Odei Barroso urruñarra nagusi Xiberoa, Lapurdi eta Baxe Nabarreko Bertsulari Xapelketako lehenengo saioan

| Ikusi handiago | Argazki originala

Joandako zapatuan, Muskildin jokatutako lehenengo kanporaketa saioaren ondoren, holan dago sailkapen nagusia.:

1- Odei Barroso 215 puntu
2- Patxi Iriart 199 puntu
3- Ximun Cazaubon 194 puntu
4- Joanes Etxebarria 187 puntu
5- Ramuntxo Christy 185 puntu
6- Bixente Hirigaray 169,5 puntu

Kontuak kontu, Odei Barrosok eta Patxi Iriartek zuzenean eskuratu dabe finalerdietan parte hartzeko txartela; ganerako lau bertsulariek puntuen zain egon beharko dabe sailkatzen diran ala ez jakiteko.

Muskildiko Posonpesenea aretoa jentez ganezka egoan bigarren xapelketearen hasierako saio noiz hasiko. Xiberoako ikastolek preparau eben afaria eta txartel guziak saldu ondoren, harat hurreratu zan jenteari saioa ikusteko aukerea eskaini eutsen antolatzaileek. Danetara, 141 lagun batu ziran. Helduak eta gazteak areto berean alkarregaz, eta azpimarratzekoa da entzulearen gehiengoa jente gaztea zala. Arrakasta handia izan eban beraz xapelketako lehen deialdiak.

Bide beretik, nabarmendu behar da saioaren hasieran ohore egin jakela 18,19 eta 20. mendeetan bapatean ibili ziran bertsulari xiberotarrei: Altzürüküko Sagaspe, Eskiulako Legris, Larrañeko Etchekopar eta Ligueix, Urdiñarbeko Lahuntchagoitz eta Etcheverry-Lantsabagoity, Mauleko Thomas Saint-Jean eta Dominique Behocaray, Mendikotako Errekaborda, Iruriko Pierre Bordazaharre, Sohütako Ibar eta Gorri-Teillamont, Barkoxeko Beñat Mardo eta zelan ez, Barkoxeko Pierre Topet Etxahun.


Aiherran jokatuko da datorren zapatuan Bertsulari Xapelketako bigarren kanporaketea

Miren Artetxe, Xumai Murua, Mattin Luku, Kristiñe Txoperenea, Txomin Elosegi eta Gillen Hiribarren bertsolariek hartuko dabe parte irailaren 25ean, Aiherran, Denen-Etxea aretoan, 20:00etan.

Saioa afari formatuan izango da eta sarrerak Bertsularien Lagunak Elkartean erreserbau behar dira: 00 33 559 54 15 04 edo bertsularien-lagunak@wanadoo.fr helbidean.