Aktualitatea

Kristine Txoperena bikain Auherrako kanporaketa saioan

Saioa Baxenafarroan zanez, hasi aurretik gogora ekarri ziran bigarren munduko gerra aurrean bapatean ebilzan bertsolari baxenafarrak: Ahatsako Iribarne eta Pierra Errumategi, Baigorriko Piarres Dibarrart, Bankako Erramuzpe eta Tihista, Behorlegiko Zubiat-Iribarne, Eiheralarreko Larramendi eta Goienetche, Irisarriko Beñat Soulé, Irulegiko Jean Etcharren, Mendibeko Erguy eta Ortzaizeko Jean Hiriart.

Urriaren 9 eta 10ean ospatuko dabe Urepelen Xalbador Eguna

Urtero egiten dan moduan, ospakizunak gai nagusi bat izango dau ardatz, eta, aurten Xalbadorregaz batera, Urruñako Xanpun bertsolaria omentzea erabagi dabe Deiadarra alkarteak eta Euskaltzaindiak.

Kaltetuena eta alde guztietatik matrailekoak jasoten dituana, beti-beti behargina izaten da

Peter Mullanen 'Neds' filmak jaso dau Urrezko Maskorra

Zuzendari, gidoilari eta aktore britainiarrak Zinemaldiko saririk garrantzitsuena irabazi dau orain arte zuzendu dauen bere hirugarren lanari esker. Horrezaz gan, film horretako protagonisteak, Connor McCarron gazteak, aktore onenaren saria irabazi dau.

'Los delirios de Von Sottendorff y su mente cuadriculada’, hó PLAY bideo-jokoen nazinoarteko lehiaketako euskal bideo-jokorik onenaren saria

Lehiaketara 48 joko aurkeztu dira danetara, eta, horreetatik 23 finalista aukeratu zituen. Irabazlea, barriz, Lanekintza Saria Euskadin egindako bideo-jokorik onenari: 'Los delirios de Von Sottendorff y su mente cuadriculada’, Bilboko Delirium Studios-ena.

Ikastolen Alkarteak eta Euskaltzaindiak 'Ikastola mugimendua. Dabilen herria' liburua aurkeztu dabe

Euskaltzaindiaren Jagon sailburu eta Nafarroako ordezkari Andres Iñigoren esanetan, 'lan interesgarria dogu esku artean, euskerearen sustatze- eta babeste-zereginetan urte luzez ume eta gazteen heziketan ardatz izan dan ikastolaren nondik norakoak azaltzen deuskuzana'.

Martxan dagoz zientzia eta teknologiaren dibulgazinorako 2010eko CAF-Elhuyar sariak

Elhuyar Fundazinoak eta CAF enpreseak martxan jarri ditue 2010eko CAF-Elhuyar sariak. Zientzia eta teknologiaren arloko gaien eta ikerketen euskerazko dibulgazinoa, kazetaritza eta narrazino-lanak bultzatzeko helburua dau sariketa honek, eta badira 17 urte sariketa abian jarri zanetik.

'Vaya semanita' antzezlana aurkeztuko dabe gaur

Euskal Telebistako gaztelaniazko kateko Vaya semanita saioa Euskal Herriko antzokietara ailegauko da laster. Izan be, saio horretan ezagun egindako pertsonaien ibilerak jasoko dituan antzezlana sortu dabe Pausoka eta Glu Glu produktorek.

Euskal Kulturearen Eguna ospatuko da zapatuan Bilboko Abandoibarrako pasealekuan

Goizeko 11:30etan hasiko diran ekitaldien artean, besteak beste, abesbatzen kontzertuak, jantza erakustaldiak eta antzezlanak izango dira. Ordu horretan buruhandiak eta erraldoiak urtengo dabe, Beti Jai Alai taldeagaz, eta baita Gargantua ezagunagaz be.

Euskal surfak presentzia izango dau New Yorkeko Surf Zinemaldian

Debolex Filmsek egin dauen 'Modernist Basque Surfing teaser' filmak surf lasaia, euskal kostaldearen paisajeak eta euskal jantzak buztartzen ditu, eta Euskadi oso modu estetiko eta erakargarrian aurkezten deutsee bidaiatzeko aukerak eta baliabide ekonomikoak dituen atzerriko surflariei.

Agirre lehendakariak karguaren zina egin eban momentuaren antzezpena urriaren 7an izango da Gernikako Arbolapean

Ekitaldiaren asmoa gure lehenengo lehendakariaren figurea ohoratu eta goratzea da, Eusko Jaurlaritza haren legitimidade demokratikoa eta politikoa errebindiketea eta belaunaldi harek herri honen askatasunaren eta burujabetzaren alde egindako lana agerrarazotea.

Luis Arana Goiriren (1862-1951) gaineko azterlana plazaratu dau Sabino Arana Fundazinoak

Euskal nazionalismoak mobimentu politiko moduan izandako sorrera eta garapena ulertu nahi badira, nahitaezkoa da Jean-Claude Larronde historialariaren Luis Arana Goiriren (1862-1951) gaineko azterlan hau.

Bilboko merkatariei zuzendutako euskera ikastaroetan izena emoteko epea zabalik dago

Ikastaroak urrian hasiko dira uriko bost euskaltegietan. Matrikulea irailaren 30era arte egin daiteke ikastaroak emongo diran euskaltegietan.

Euskal ordezkaritza zabala izango da Shanghaiko Euskal Astean

Ordezkaritza ofizialaz gan, Euskadiko bost chef eta bost diseinatzaile ospetsuk bikote sortzailea osotuko dabe Euskadiren 'abangoardia, modernidade eta sormen' irudia ezagutzera emoteko irailaren 25etik urriaren 1era Shanghaiko Nazinoarteko Erakusketan egingo dan Euskadiren Astean.

Bright Star

Pelikula barea, zehetasun guztiak zaintzen dituana, landazabal ingelesaren paisajeari aparteko garrantzia emoten deutson argazki multzo indartsu bategaz. Eta, erdian, literaturea. Gertatzen dana da, gaur egun entzunda, Keats-en poemak eztiegiak subertatzen dirala eta, nire ustez, olerkiak irakurten diranean, filmak interesa galtzen dau.

Koldo Mitxelenaren euskal prosako enuntziatu parentetikoak aztertu ditu Agurtzane Azpeitiak bere doktore-tesian

Miren Azkarate, Ines Garcia, Jon Ortiz de Urbina, Igone Zabala eta Esther Zulaika epaimahaikideek kalifikazino gorena (CUM LAUDE) emon deutsie aho batez. Elixabete Perez Gaztelu Euskal Filologian doktorea izan dau zuzendari.

Eskualdeko jantzen agerraldia egingo da zapatuan Durangon

Durangaldeko jantzen agerraldiaren helburu nagusia oraindino jente askok ezagutzen ez dituan eskualdeko jantzak zabaltzea da. Horrezaz ganera, Durangaldeko jantzariak jai giroan batzeko atxakia be bihurtu da.

Nevada-Renoko Unibersidadeak bere Euskal Ikasketa Zentrurako irakasle lanpostu bat beteteko deia egin dau

AEBetako Nevada-Renoko Unibersidadeak (UNR) Irakasle laguntzaile postu bat (Assistant Professor) beteteko deia zabaldu barri dau Nevadako Unibersidadeak Renoko kanpusean egoitza daukan Euskal Ikasketa Zentrurako.