Aktualitatea

Txekiako Points taldeak irabazi dau Getxoko 33. Jazzaldiko Talde Lehiaketako lehenengo saria

Italiako eta Danimarkako Vitale-Magatelli-Windfeld Trio izan da bigarren sariduna.

Bestalde, Lorenz Kellhuber izan da aurtengo jaialdiko bakarlari onena epaimahaiaren eretxiz. Kellhuber Tobias Meinhart Quartet taldeko piano-jotzailea da eta talde horrexek lortu dau Publikoaren Saria.

Fitok irailaren 15ean kaleratuko dau disko barria

Hiru urtez lan barririk aurkeztu barik egon ostean, Fito Cabrales eta bere taldeak, Fito&Fitipaldis, Antes de que cuente diez lanagaz bueltauko dira. Garagarrilaren amaieratik aurrera diskoaren lehenengo single-a entzungai egongo dan arren, lan osoa entzuteko irailaren 15era arte itxaron beharko da.

Madariaga Torretxeak dobako sarrerea izango dau garagarrileko eta abuztuko martitzen arratsaldeetan

Busturiako (Bizkaia) Madariaga Torretxean kokatuta dagoan Euskadiko Biodibertsitatearen Zentroak ateak zabalduko ditu gaur eta holan egingo dau garagarrileko eta abuztuko martitzen guztietan, 18:00etatik 20:00etara sarrerea doban eskainiz. Ekimen honegaz, Madariaga Torretxeak aisirako proposamen desbardinak indartu nahi ditu opor-denporaldian.

Medusak aurten inoiz baino 'serioago' dabilz. Zuhur ibili!!!

Europako Batzordeak 'erasmus' ikasleek euskeraz ikasteko diru-laguntzinoa eskainiko dau

Etengabeko Ikaskuntzaren Programako Batzordeak aitatutako hiru hizkuntzak Erasmus programan eskaintzen diran hizkuntza-ikastaro trinkoen hizkuntza-zerrendan barneratzeko erabagia hartu dau. Neurria 2010-2011 ikasturtetik aurrera izango da indarrean.

Avignoneko Jaialdiko egitarauak L’Alakran konpainiaren antzezlan bat aurkeztuko dau

Avignoneko Antzerki Jaialdiak bere egitarauan aurten ‘Kaïros, sisífos y zombis’ antzezlan euskal–suitzarraren eta Comédie de Genéveren arteko koprodukzinoa sartu dau, BAD Bilboko Antzerkia eta Dantza Jaialdiaren laguntzinoagaz, azken edizinoan estreinautakoa.

Irailaren 11ra arte dago zabalik Lekeitioko XXXII. Euskal Zine Bideo Bilera lehiaketan lanak aurkezteko epea

Honezkero argitaratu ditue Lekeitioko XXXII. Euskal Zine Bideo Bilera lehiaketara aurkeztutako lanek bete behar izango dituen oinarriak. Hainbat ezaugarriren artean, lanak euskeraz eginikoak izan beharko dabe, DVD formatoan aurkeztu beharko dira eta ezin izango dabe 30 minutu baino luzeagoak izan.

EHUko Zientzia eta Teknologia Fakultateak Alberto Magno zientzia fikzinozko literatur lehiaketearen 21. edizinoa deitu dau

Lehiaketearen aurreko edizinoan, 64 kontakizun aurkeztu ziran, guztiak gaztelaniaz idatzita. Hainbat lekutatik bialdu zituen: Argentina (7), Kuba (4), Mexiko (2), Peru (2), El Salvador (2), Txile (1), AEB (1), Alemania (1) eta Espainiako hainbat lekutatik (44). Lanen artean aitagarria da EHUra atxikitako sei personak parte hartu ebela.

Texaseko Unibersidadeko 27 ikasle EHUko Kimika Fakultatean egongo dira garagarrilaren 14tik abuztuaren 20ra

'Summer School' izeneko ekimena Polimeroen Zientzia eta Teknologia Saileko Maria Jose Fernandez-Berridi eta Maria Dolores Gurruchaga irakasleek koordinau dabe eta aurten egingo da lehenengo aldiz. Halan da be, bi unibersidadeen artean sinatutako akordioak bost urteko indarraldia dauka.

Patxi Usobiaga, lehenengoz munduko txapeldun

Azken hiru munduko txapelketetan zilarrezko dominea lortu ondoren, Patxi Usobiaga eskalatzaile eibartarrak eskaladako lehenengo Munduko Txapelketea irabazi dau Xiningen (Txina) 5.000 lagunen aurrean.

Zuzendari gazteen film laburrak proiektauko dira 'Gaurik laburrena' emonaldian

Aurten be, zinezaleek 'Gaurik Laburrena' film laburren emonaldiaz gozau ahal izango dabe Getxon, garagarrilaren 6an eta 7an. Urtero legez, Algortako Biotz-Alai plazan izango da eta bertan zuzendari gazteen 26 film labur eskainiko dira. Emonaldiak 22:00etan hasiko dira eta sarrerea dobakoa izango da.

Imanol Igeregi izentau dabe Ikastolen Kooperatiba Europar barriaren zuzendari

Aurrerantzean jentaurrean Ikastolen Elkartea legez ezagutuko dan erakundearen egitura funtzionala, honezkero, osotzen hasi da. Kooperatiba barriak, egun, 93 ikastola batzen ditu, Bizkaikoak (21), Gipuzkoakoak (28), Arabakoak (6), Nafarroakoak (14) eta Iparraldekoak (24).

Euskerea ikasteko diru-laguntzinoak eskainiko ditu Getxoko Udalak

'Diru-laguntzinoak Euskerea Bizibarritzeko Getxoko II. Plan Nagusiaren barruan kokatzen dira, euskeraz bizi gura daben herritarrei horretarako aukerak bermatzeko. Neurriek getxotarren hizkuntza-gaitasuna eta euskeareagazko motibazinoa eta interesa be areagotu gura dabe', azaldu du prentsaurrekoan Koldo Iturbe Euskara zinegotziak.