalak eta Euskaltzaindiak argitaratu dabe, Juan Mari Lekuona zanaren omenez.

Badator Kameratoia!

Azken hiru urteotan egin dauen legez, aurten be Euskal Herriko Ikus-entzunezkoen Rallya antolatu dau Topagunea Euskera Alkarteen Federazinoak. Bideo-lehiaketearen laugarren edizinoa abenduaren 13an izango da, Donostian, Tabakaleraren instalazinoetan.

Jokin Otaegi misiolariaren ‘Rwanda bihotz-minez' liburua plazan

Otaegik Ruandan lan egin eban hutu eta tutsien arteko gerra zibilaren garaian, 90. hamarkadan, herrialde osoa suntsitu eban gerran eta ‘Rwanda Bihotz-minez’ liburuak, gerra-gatazkeagaz sortutako ondorio latzak deskribiduten ditu.

Mikel Laboak Urrezko Domina jasoko dau abenduaren 23an

Gipuzkoako Foru Aldundiaren eskutik, Mikel Laboak Urrezko Domina jasoko dau. Domina horrek, Markel Olano Diputadu Nagusiaren ustez, autorpen eta omenaldi bat izan gura dau, 'gure ikur eta sinbolo nagusietako bat dan sortzaileari, euskal kulturearen biziraupenaren eta bilakaeraren lekuko izan dan persona bati egindako autorpena'.

Alkoholik Bako Nazinoarteko Eguna ospatuko da Bilbon zapatuan

Bilboko Udaleko Osasun eta Kontsumo Sailak, Droga-mendekotasunen Negoziatuaren bitartez, 'Utzi laguntzen' jardunaldia antolatu dau zapaturako, zemendiak 15, Alkoholik Bako Nazinoarteko Eguna ospatzeko. Bilerea La Bolsa Auzo-Etxean izango da, 10:00etatik 12:30era.

HABEk jai-giroan ospatuko dau bere 25. urteurrena Donostiako Kursaalen

Danetara, 350.000 ikasle pasau dira HABEren euskaltegietatik eta euskaltegien sarea haziz joan da; aurten, esaterako, 107 euskaltegi dagoz, 1.500 irakasle eta 35.000tik gora dira euskerea ikasten dabilzanak. Euskal Autonomia Erkidegotik kanpo, gainera, 60 Euskal Etxegaz daukaz hitzarmenak.

'Kiribil', Zura taldearen lan barria plazan

'Kiribil' Bidasoaldeko Zura taldearen bigarren diskoa da, euskeraz egindako bossanova diskoa, hain zuzen be. Bertan, iturri desbardinetatik edaten dauen bossanova barritzailea topauko dogu: rocka eta funkaren tradizinoak brasildar samba eta bossagaz nahasten dira.

EHUko Arte Ederretako ikasleek euren lanak erakutsiko ditue Palermon

Euskal Herriko Unibersidadeko (EHU) Arte Ederretako Fakultadeko 11 ikaslek euren lanak erakutsiko ditue Palermon (Italia) barikura arte, Siziliako uriburuko Arte Ederren Akademiako beste horrenbeste ikasleen lanak jasoten dituan 'Paesaggi nel tempo-Paisaiak denporan' ekimenaren barruan.

Getxoko Jazzaldiaren 2009ko Talde Lehiaketan izena emoteko epea zabalik dago

Getxoko XXXIII. Nazinoarteko Jazzaldiaren Talde Lehiaketan izena emoteko epea dagoeneko hasi da. Lehiaketea 2009ko garagarrilaren 1etik 5era egingo da eta horretan parte hartu nahi daben talde guztiek datorren urteko zezeilaren 14ra arte emon leike izena.

Bilboko sei auzoren historia aztertuko da 'Auzoz auzo' berbaldi-zikloaren laugarren edizinoan

Ekimen honegaz, Bizkaiko uriburua osotzen daben auzoen memoria historikoa berreskuratu gura da. Edizino honetan, Begoña, Abusu, Deustu, Errekalde, Zorrotza eta Arangoitiko auzoen garai desbardinak eta ezaugarriak izango dira ardatz.