'Ur arreak, ur garbiak' Joan Mari Irigoienen lan barria plazan dago
2011-09-28 02:00 Kulturea
Joan Mari Irigoien idazle emonkorraren Ur arreak, ur garbiak lana plazaratu barri dau Elkar argitaletxeak. 330 orrialdeko liburua da, Literatura bildumako 303.a. Nafarroako herri balizko bat irudikatu dau Irigoienek eleberri honetan, bere mendi eta ibai, eleiza eta eskola, ohitura eta zelebrekeriakaz; halan dabe, geografiaren gainetik, hazur-haragizko herritarrak dira erretratuaren protagonistak.
Euskal Liburutegi Digitala 300.000 titulugaz abiatu barri da
2011-09-27 18:36
Euskal Liburutegi Digitala aurkeztu dau Eusko Jaurlaritzako Kultura Sailak, 350.000 irudi baino gehiago eta 300.000 orri dituan plataformea. Guneak euskal bibliografia ondarea jagoteaz gan, ikerlariek eta herritar guztiek ondare horretan sartzeko aukerea izango dabe. Tresna barriak liburuklik dauka izena. Proiektuak aurten daukan aurrekontua 690.000 eurokoa da, 550.000 Eusko Jaurlaritzarenak eta 140.000 Espainiako Kultura Ministerioaren laguntza bereziak.
Urriaren 6an hasiko da 'BLV – ART' kultur programea Bilbon
2011-09-27 17:42 kulturbiz
Bilbo Zaharra, San Frantzisko eta Zabala kaleak abangoardiako jarduerez eta adierazpenez beteko dira barriro be Bilboko Udaleko Kultura eta Hezkuntza Sailak, inguruko zenbait kultur agentegaz alkarlanean, antolatutako BLV-ART programearen edizino barriagaz. Programea, auzo horreen garapenerako eta barriztapenerako kulturaren aldeko apustua egiten dauen Plan Bereziaren barruan dago.
Café Bilbao Teatro Laburreko Sarien testu irabazleak argitaratu ditue
2011-09-27 15:54 Kulturea
Café Bilbao taberneak 100 urte bete ditu aurten, eta mendeurrena ospatzeko Café Bar Bilbao Teatro Laburreko Sarietako testu irabazleak argitaratu ditu. Artezblai argitaletxeagaz batera kaleratu ditu bai euskerazko bai gaztelaniazko argitalpenak. Horrezaz gan, antzerki sarien deialdi barria aurkeztu dabe, bederatzigarren edizinoa, hain zuzen be.
Euskerea ikasteko 'Arian' metodo barria aurkeztu dau Elkar argitaletxeak
2011-09-27 15:38 Euskerea berbagai
Euskerea ikasten hasteko metodo barria aurkeztu dau Elkar etxeak, Arian. Metodo modernoa, osoa, erakargarria eta erraza dala nabarmendu dau aurkezpenean Txantxon Zubeldia argitaletxeko editoreak. Itziar Etxabe eta Marian Urkizu Arian metodoaren egileak, eta Joseba Ezeiza EHUko irakaslea be prentsaurrekoan izan dira.
Zuzen-zuzenean musika zirkuitua abian da, 40 kontzertu baino gehiagogaz
2011-09-27 15:32 Musikea
Urritik urtarrilera egingo dabe Zuzen-zuzenean zirkuitua, Euskal Autonomia Erkidegoko musika-aretoen eskeintzea hobetu eta euskal taldeei aukerak zabaltzeko. Aurten, ganera, Pettik zirkuituaren kantea egin dau eta musikari ezagunakaz batera abesten dau bideoklip baten.
Makinatxu bat ekitaldi Bilbon Miguel de Unamunoren jaiotzearen 147. urteurrenean
2011-09-27 14:52 kulturbiz
Irailaren 29an, 147 urte beteko dira Miguel de Unamuno jaio zanetik, eta Bilboko Udalak, ohikoa danez, gure uriko idazle handienetako baten egun instituzionala ospatuko dau, idazlearen bizitza eta lana gogoratzeko zenbait kultur ekitaldigaz.
Badatoz Bilbon Eskolatik Antzerkira, Eskolako Antzerki Lehiaketea eta Bilbaoeszenaren tailerrak
2011-09-27 14:17 Kulturea
Bilboko Udaleko Kultura eta Hezkuntza Sailak aurrera jarraitzen dau Bilbon Eskolatik Antzerkira programeagaz. Honezkero ohikoa dan —aurten XVII. edizinoa beteko dau— Eskola Antzerki Lehiaketeagaz batera, Arte Eszenikoetarako ikus-entzule barriak trebatzea dau helburu, txikienen artean antzerkiko sorkuntza lana bultzatzeaz gan.
Iurretako banderearen mendeurrena aurten
2011-09-27 12:03
Jon Irazabalek idatzi eta banderearen historia jasoten dauen liburuxkea aurkeztuko da lehenengo. 1911 Herri batzordeak bultzatutako Herri bat, bandera bat izenburua daukan dokumentala be ikusi ahal izango da lehenengoz. Bandera bera zaharbarrituta be ikusi ahal izango da. Denporeagaz kaltetuta egon dan oihala konpondu egin da eta eleizateko ezkutua oihalean berreskuratu.
Mare Fondum alkarteak arrantza arduratsuaz jardungo dau Kantauri Meeting topeketetan
2011-09-27 12:02
Mare Fondum alkarteak iraunkortasunari eta itsas inguruneari buruzko Kantauri Meeting'11 topaketak egingo ditu urriaren 14an eta 15ean Bilboko Yohn Jauregian. Ingurumenaren kultura sustatzeko, herritarren artean ingurumenaren ganeko errespetua zabaltzeko eta itsas ekosistemen garrantzia jakinarazotea dira batzarraren helburu nagusiak.
Eusko Ikaskuntzaren Hedatuz liburutegi digitala Europeana bidez konsultagai
2011-09-27 11:34
Aurrerantzean, Hedatuz liburutegi digitalera Europeanatik sartu daitekela jakinarazo dau Eusko Ikaskuntzak. Europeana kontinente guztiko 1.500 erakunde ingururen hamabost mila objektu digital baino gehiago –liburuak, eskuizkribuak, bideoak, etab– dituen europar dokumentu base handia da. Hedatuz Europeanak daukan euskal kultur fondo handiena da
Arte Ederren Fakultateak 40. urteurrena ospatuko dau UPV/EHUren Bizkaia Aretoan
2011-09-27 11:19
40 urte pasau ondoren, Arte Ederren Fakultadeak 3 gradu eskaintzen ditu, 140 irakasle baino gehiago ditu eta 1.500 ikasle inguru joaten dira Bizkaiko Campusean (Leioa-Erandio eremuan) dagoan fakultadera.
ArteBilbao 2011, antxinako artelanak eta altzariak erosteko aukera parebakoa
2011-09-26 18:55
ArteBilbao 2011 Arte eta Antigoalekoen II. Azokea zabalduko dabe urriaren 1ean Bilboko Alondigan. Antxinako altzari eta artelanen saltzaile eta galerista onenak batuko da Bilbon. Danetara, 3.000 pieza ipiniko ditue salgai, gitxienez 50 urteko antxinakotasunak dabenak. Lan bitxiak eta bereziak egongo dira salgai Alondigan; bildumazaleentzako hitzordu aproposa da, XIX. eta XX. mendeko margolaritzaren zaleentzako bere bai.
III. Zine Ikusezina - Filme Sozialak Nazinoarteko Jaialdia Bilbon
2011-09-26 18:54 Barriak
Irailaren 27tik urriaren 6ra bitartean, jaialdiak pantaila konbentzionaletan normalean ikusten ez diran munduaren irudiak erakutsiko ditu, politika, ingurumen eta gizarte mailan oinarrituta. Hirugarren edizino honetan, 270 izenburu baino gehiago aurkeztu dira lehiaketara; horreetatik % 40 emakumeek zuzendutakoak dira, eta 38 herrialdetako errealidadeak islatu dira.
Elhuyar-ek bost hiztegi ipini ditu eskuragarri iPhone eta Android plataformetan
2011-09-26 17:52
Elhuyar Fundazinoak bost hiztegi ipini barri ditu eskuragarri Android eta Iphone plataformetan, eta gaur goizean egin dau aplikazinoon aurkezpena, Europako Hizkuntzen egunagaz bat eginez.
ETAkideen amesetan arakatu dau Markos Zapiainek
2011-09-26 15:54 Kulturea
Euskerazko eleberrietan, behin baino gehiagotan, ETAko kideak izaten dira protagonista eta hari horretatik tiraka, Etakideen ametsak izenburuko saiakera-liburua atara dau Markos Zapiain idazle, filosofo eta kritikariak.
Musikari, poeta eta bertsolariek Xabier Lete omenduko dabe Euskalduna jauregian, urriaren 8an
2011-09-26 15:54 Musikea
Xabier Lete gogoan kantaldia Bilbon egingo da Euskalduna jauregian, urriaren 8an. Kontzertuaren aurkezpena egin dabe gaur, Bilboko Foru Liburutegian, bertan izan dira omenaldian parte hartuko daben Petti, Jabier Muguruza eta Amaia Zubiria kantariak, eta Josune Ariztondo Bizkaiko Kultura diputadua eta A & M kultur promotorako Joxeanjel Arbelaitz.
Bilboko XIII. BAD jaialdiak erabateko 12 estreinaldi eskainiko ditu
2011-09-26 15:51 Kulturea
Urriaren 28tik zemendiaren 6ra bitartean, Bizkaiko uriburuak arte eszenikoen abangoardia hartuko dau barriro be, BAD-en, Bilboko Antzerki eta Dantza Garaikide Jaialdiaren XIII. edizinoan. Gainera, Bilboko Udaleko Kultura eta Hezkuntza Sailak antolatzen dauen jaialdiak aperitibo bat eskainiko dau datorren urriaren 24tik aurrera, Sorkuntza lanak abian eta sorkuntza prozesuak' gaiari buruzko Pre-BADeko lau egun eskainiz.
Elustondo eta Lizaso aurrera Gipuzkoako Txapelketan
2011-09-26 14:26 Bertsolaritzea
Nerea Elustondok eta Beñat Lizasok irabazi ditue Gipuzkoako Bertsolari Txapelketeak astegoienean izan dituan final-zortzirenetako bi saioak, eta biak zuzenean sailkatu dira final-laurenetarako. Elustondo Eibarren nagusitu zan, eta orain arteko puntuazinorik altuena atara eban.
UZEI zentroak Sinonimoen Hiztegiaren plugin barria ipini dau sarean
2011-09-26 13:22
Sinonimoen Hiztegiaren plugin barria aurkeztu dau UZEI Terminologia eta Lexikografia zentroak, hain zuzen be testu-tratamendurako programetan doban txertatzen dan aplikazinoa da. Barrikuntza bi ditu pluginak: alde batetik, hiztegiaren edukia eguneratu egin da, Euskaltzaindiaren arau barrien batuta, eta beste alde batetik, informazino-iturri gehiago hartu dira kontutan.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...