Begoñazpi Ikastoleak Nestor Basterretxearen eskultura bat eta instalazino barriak inaugurauko ditu

Eleizbarrutiko Ikastetxea dan Begoñazpi Ikastoleak bagilaren 16an, eguena, hezkuntza eta kirol-eskaintzea zabaltzeko eraikin bi inaugurauko ditu. Olgetako leku barriak, leku gehiago eta zabalagoa eskainiz, ikasleak erosoago ibili daitezan. Era berean, urte biko umeentzat egozan hiru gelei beste bi gehituz edade honetako ikasleentzako 36 plaza gehiago izatea lortu da.

Begoñazpi Ikastoleak Nestor Basterretxeak beren-beregi ikastolarako landu eta moldatutako eskulturea be inaugurauko dau. Eskultura honek, hezkuntza diziplina, fantasia eta mobimentua adierazoten ditu.

Begoñazpi Ikastolaren ibilbidea, 13 ikasle zituala, 1970. urtean Bilboko Karmelo kalean hasi zan. Txiki geratu eta, 1981ean eraikin barria altzau zan Txurdinaga auzoan. Eskariak gero eta gehiago diranez, gaur egun Begoñazpi Ikastoleak dituen 1.540 ikaslek ikasi ahal izateko bai eraikinak bai gelak gehituz joan dira.

Honegatik guztiagaitik, bada, bagilaren 16an, arratsaldeko 18:30ean, eraikin barriak ez eze Nestor Basterretxeak eginiko eskulturea be bedeinkatu eta inaugurauko da. Eskultura hau Begoñazpi Ikastoleak antolatzen dituan 'Gazte Role Model' sarietarako eginiko lana da. Sariok, ahalegina eta hobetzeko gogoa eta pasinoa bi eremutan saritzen dabe, lan edo- eta enpresa eremuan eta eremu solidarioan; helburua, ikasleei eredu diran personak erakustea da.

Ekitaldian, eraikin barriak bedeinkauko ditua Felix Alonso Bikario Nagusiagaz batera, Nestor Basterretxea eskultorea izango da. Honek, Nerea Begoña, Begoñazpi Ikastolako zuzendariaren esker ona jasoko dau.

Ikusi argazki guztiak handiago