Elhuyarrek 'Zientzia haurrentzat segundo gutxian' esperimentu bildumea argitaratu dau

| Ikusi handiago | Argazki originala

Elhuyarrek gaztetxuentzako zientzia-esperimentuak jasoten dituan Zientzia haurrentzat segundo gutxian. Hamar minutuan edo gutxiagoan egin ditzakezun 100 esperimentu baino gehiago liburua kaleratu barri dau. Jean Potterren Science in Seconds for Kids: over 100 experiments you can do in ten minutes or less liburuaren euskerazko bersinoa da, eta Elhuyarrek egin dau itzulpena.

Lana 8 eta 12 urte bitarteko gaztetxuei zuzenduta dago. Jean Potterrek preparautako esperimentu eta jardueren bitartez zientziaren magia biziteko aukerea daukie irakurleek. Hamar minutu edo gitxiago nahikoa dira jarduera bakotxa egiteko; jarraibide argiek, pausuz pausuz azaldutakoek, eta irudiek esperimentua ondo egiten lagunduko deutse umeari.

Ganera, gaztetxuek makina bat gauza ikasi ahal izango ditue: zergaitik ez diren biribilak arrautzak, urpekoak zelan igoten diran gainazalera eta zelan hondoratzen diran eta abar. Esperimentuak egiteko behar dan material gehiena etxean bertan, lorategian edo auzoan topau daiteke, eta ia edozein lekutan egin daitekez esperimentuok. Liburuan batutako esperimentuak ondoko 12 arloei buruzkoak dira: airea, animaliak, argia, eguraldia, energia, giza gorputza, grabedadea, handitzea, koloreak, magnetismoa, makinak eta ura.

Zz izeneko bildumearen hirugarren alea da, eta Gipuzkoako Foru Aldundiaren laguntzea jaso dau. Zz sailaren bitartez neska-mutilak esperimentuen mundu zirraragarrira hurreratu gura ditu Elhuyarrek. Ez dira eskola-liburuak, izan be familian eta lagun artean ondo pasetako esperimentu-bildumea dira. Zz sailean argitaratutako ganerako liburuak Armix max-mix (8-10 urte) eta Zientzia guztiz arduragabea! (9-14 urte) dira.

Liburua papelean zein formatu digitalean eskuratu daiteke. Papeleko bersinoa daborduko salgai dago, 12 euroan, Elhuyarren Interneteko dendan (www.elhuyar.org/edizioak) eta liburu-denda nagusietan. Formatu digitala Interneteko dendan erosi daiteke, 4 euroan. Papelezkoa erosten dauenak formatu elektronikoko ale bat jasoko dau doban.