Kirmen Uribek 'New literature from Europe' izeneko jaialdian parte hartuko dau New Yorken

| Ikusi handiago | Argazki originala

Kirmen Uribek New literature from Europe izeneko festibalean parte hartuko dau New Yorken, zemendiaren 16tik 18ra. Jaialdiaren helburua Europan egun egiten dan literatura barria ezagutarazotea da eta idazleon lanari AEBetan bultzadea emotea. Europako zazpi egilek hartuko dabe parte: Uribegaz batera, Philippe Claudel (Frantzia), Jenny Erpenbeck (Alemania), Gerhard Roth (Austria), Radka Denemarková (Txekia), Olga Tokarczuk (Polonia), Gabriela Adameşteanu (Errumania), eta Antonia Arslan (Italia).

Idazleen mahai-inguruetan hartuko dabe berbea, eta irakurketak be egingo ditue. Horrezaz gan, aitatu idazleon liburuen laginak Center for Fiction eta Brooklyn Rail aldizkarietan argitaratuko ditue.

Gainera, Kirmen Uribe bizkaitarrak hitzaldi bana emongo dau Browneko Unibersidadean (Providence) eta New Yorkeko Cervantes Institutuan, azken honeek, Iñaki Uriarte idazleak lagunduta.