Aktualitatea

Internet eta hizkuntza aniztasunaren sustapena aztertuko ditue Bilbon, maiatzaren 17an

Euskal Herriko Unibersidadearen Munduko Hizkuntza Ondarearen UNESCO Katedreak Internet eta hizkuntza aniztasunaren sustapena jardunaldia antolatuko dau maiatzaren 17an, Bilboko BBK-EHUren Esperientzia Gelan.

Letras Galegas 2012 Eguna ospatuko da gaur ‘A hostia en Verso’ burruka poetikoagaz

Gaur, maiatzak 10, arratsaldeko 18:00etan, Gasteizeko UPV/EHUko Letren Fakultateko Erdiko Patioan Letras Galegas 2012 Eguna ospatuko da A hostia en Verso burruka poetikoagaz.

Rafael Moneok 2012ko Arteetako Asturiasko Printzea saria irabazi dau

Rafael Moneo arkitekto nafarrak Arteetako Asturiasko Printzea saria irabazi dau. 32. edizino honetan 25 herrialdetako 39 hautagai egozan. Saria urrian hartuko dau, Oviedoko Campoamor antzokian. Tuterarrak 50.000 euroko diru-saria, eta Joan Mirok egindako eskulturea jasoko ditu.

‘Gartxot’ filma Euskal Herriko uriburuetan ikusgai barriro

Bagilean Nafarroako Konkistearen 500 urteurrena beteten dala gogoratuz, Iruñea, Gasteiz Bilbo eta Donostiako zinema aretoetan izango da ikusgai astegoien honetan Gartxot, konkista ainitzeko konkista. Barikutik aurrera, Iruñeako Olite zinema aretoan (17:30) eta Gasteizko Floridan (18:00) izango da ikusgai eta laster helduko da Bilbo eta Donostiara be.

Euskadi herrialde konbidatua izango da Música Antiga dels Pirineus jaialdian

Garagarrilean eta abuztuan izango dan Musica Antiga dels Pirineus jaialdian bi euskal talde izango dira: Ensemble Diatessaron eta Intonationes eta danetara sei kontzertu eskainiko ditue. Euskal musikagileen lanak, besteak beste, aurtengo jaialdiaren zabaltze-kontzertuan entzungo dira.

Bilbo-Bizkaia nazinoarteko kantu lehiaketea barrituta dator aurten, Maria Bayo epaimahaiburu dala

Izena aldatu deutsie ekimenari, lehen Bilboko Nazinoarteko Kantu Lehiaketea zana, orain, Pedro Maria Unanue Bilbo-Bizkaia izango da. Epaimahaia be aldatu dabe eta, Maria Bayoren gidaritzapean, nazinoarteko musika-adituak egongo dira. Ganera, parte-hartzaileakaz emonaldiak egin nahi ditue Bizkaitik kanpora, nazinoartean.

Euskerazko tesien III. Koldo Mitxelena Sarien deialdia martxan

Euskeraz egindako ikerketak bultzatzeko asmoz, Euskal Herriko Unibersidadeak eta Euskaltzaindiak Euskerazko Tesien Koldo Mitxelena Sarien hirugarren edizinoaren deia egin dabe. Sari honeek urte birik behin emoten dira eta hautagaitzak bagilaren 15era arte aurkeztu ahal izango dira UPV/EHUren erregistro orokorreko edozein bulegotan.

Barañaineko XVIII. Txotxongilo Jaialdiak igaz hildako Juan Faro gogoan izango dau

Maiatzaren 13tik 16ra bitartean egingo da aurtengo Barañaineko Nazinoarteko Txotxongilo Jaialdia, hamazortzigarren edizinoa hain zuzen be. Hamar txotxongilo taldek euren lanik barrienak erakutsiko ditue Barañaineko plaza eta aretoetan. Ganera, igaz hildako Juan Faro Jacinto txotxongilolariari omenaldia egingo deutse.

Aurten bai, Aupa Athletic, holakorik ez dago munduan besterik!!!

Eusko Jaurlaritzeak eta Nafarroako Gobernuak hizkuntza politikearen ganeko hizarmena sinatuko dabe

Eusko Jaurlaritzeak eta Nafarroako Gobernuko Euskarabidea Euskerearen Institutuak hizkuntza politikeari buruzko lankidetza-hitzarmena sinatuko dabela jakinarazo dabe. Ondoko arloetan jardungo dabe, euskerearen babesa eta garapena, ikerketea, dokumentazinoa eta informazinoaren trukea.

Manolo Garciak bertan behera itxi ditu Donostian eta Bilbon emon beharreko kontzertuak

Manolo Garcia abeslariak bertan behera itxi behar izan ditu Donostiako Kursaalen eta Bilboko Euskaldunan emon behar zituan kontzertuak, asteon, astelehenean larrialdiko apendizitis ebakuntza bat egin behar izan deutsielako Bartzelonan.

Bideo-jokoen eta ikus-entzunezkoen sektoreetako profesionalak batuko dira Zierbenan

Antolatzaileek azaldu dabenez, topaketearen helburu nagusia bi sektoreetako enpresen eta eragileen artean lankidetzak sustatzea da, alkarlanaren ondorioz negozio aukera barriak sortu ahal izateko.

Bob Dylan, zuzenean Bilbon, garagarrilaren 11n

Bob Dylanek kontzertua emongo dau Bilbon, garagarrilaren 11n, Guggenheim museoaren zabaldegian, Last Tour International enpreseak eta Bilboko Udalak jakinarazo dabenez. Sarrerak maiatzaren 16an ipiniko ditue salgai.

Euskerearen Jatorriaren VII. Biltzarrak etnografia izango dau aztergai

Euskerearen Jatorriaren VII. Biltzarra Diman egingo da, maiatzaren 12an, Etnografiatik euskerearen jatorrirantz izenburupean. Julio Caro Barojak eta Joxemiel Barandiaranek euskerearen jatorriaren ganean egindako azterketak eta proponidutako etimologia batzuk jorratuko ditue.

Ken Zazpi taldeak eta Euskadiko Orkestra Sinfonikoak diskoa kaleratuko dabe alkarregaz

Ken Zazpi taldeak eta Euskadiko Orkestras Sinfonikoak alkarregaz diskoa kaleratuko dabela jakinarazo dau Elkar diskoetxeak. Zemendian lana plazaratu, eta abenduan aurkeztuko dabe jentaurrean, abenduaren 10etik 14ra bitartean, Euskalduna, Kursaal, Baluarte eta Printzipalen.