Aktualitatea

Begoñazpi ikastoleak Juan Luis Arregi enpresaburua eta Luis de Lezama abadea saritu ditu

Bilboko Eleizbarrutiko ikastetxea dan Begoñazpi ikastoleak Gazte Role Model Sariaren laugarren edizinoan Juan Luis Arregi enpresaburua eta Luis de Lezama abadea sarituko ditu. Autormen horrek, giza-hartu-emonetan, lana aberastasunaren sortzaile lez eta familia eta lagunek daben garrantzian gazteentzat eredu diran persona ekintzaileen eta barritzaileen lana autortu nahi dau.

Aurtengo Lauaxeta Saria, Durangoko Gerediaga alkartearentzat

Lauaxeta Saria Gerediaga alkarteak jasoko dau, Bizkaiko Foru Aldundiaren eskutik. Ekitaldia abenduaren 1ean izango da, 11:00etan, Foru Jauregian, eta Jose Luis Bilbao ahaldun nagusiak emongo deutso saria Durangoko alkarteari.

Aspaldiko amesa bete dau Mikel Urdangarinek zuzeneko diskoa argitaratuta

2010eko abenduaren 30ean, Bilboko Kafe Antzokian, bi ordu eta erdiko emonaldia eskaini eban zornotzarrak eta oso-osorik batu dabe disko bikotxean. Danetara, 28 kantu dira, lan luzea da, hasieran aukeraketea egitea pentsau genduan baina, gero, kontzertua osorik sartzea erabagi dogu, zuzenekoan egoten diran inperfekzinoak eta guzti, azaldu dau Mikel Urdangarinek Bilbon egindako aurkezpenean.

Salgai honezkero Seaskaren egutegia

Urtero legez, aurten be Seaskak bere egutegiak argitaratu ditu. Ganera, 2012 urte berezia izango da, izan be, egutegiaren formula horren 30. urtemugea izango da

'Animalien afera' dibulgazinoko liburua kaleratu barri dau EHUk

Animalien aferak liburua argitaratu barri dabe EHUko Juan Ignacio Perez Iglesias eta Miren Bego Urrutia irakasle eta animalia biologian adituek. Animalia-espezieek zelan eboluzionetan daben aztertu dabe lanean. Zemendiaren 17an egingo dabe aurkezpena, Bilboko Enpresa Ikasketen Unibersidade Eskolan, Elkano kalean, 19:00etan.

Arriolako XXII. Jazz Blues Jaialdia 2011 zemendiaren 17tik 26ra

Elorrion urteroko hitzordua dabe blues eta jazz zaleek zemendiaren 17tik 26ra; aurtengo Arriolako XXII. Jazz Blues Jaialdian, besteak beste, Belceblues, The Hot Wok, Carl Winter Trio eta Sons of the delta lako taldeak izango dira. Carl Winter Trio aurten Getxoko XXXV. Nazinoarteko Jazz jaialdiko txapelketea irabazi dauen taldea da.

Surfa eragile ekonomiko bihurtzea, World Surf Cities Network ekimenaren helburu

Munduko bederatzi urik surfa eragile ekonomiko lez indartzeko nazinoarteko lehenenego sarea aurkeztu dabe Donostian. Urietako ordezkariak Surfa eta barrikuntza jardunaldietan partzen hartzen dabilz egunotan.

Bilbao Hiria 23. Pop Rock Lehiaketeak baditu finalistak

Bilbao Hiria Pop Rock Lehiaketearen 23. edizinoa azken fasera heldu da kategoria bakotxeko finalakaz. Finalak zemendiaren 18an (Beste Joerak), 25ean (Metal) eta 26an (Pop Rock) izango dira, ohikoa dan legez, Bilborock aretoan.

Siroka taldea izango da euskal ordezkaria Liet International 2011 jaialdian

2011ko zemendiaren 19an, Udinen (Friuli eskualdean) hizkuntza gitxituen Europako jaialdirik garrantzitsuena ospatuko da, Liet International 2011, hain zuzen be. Liet International 2011ko epaimahaiak aukeratutako 12 lehiakidek joko dabe festibalean, tartean Siroka taldeak.

Euskeran eta euskal kulturan oinarritutako jarduera astea Deustuan

Deustura Udazkeneko Kultura ekimenak Deustuko Berbaizu euskera alkartearen, Escribe-Lee alkartearen eta Juan Crisóstomo de Arriaga Kontserbatorioaren laguntza dauka, eta zemendiaren 18tik 25era bitartean izango dira ekitaldiak, Deustuko Udaltegian eta Juan Crisóstomo de Arriaga Kontserbatorioan

Berreginen Museoak Mariaren Bihotzaren Eleizan beteten dauen 5. urteurrena ospatuko dau 'Kandelen argipean'

Bizkaiko Foru Aldundiaren eta Bilboko Udaleko Kultura eta Hezkuntza Sailaren esku dagoan Bilboko Berreginen Museoak, Mariaren Bihotzaren Eleizan (San Frantzisko, 14) dauen egoitza barriaren 5. urteurrena ospatuko dau datorren astelehenean, zemendiaren 21ean, Kandelen argipean egingo diran bi bisiten bitartez.

Antton Ezeiza zinemagilea hil da

Antton Ezeiza zinema zuzendari eta gidoilaria 76 urtegaz hil da, gaixotasuna luze baten ostean. Eguenean, zemendiaren 17an, egingo deutse azken agurra Donostiako Polloeko errausketa gelan. Euskerazko zinemearen bultzatzaile eta aitzindaria izan zan, 70eko eta 80ko hamarkadetan batez be.

Grezia, Italia, Espainia, Belgika, Austria, Frantzia be bai... Europa nora zoaz???

Etorkizun handiko gazte batek eta bi idazle ospetsuk irabazi dabe 2011ko Zientzia-Fikzinozko Alberto Magno lehiaketea

Epaimahaiaren gehiengoak erabagita, lehenengo saria etorkizun handiko idazle Sara Sacristani emon jako, El jardín de infancia lanagaz, generoan ospe handia daben beste idazle batzuei irabazita.

Itxaropena ikastoleak musika sortzaileei zuzendutako lehiaketea abiarazo dau 2012ko Ibilaldiaren abestia egin deien

Ibipuntuzero lemapean, 2012ko maiatzaren 27an egingo da Ibilaldia Trapagarango Itxaropena Ikastoleak antolatuta eta kantua aukeratzeko lehiaketea abiarazo dabe.

Seiren taldeak Amorebieta-Etxanoko Zelaieta Zentroan grabauko dau Urrunegi abestiaren bideoklipa

Zemendiaren 19an, arratsaldeko 20:00etatik aurrera, Urrunegi abestiaren bideoklipa grabauko dabe Seiren taldekoek Amorebieta-Etxanoko Zelaieta Zentroan, 10 urtetik gorako gaztetxuentzat Ametx erakunde autonomoak eskaintzen dauen gaueko aisialdirako Gauero programearen barruan.