Aktualitatea

Unai Iturriagak irabazi dau Zaldibarren txapelketako bosgarren eta azken kanporaketea

Zaldibarko frontoira hurreratu ziran 600 bertsozaleren aurrean, saioko irabazlea eta zuzenean finalaurrekoetara sailkatzen dana Unai Iturriaga da. Zaldibarko saioan 453,5 puntu batu ditu.

Errioxako haretx egurrezko barrikak

Quercus Toneleria (Grupo Rivercap) izeneko enpresea izan da lehenengoa ardaoaren kriantzarako Errioxako basoetako haretx egurragaz barrikak egiten. Enpresa hau, 2006an Errioxa Garaiko Manzanares herriko udalagaz eta Ingurumen-kontselaritzeagaz berbatutako akordioari esker hasi zan bertako haretx arbolak botaten barrikak egiteko.

Bizkaiko gozogileek 3.000 Karolina erregalauko ditue Bilboko Plaza Berrian

Bizkaiko Gozogileen Alkartasunak 3.000 Karolina erregalauko ditu zapatuan, zemendiak 8, Bilboko Plaza Barrian eguerdiko 12:00etatik aurrera.

Karidadeko Benta taldearen azken kontzertuen kronikea argitaratu da 'Lehengo munduaren azkena' DVDan

Karidadeko Bentamusika taldeak 2007ko udan eskainitako kontzertuakaz jarri eutson amaierea zazpi urteko ibilbideari, eta atzean, hiru disko eta 200dik gora zuzeneko emonaldi itxi zituen. Orain, azken kontzertuen kronikea argitaratu dabe DVD batean, Baleike Kultur Alkartearen eskutik.

Finlandiarrak Durangoko Euskal Liburu eta Disko Azokan

Gerediaga Alkarteak eta Euskal Idazleen Alkarteak atzerriko literaturgintzea Durangoko Azokara ekarteko ekimenagaz hirugarren urtea beteko dabe. Aurreko bi urteetan Eslovenia eta Georgiako idazleak konbidatu ditue. Aurten, barriz, Finlandiakoak izango dira.

OST bermeotarrek metala eta melodia buztartu ditue

Laugarren disko hau, 'Inorena ez den lurrean', aurrekoa legez, metalaren eremuan dago: 'gure betiko metalari ikutu desbardinak ganeratu deutsaguz; izan be, hainbat estilotako musikea entzuten dogu', azaldu dau Jonik. Diskoak bitxikeriak be baditu, metaletik urrunduta. 'Dena den...' izeneko kantan, berbarako, Kataluniako runbaren ikutuak jatorkuz eta 'abesti berezia da guretzat'.

Polonian, Poznaneko unibersidadean, 2011ra arte egongo da euskera lektoretza

Josune Ariztondo Kultura diputaduak eta Juan Ignacio Pérez UPV/EHUko Erretoreak lankidetza hitzarmena sinatu dabe lektoretzak indartzeko Poznaneko (Polonia) Adam Mickiewicz Unibersidadean (euskerakoa) eta Euskal Herriko Unibersidadean (Europa ekialdeko hizkuntzak).

Wiki-historiak, artista eta bitartekariek kontautako euskal inguruko arte historiak

Wiki-historiak genero ikuspuntu batetik egindako Historiaren eraikuntzearen gaineko analisia egin nahi dauen proiektua da, batez be euskal testuinguruko artearen historian zentrauta. Horretarako, alkarregazko lanerako plataforma moduan erabil daitekeen wiki bat sortu eta hainbat aktibidade desbardin antolatu dira.

Karmelo Etxenagusia ohorezko euskaltzaina eta Bilboko gotzain laguntzaile emeritua hil da

Karmelo Etxenagusia ohorezko euskaltzaina hil da, 2008ko zemendiaren 6an, Bilbon, 76 urte zituala, arin agertu jakon eta arin eroan dauen gaixotasun batek jota. Haren aldeko hileta eleizkizuna zemendiaren 7an, barikua, izango da, Bilboko Begoñako Basilikan, arratsaldeko 17:00etan. Bestalde, domekan, zemendiak 9, Iurreta bere sorterrian egingo da irteera- mezea, eguerdiko 12:00etan.

Zinebiren 50 urteak gogoratzeko erakusketea zabaldu dabe

Bilboko Zine Dokumental eta Film Laburren Nazinoarteko Zinemaldiaren 50. edizinoa amaitu arte -zemendiak 29-, 'Zinebi eta Bilbo: 50 urte laburrean' izeneko erakusketea izango da Bilboko Zinebi Gunean, doban. Zinemaldiak mende erdi honetan bizi izan dauen ibilbidea errepasauko dau erakusketeak.

Ortuellako Udalak hizkuntzearen erabilera ez-sexistearen inguruko gidea argitaratu dau

'Komunikazinoa eta generoa' izeneko programearen barrruan kokatzen dan ekimena da gidea, eta Ortuellako Udaleko langileak eta politikariak hizkuntzearen erabilera ez-sexistea erabili daien hezi eta sentsibilizetea dau helburu.

'Toponimia Administrazinoaren eguneroko jardunean' jardunaldia egingo dau Euskaltzaindiak Durangon

Ikastaroa bihar, zemendiak 6, Durangoko Landako Guneko Elkartegian izango da. Jardunaldien helburua administrazino desbardinetako euskera eta kultura sailetako beharginei eta euskalgintza zein kulturgintzako bestelako entidade edota taldeei toponimiaren gaia zelan landu azaltzea eta erakustea izango da.

Emir Kusturicaren musikeak zabalduko dau Zinebiren 50. urteurrena

Urteurrenaren inguruko ekitaldiak aspaldi hasi ziran, 'Zinebi eta Bilbo: 50 urte laburrean' erakusketea gaur hasi eta zemendiaren 29ra arte izango da ikusgai baina egunotan jakin dogunez, Emir Kusturica zinemagile serbiarraren eta The No Smoking Orchestra bere taldearen kontzertuagaz ekingo jako Zinebiri. Zemendiaren 23an izango da emonaldia Arriaga Antzokian.

AEBetako historiako lehenengo presidente afroamerikarra. 'Yes. we can!'

'The Dubliners' taldearen sortzaile Ronnie Drew omenduko dabe Bilbon

Ronnie Drew kantariari omenaldia egingo jako gaur, zemendiak 5, Bilboko Kafe Antzokian 20:30ean. Bertan izango dira Phelim Drew semea, musikari eta aktorea eta Antonio Breschi bere Nomadic Piano proiektuagaz. Konbidau moduan Consuelo Nerea, Joe McHugh, Gabin Dabiré, Sue Collins, Josu Zabala, Joxe Angel Irigaray eta Benito Lertxundi izango dira.

Eusko Jaurlaritzeak 60.000 euro emongo deutsoz Euskal Kultur Erakundeari bere jarduerak laguntzeko

Ipar Euskal Herriko Euskal Kultur Erakundeak euskal kulturearen adierazpideei jagokezan jardueretan hartzen dau esku, besteak beste, literaturan eta argitalpenean, antzerkian eta bertsolaritzan, ikus-entzunezkoetan, dantzan, kantuan eta musikan, arte plastikoetan, eta ondarean.