Aktualitatea

'Slumdog Millionaire' filma izan da nagusi Oscar sarien 81. ekitaldian

The Curious Case of Benjamin Button filmak, Brad Pitt protagonista dauenak, 13 izentapen zituan, baina hiru baino ez ditu lortu, eta danak bigarren mailakoak (zuzendaritza artistikoa, makillajea eta efektu bereziak). Bestalde, Penelope Cruzek antzeztaldeko emakumezko aktore onenaren saria jaso dau.

Bilboko Injinerutza Goi Eskola Teknikoak espediente onenak sarituko ditu

Bilboko Injinerutza Goi Eskola Teknikoa orain 100 urte baino gehiago sortu zan Bizkaiko uriburuan, eta Estadu espainiarrean dagoan era horretako ikastetxerik prestigiotsuenetakoa da. Zentroak ikasleak trukatzeko programa sinatuak ditu Europako 110 eskola baino gehiagogaz, eta ikasleak lan-munduan txertatzeko akordioak 300dik gora enpresakaz.

Manex Agirre nagusitu da Arabako Bertso Txapelketako lehen kanporaketan

Manex Agirre aramaioarrak irabazi dau Arabako Bertso Txapelketako lehen kanporaketea. Beragaz batera, saioko bigarrenak, Juan Mari Juaristik be finalerdietarako txartela lortu dau.

Bosteko erakusketa ibiltariak Dora Salazar, Begoña Zubero eta Jorge Garcia artisten obrak batuko ditu

Arte Garaikidearen 'Bosteko' izeneko erakusketearen hamabigarren edizinoa antolatu dabe, aurten Arrigorriagako, Amorebieta-Etxanoko, Getxoko, Basauriko eta Leioako udalerriek. Alicia Fernandez historian aditu eta arte-kritikariak aukeratu ditu erakusketan erakutsiko diran obrak.

Eudelek aintzatespena jaso dau Europako Herri Administrazinoen Praktika Onenen sarietan

Eudelen aintzatespena bere 'Praktika Onen Gidaliburua'-gaz egiten ari dan lanak ekarri dau. Gida igazko ekitaldian argitaratu zan, Euskadiko tokiko erakundeei herritarren datuen kudeaketea eta optimizazinoa errazteko helburuagaz, alkarteko arduradunek jakinarazo dabenez.

Eusko Jaurlaritzeak Euskaldunon Egunkariaren auzibidea zarratzeko eskatu dau

Euskaldunon Egunkariaren auzia herri demokratiko batean inoiz gertatu behar ez zan jokamoldearen adierazpen garbia da. 'Itxiera prebentiboak bultzada politikoa izan eban oinarrian, Gobernuak fiskaltzaren bitartez eragin leiken baino indar handiagokoa eta oinarririk bakoa, akusazino hutsetan oinarritutako epairik bako kondena'.

Laburbertsometrai Lehiaketea Bartzelonako Euskal Etxean

Ideia, film laburrak eta bertsoak batzea da eta horretarako, Andoni Egaña bertsolariak 4 errima emon ditu bideo batean grabauta eta gure webgunean ikusgai dagoz. Lau berba honeek gehienez 2 minutuko iraupena izango daben lanetan azaldu beharko dabe.

Munduan galtzeko arriskuan dagozan hizkuntzen artean dago euskerea

Ama Hizkuntzaren Nazinoarteko Egunaren bezperan (Zezeilak 21) aurkeztu dau Unescok munduan galtzeko arriskuan dagozan hizkuntzen atlasa eta ondorio nagusienen artean, bost kontinenteetan 2500 hizkuntza dagoz galtzeko arriskuan, baita euskerea be.

Txirri, Mirri eta Txiribitonek txistulariaren figurea omendu dabe 'Petriri Danbolin' izeneko diskoan

Txirri, Mirri eta Txiribiton euskal pailazoak orain dala urte asko hasi ziran kantak sortzen eta moldatzen, publikoaren aurrean abesten eta diskoak grabetan. Oraingoan, Petiri Danbolin izeneko lana kaleratu barri dabe, txistu-doinuz osotuta.

Def Con Dos taldeak 'Hipotecate tu' disko barria aurkeztuko dau Bilboko Fnac dendan

Gure inguruetan, Def Con Dos taldearen disko barriaren zuzeneko aurkezpenak datorren zezeilaren 27an, Iruñeako Totem aretoan eta martiaren 7an, barriz, Bilbon, Santana 27 aretoan izango dira.

Zurgai aldizkariaren XXX. urteurrena Juan Gelman poeta argentinarrari eskainitako monografikoa tarteko dala

Zurgai aldizkariko monografikoetan ohikoa dan legez, zenbaki berezi hau oso-osorik Gelmani eskainia izango da, bere bertsoen sailkapen bategaz. Baita, bere irudi eta obreari buruzko zenbait artikulu eta omentzen dan autorearen inguruan zenbait autorek idatziriko olerkiak argitaratuko dira.

Microsoft Local Language Program Award saria jaso dau Eusko Jaurlaritzeak

Sari honegaz, Microsoftek bere esker ona adierazo deutso Eusko Jaurlaritzeari, Hizkuntza Politikarako Sailburuordetzearen bidez, Estaduko eleaniztasuna teknologia barrietara eta Internetera zabaltzeko pausu sendoa emon dauelako.

Mozorroa jantzita be, txarria txarri

Eusko Ikaskuntzak 13 lankidetza hitzarmen barri sinatu zituan 2008an

Eusko Ikaskuntzak 13 lankidetza hitzarmen barri izenpetu zituan 2008. urtean zehar Euskal Herriko beste horrenbeste udalakaz: sei Nafarroan, bost Bizkaian, bat Gipuzkoan eta beste bat Araban.

Bilbo heavyaren uriburu, Marilyn Manson, Mötley Crüe eta Anthrax taldeakaz

Heavy zaleen gozamenerako, bagilaren 19an eta 20an, II. Kobetasonik Jaialdia egingo da Bilboko Kobetas mendian eta honezkero badakigu bi egunetarako sarrera-bonoa 85 euroan jarriko dabela salgai.

Jaurlaritzeak 'ontzat' emon dau euskera gaietarako Euskerearen Erakunde Publikoagaz daukan hitzarmena

Eusko Jaurlaritzako Gobernu Batzordeak ontzat emon dau gaur euskerearen ganeko hizkuntza-politikako gaietan mugaz bestaldeko lankidetzea garatzeko eta erakunde mailako hartu-emon iraunkorrak ezartzeko eta garatzeko Ipar Euskal Herriko Euskerearen Erakunde Publikoaren 2009. urteari jagokon alkarlanerako hitzarmena.