Aktualitatea

Nicholas Negropontek hasiko dau zemendian Zientzia, Teknologia eta Barrikuntzearen Astea

Nicholas Negroponte injineru estadubatuarrak emongo dau Zientzia, Teknologia eta Barrikuntzearen Astearen hasierako berbaldia, zemendiaren 10ean, Bilboko Euskalduna Jauregian. Ekitaldi honegaz hasiko da dibulgazino-jardueren programea, Innobasquek koordinauta.

Bidebarrieta Kulturgunean Angela Figuera poeta bilbotarraren jaiotzearen urteurrena ospatuko da

Hitzorduak publikoari hurreratuko deutso gerra osteko euskal literaturako figurarik handienetakotzat joten dan idazle honen lana, azalpen biografiko batez eta zenbait poemaren irakurketaren bitartez.

Patxi Martinez sestaoarra lehenengo bakarkako dominaren bila doa Tokioko Munduko Txapelketara

Patxi Martinez karateka bizkaitarra izango da kirol honetako txapelketa nagusian lehiatuko dan euskal ordezkari bakarra, eta Avilako aldez aurreko kontzentrazinora abiatu aurretik, komunikabideen aurrean azaldu da eliteko euskal kirolariak babesten dituan BAT Basque Team fundazinoaren eskutik.

Oskorri Ameriketan

Oskorrik taldearen 35 urtebetetzea ospatzeko grabau dauen 'Oskorri Banda Band' disko barriaren bira luzea Ameriketara ailegauko da. Aste honen amaieran hartuko dabe hegazkina taldekideek euren musika-tresnakaz Atlantikoaz bestaldera joateko. La Platan (Argentina), Santiagon (Txile) eta Montevideon (Uruguai) eskainiko ditue kontzertuak.

Euskarabideak eta Bizkaiko Diputazinoak euskerearen inguruko danen intereseko gaiak landu ditue

Euskerearen garapena eta gizarte-sustapena Bizkaian eta Nafarroan, politika bideragarrien planifikazinoa, euskerearen sustapenerako inbertsino publikoaren eta bere emoitzen arteko orekea eta beste zenbait gai landu ditue bi erakundeen artean izandako lan-bileran.

Elebila.eu euskerazko bilatzaileak irudiak bilatzeko eta sinonimia bidezko bilaketak egiteko aukerak eskainiko ditu

Elebila barrituak euskerazko irudi bilatzailea eta sinonimia bidezko bilaketak egiteko aukerea emoten dau orain.

Manu Leginetxek eta Pello Añorgak irabazi dabe Euskadi Literatura Saria

Gaztelaniazko saria Manu Leginetxe (Arratzu, 1941) kazetariak irabazi dau, 'El club de los faltos de cariño' liburuari esker. Bestetik, haur eta gazte literaturako saria Pello Añorgak (Oiartzun, 1956) irabazi dau, 'Jenio Gaiztoa' eleberriari esker.

Telecom I+D XVIII. Jardunaldietan etorkizuneko Internet eta konektibidade globala aztertuko ditue Bilbon

Telecom I+D Jardunaldien XVIII. edizinoaren goiburua 'Zeu zara abangoardia' da, eta teknologiak personak planetako edozein lekutik kontsumitzaile pasiboak izatetik albiste eta zerbitzuen produktoreak izatera pasetea ahalbidetu dauela adierazo gura dau.

Bankuak beti lodi, loraldian zein krisialdian!

Bilboko Zinebin izan diran euskal zinemagileen film laburrak eta dokumentalak ikusgai asteon

Zinebi Bilboko Film Laburren eta Dokumentalen Jaialdiak eta FAS Zine Klubak zinemaldiaren 50. urteurrena ospatuko dabe Zinebin izan diran euskal zinemagileen atzera begirako bategaz urriaren 27tik 30era. Sarrerea dobakoa da.

Alhondiga Bilbaok 'Goazen kontzertura' musikearen zabalpenerako jardunaldiak egingo ditu zemendian

Alhondiga Bilbao zentroak modu berezian ospatuko dau lehenengoz Santa Zezilia eguna (zemendiak 22), eta horretarako, musikearen zabalpenerako ulerterrazak eta arrazoizkoak diran jardunaldiak antolatuko ditu zemendiaren 10, 17 eta 24an eta abenduaren 1ean, 'Goazen kontzertura' izenburupean.

'Heziberri' sortu dabe lau euskal erakundek, barrikuntzarako hezkuntza sustatzeko ekimena

www.heziberri.net partaidetzarako web-orria da, eta barrikuntzan europar erreferentea izateko erronkari aurre egiteko eta Euskal Herriak behar dauen hezkuntzeari buruzko pentsamendu, eretxi eta hausnarketarako eremu bat zabaltzea da asmoa.

Depeche Mode da Bilbao BBK Live 2009ko jaialdiko egitarauan lehenengo taldeburua

Dave Gahan, Martin Gore eta Andrew Fletcher Depeche Mode taldeko kideek urriaren 6an aurreratu eben Berlingo Olimpia Stadium-en, 2009ko maiatzaren 10ean Tel Aviven abiarazoko daben 'Tour of the Universe' izeneko munduko birea.

Oihana Bartrak irabazi dau Muskizen txapelketako hirugarren kanporaketea

Muskizeko Meatzari aretoan, 220 bertsozaleren aurrean kanporaketea irabazi eta zuzenean sailkatu da bilbotarra Bizkaiko Bertsolari Txapelketako finalaurrekoetarako.