Aktualitatea

Dendari eta ostalariei zuzendutako kartelen itzulpen kanpainea abiarazo dabe Eibarren

Eibar Merkataritza Gune Irekia alkarteak (EMGI) eta Eibarko Udalak ‘Euskereak be saltzen dau’ planaren barruan kokatzen dan kartelen itzulpen kanpainea aurkeztu dabe. ‘Euskereak be saltzen dau’ programea 2006an egindako Euskara Planaren barruan sartzen da.

Nevada Estaduak (AEB), Euskal Ikasketen Zentroari: ‘Zorionak eta urte askotarako’

Berba horreekaz, euskeraz, emon deutsoz eskerrak Nevada Estaduko Biltzarrak Renoko Euskal Ikasketen Zentroari. Berrogei urte bete dira aurten Euskal Ikasketen Zentroa martxan jarri zanetik. Sasoi haretan Euskal Ikasketen Programea izena izan eban eta William Douglass antropologoa izan zan sustatzaile eta zuzendari.

Bertsolantegia Eibarren, bertsoaren unibersoa ezagutzeko

Bertso eskoletako gazteei nahiz edade desbardinetako bertsozale eta euskaltzaleei bertsoaren magian sakontzeko gunea eskaini nahi jake. Belaunaldien arteko transmisinorako, bertsolaritzearen nahiz kulturgintzearen gogoetarako, arte disziplinen arteko hartu-emonak lantzeko espazioa izango da.

Azkarate eta Baztarrika Bruselan izango dira Eleaniztasunerako Europar komisarioagaz

Maiatzaren 16an, Eusko Jaurlaritzeak euskerea gizartearen arlo guztietan sendotzeko egiten dituan ekintza eta ekimenak aurkeztuko deutsiez Leonard Orban Eleaniztasunerako Europar komisarioari, baita euskerea sustatzeko mugaz gaindiko hitzarmen aitzindariak be.

Euskalsex, sexua euskeraz

Euskadiko Nazinoarteko I. Areto Erotikoak euskerara bikoiztutako lehen film pornoa aurkeztuko dau. Lehen edizino honek Cicciolina aktorea ekarriko dau Bizkaiko uriburura garagarrilaren 20tik 22ra.

HABEk Lingu@net hitzarmena barritu dau

Hitzarmenean 2007rako lehentasunak eta kide bakotxak urte horretarako hartzen dauen lan-kargea jasoten dira: hizkuntzak ikasteko eta irakasteko modua babesten jarraitzea, jarduera osogarriak ikertzea eta garatzea edota mundu zabalean erabiltzaile kopurua haztea, besteak beste.

Bilbon egingo dabe Euskal Gizataldeen IV. Mundu Biltzarra

Lau urterik behin egiten da munduan zehar dagozan euskal etxeen biltzarra eta aurten hitzordua Bilbon jarri dabe. Garagarrilaren 9an hasi eta 13ra bitartean, alkarren barri izan, euskal etxeen egoerea aztertu eta aurrera begira zer egin leitekeen izango dira hartuko dituen gaiak.

Entrekota parrillan patata eta hirugihar terrineagaz

I. ’Balendin Txiki’ Bertso-paper Lehiaketea

Alberen helburua eskola horreetan bertsolaritea sustatzea eta transmitidutea da. Lehiaketeagaz transmisino lan hori gauzatzeaz gan, ikasleen lana saritu da.

Google-en agertzearen garrantzia

Interneteko bilatzaileen artean zein da gehien erabilitakoa? Duda barik, Google. Horregaitik, edozein web gunerentzako guztiz inportantea da Google-en loturea agertzea. Bilaketa hori egiteko Google-k hainbat aldagai erabilten ditu, 200 aldagaitik gora.

Guggenheim Bilbao Museoan euskal arteari eskainitako bi erakusketa izango dira

Guggenheim Bilbao Museoak euskal arteari eskainitako bi erakusketa aurkeztuko ditu bere hamargarren urteurrenaren harira. Lehenengoa: ‘Ezezagunak: Euskal Herriko arte garaikidearen kartografiak’ da eta, atariko legez, euskal arteak izan dauen garapena erakustea izango dau helburu. Bigarren erakusketea, ‘Bakoitzaren nahiera’ urrian inaugurauko da eta abagune honetarako propio artelanak sortu dituen hamabi artista aurkeztuko ditu.

Sweet Oblivion bizkaitarrek lehenengo diskoa aurkezteko birea egingo dabe

Alfonso Arana Cujo talde getxoztarreko konpositore, abeslari eta gitarristearen proiektu barria da Sweet Oblivion. Rock amerikarraren iturrietatik edaten dauen ‘Wasted Lovesongs’ diskoa aurkeztuko dabe maiatzean eta bagilean Euskal Herrian eta estaduan.

‘III. Mundumira’ Aretxabaletan 2007ko bagilaren 1, 2 eta 3an

Mundumirak, bost kontinenteetako musika, antzerkia, gastronomia eta artisautza ezagutzeko bidaia proposatzen deusku. Horrezaz gan, alkartrukerako eta eztabaidarako kultura anitzeko foroak, haur topaguneak, jaia ospatuko dan ingurua ezagutzeko ibilaldiak, kirol lehiaketak, liburu azokak eta musikea izango dira.

Spider-man 3

Peter Parkerrek lortu dau azkenean superheroiaren betebeharrak eta Mary Janerenganako maitasuna orekatzea. Baina ekatxa dator. Spidermanen mozorroa bat-batean eraldatuko da. Kontuak kontu, pelikula gogaikarria da, bizitasun bakoa, txarra eta betelan nahiz moralkeria merkeaz betetakoa. Umeak be abroziduteko modukoa.

Oskillasoren ‘Kurloiak’ liburua aurkeztu dabe Gernikan

Izen horregaz argitaratu eban Jose Basterretxea Oskillaso-k bere lehenengo nobelea 1962an, testua ezeze azaleko eta barruko irudiak be berak egindakoak dituala. Nobela horren edizino barriztua aurkeztu dau Labayru Ikastegiak Gernikan.

Nontzeflash eta Nontzefilm lehiaketen sarituak jakinarazo ditue

Nontzeberri euskerazko kultura atariak Bilboko Zine Fantastikoaren (FANT) Jaialdiaren laguntzinoagaz antolatutako ‘Nontzeflash IV. Animazinozko Film Laburren Jaialdia’ eta ‘Nontzefilm III. Fikzinozko Film Laburren Jaialdia’ lehiaketen irabazleei maiatzaren 12an emongo jakez sariak, Nontzeberri Gaua dalakoan, Bilboko Capitol zine-aretoetan gaueko 20:00etatik aurrera.

Ardaogintzarako lege proposamen barrirako nondik norakoak

Bruselako iturrien arabera, aurretiaz erabagitako 400.000 hektarea izan beharrean lurretik atara beharreko mahastiak, 200.000 hektarea izatea proposatzekotan omen dabil Europako Batzordea ardaoaren erreformarako sektoreari.