Aktualitatea

Pedro Miguel Etxenike Belgikako Zientzia, Letra eta Arte Ederren Erret Akademiako kide izentau dabe

Etxenike Materia Kondentsatuaren Fisikako katedraduna da EHUn, Hiru Aldeko Batzordeko kidea eta IDOMeko eta Mapfreren iparraldeko ordezkaritzako aholkularia. Gaur egun, Donostia International Physics Center eta CIC Nanogune zentroetako zuzendaria da, baita 2007ko urriaren 25ean eratu zan Eusko Ikaskuntzako Jakiunde Zientzia, Arte eta Letren Akademiako presidentea be.

Guggenheim Bilbao Museoan Kontrauhina: 'Frantziako zinema barriena' irailaren 22tik 27ra

Ziklo berezi honetan, azken hamar urteetan Frantzian izan diran zinema jokera guztiak jorratuko dira: bildurrezko filmak, egile-zinema, gizarte gaiak jorratzen dituen filmak eta komedia baltza, berbarako.

Eleka enpreseak Opertrad itzultzaile automatikoa erakutsiko dau Madrilen

Eleka Injinerutza Linguistikoa enpresa eta Imaxin-Software enpresa galiziarra Madrileko Simo Network azokan izango dira Opentrad itzultzaile automatikoa (www.opentrad.com) erakusten. Simo Network bihartik eguenera (irailak 22-24) bitartean izango dan nazinoarteko azoka profesionala da, eta enpresentzako IKT zerbitzuak, produktuak eta konponbideak erakustea eta sektoreko enpresen alkar-ezagutzea bultzatzea dira ekimenaren helburu nagusiak.

EHUko ikertzaile batek euskerazko akats sintaktikoak topetako eta zuzentzeko sistemea sortu dau

'Saroi' tresna erabilerraza eta malgua da, eta maila desbardinetako hizkuntza-ezaugarriakaz lan egiteko gai da (morfologia, morfosintaxia, sintaxia, etab.). Egilearen esanetan, hizkuntzalaritzarako lan-tresna egokia eta erabilgarria izan daiteke.

Bilboko XI. Miguel de Unamuno Saiakera Lehiaketarako deialdia zabalik dago

XII. Manhattan Short Film Festival Bilbon egingo da hirugarren aldiz, irailaren 25ean

Jaialdia irailaren 25ean egingo da, Bilbon, EiTBko multi box aretoan, 20:00etatik aurrera. Ekitaldiaren antolatzaileak EiTB eta Bilboko Udaleko Kultura eta Hezkuntza Saila dira eta edonor bertara daiteke; baldintza bakarra izena emotea da, eta, horretarako, e-maila bialdu beharko da izen-abizenakaz, helbide honetara: manhattanshort@eitb.com.

Euskerea sustatzeko hainbat ekimen Bermeon

Bermeoko Udaleko Euskera Sailak, herriko euskaltegiakaz batera, euskera ikastaro bi eta Berbalagun egitasmoa antolatu ditu. Ikastaroak gurasoei eta etorkinei zuzenduta dagoz eta kolektibo horreek biek daukiezan beharrizanak kontuan izanda antolatu dira, ikasketa prozesuan aurrera egin dagien ordu-kopuru, ordutegi eta matrikula aldetik erraztasunak eskaini gura deutsiezalako antolatzaileek.

Bidaiak preparetan eta argazki zein bideoak montetan erakutsiko dabe 'Bidaiariaren txokoan'

Bilboko Udaleko Kultura eta Hezkuntza Sailak antolatutako 'Bidaiariaren txokoa' ekimena bidaiak preparau eta ikusentzunezko montajeak egiteari buruzko bi tailerrez osotuta dago, eta horreetan parte hartu gura dabenek izena 4. Barrutiko (Begoña) Udaltegian edo www.bilbao.net webgunean emon beharko dabe, irailaren 21etik urriaren 13ra bitartean.

Ligea merezimendu osoz Castrora joan dan arren, gure aupadarik beroena Korta, Zurinaga eta Kaikuko ganerakoentzat

Gaztelupeko Hotsak diskoetxea Mexikora

Estaduko musikearen industriako 12 enpresentzako agenda bat preparau da, tartean bilerak eta mahai-inguruak profesional mexikarrakaz. Aitatutako enpresen artean dagoz Gaztelupeko Hotsak (Euskal Herrian aukeratutako bakarra), Discos Lollipop La Nota, Sonifolk, El Volcán Música, Mushroom Pillow, New Day Rising…

'Berbalagun' egitasmoa abiarazo dabe Enkarterrin euskerearen erabilerea sustatzeko asmoz

'Berbalagun' egitasmoaren helburuak bi dira: alde batetik, Enkarterriko euskaldunok alkar ezagutzea eta, bestetik, ikasten dabilzan ikasleek praktiketako aukera gehiago izatea. Horretarako, ekimen nagusi bi antolatu dira: berbataldeak eta euskerearen agendea.

Lekuan lekuko euskal jantzak ikusgai Basaurin

Gaur hasi eta domekara bitartean, Euskal Herriko Dantza Agerketaren 37. edizinoan jantza-talde autoktonoek jatorrizko lekuetan eta egun berezietan baino ikus ezin daitekezan jantzak eskainiko ditue.

Gaur hasiko da Donostiako 57. Zinemaldia eta dagoeneko 65.000 sarrera baino gehiago saldu dira

Atom Egoyan zuzendariak 'Chloe' aurkeztuko dau gaur 20:00etan Kursaalen egingo dan Zinemaldiaren inaugurazino galan. Kursaaleko agertokian, Edurne Ormazabal, Francis Lorenzo eta Bárbara Goenaga izango dira aurkezleak.

Kultura Sailak 3.500 persona konbidatu ditu ‘Kulturearen Atari Interaktiboa’ aurkezteko

Atari Interaktibo barri honek leiho bat zabaldu nahi deutso euskal kultureari bere ikusgarritasuna eta erabilerraztasuna sustatzeko. Beraz, euskal kulturearen jarduera desbardinen zabalpenerako eta informazinorako ezinbesteko erreferentzia izan nahi dau.

Artzain txakurren lehia astegoienean, Atxondon

Euskal Herriko Artzain Txakur Txapelketearen 43. edizinoa egingo da domeka honetan Atxondo udalerri bizkaitarreko Axpe elizatean, Elizaburu landatan. Edizino honetan, BBKren ohiko laguntzinoaz gan, Atxondoko Udalaren babesa eta laguntzinoa izan dau Durangaldeko Adiskideen Gerediaga Elkarteak.

Expobike Amorebiziz'09, txirrindularitza-ekipamenduko Euskadiko lehenengo azokea Amorebieta-Etxanon

Txirrindularitza-ekipamenduko Euskadiko lehenengo azokea astegoienean, irailaren 19an eta 20an izango da Amorebieta-Etxanon. Euskadin gauzatuko dan txirrindularitza-ekipamenduko lehenengo feria honetan zortzi dira, danetara, Zelaietako frontoian hurrengo denporaldirako ekipamenduen eta bizikleten produktu barriak aurkeztuko dituen markak.

Azurmendik Gandiaga gogoratu dau bere azken liburuan

Joxe Azurmendik (Zegama, 1941) 'Azken egunak Gandiagarekin' izeneko liburua kaleratu dau, 'bere libururik pertsonalena', Elkar argitaletxeko iturrien esanetan. 'Gandiaga 2001an hil zan Arantzazun, eta liburu hau haren heriotzearen inguruan sortua da', azaldu dau idazleak. Liburuak bizitzearen zentzua, heriotzea eta fedea lantzen ditu, besteak beste.