Aktualitatea

Bisiguaren V. Festa ospatuko da Orion garagarrilaren 19tik 22ra

Holako azokak oso garrantzitsuak dira gastronomiaz harago arrantza mundua gizarteratzen laguntzen dabelako. Urtero 300.000 persona joaten dira holako azoketara, arrantza sektorean lanean jarduten daben langileen lana autortzera.

Eskena eta Faeteda Arte Eszenikoen BEZaren igoerearen kontra

Krisiaren eraginaren ondorioz, atzerakada nabarmena egin dau antzerkiaren konsumoak eta egoera horrek eragin zuzena dauka ikusleen kopuruari zein sarreren salmenta prezioari jagokonez eta, jakina, baita produkzino eszenikoaren bideragarritasun ekonomikoan be.

'Ikastola mugimendua. Dabilen herria' liburua sarean ipini dau Euskaltzaindiak

Euskaltzaindiak Ikastola mugimendua. Dabilen herria liburua sarean ipini barri dau, Akademiaren webgunean bertan. Liburu hau Jagon bildumearen 10. zenbakia da. Bertan ikastolen izaera kolektiboa azaltzen da, ikastolen eta gizartearen arteko alkarrekintzea bere bai.

Baso ilunean, nozonoz agertuko ete da argia???

'Mundua aldatzeko ideiak' topaketen zehaztasunak aurkeztu ditue Bilbon

Eusko Jaurlaritzearen 2012 Fundazinoak Mundua aldatzeko ideiak izeneko kultura-ekimena antolatu dau garagarrilaren 5etik 7ra Bilbon. Ramiro Pinilla eta Luisa Etxenike idazleek berbaldi bana eskainiko dabe, eta ekimenaren zehaztasun guztiak aurkeztu ditue gaur.

UEUren Udako Ikastaroak Baionara ailegauko dira garagarrilaren 4an

UEUren Baionako Udako Ikastaroak garagarrilaren 4an hasiko dira. Danetara, sei ikastaro emongo ditue Baionako Unibersidadean hilaren 4tik 5era.

Euskerea eta euskal kulturea erakusteko ikastaroa antolatu dau EHUk

EHUko Udako Ikastaroek kanpoko unibersidadeetako euskera eta euskal kultura erakusteko prestakuntza ikastaroa eskainiko dabe bigarren urtez. Donostiako Miramar Jauregian egingo ditue ikastaroak, garagarrilaren 5ean eta 6an.

Guillermo Martinez idazle eta matematikari argentinarraren azken liburuaren aurkezpena Bilbon

Guillermo Martínez, Bilbora etorri da egunotan bisitan, EHU-k konbidauta, BizBAK 2012 udako ikastaroetako batean parte hartzeko. Izan be, garagarrilaren 4an eta 5ean, Cultura con M de Matemáticas: una visión matemática del arte y la cultura izenburuko ikastaroan hartuko dau parte.

Guggenheim Bilbao Museoa zabalik egongo da garagarrileko eta abuztuko astelehenetan

Guggenheim Bilbao Museoa zabalik egongo da garagarrileko eta abuztuko astelehen guztietan, 10:00etatik 20:00etara, garagarrilaren 2an hasita. Udan Bilbok bisitari asko jasoten ditu eta horreei guztiei arreta egiteko asmoz egiten da aldaketa hau.

Karlos Zurutuzak jaso dau Rikardo Arregi Kazetaritza Sari nagusia

Rikardo Arregi Kazetaritza Sariak banatu ditue astegoienean Andoainen. Aurtengo sari nagusia Karlos Zurutuza kazetari donostiarrak jaso dau, Libia eta Irakeko gatazken ganean Argia astekarian eta Berria egunkarian argitaratutako erreportajeakaitik.

300 ume eta gazte batuko dira aurtengo Bertso Udalekuetan

Martxan dira daborduko Bertsozale alkarteak antolatutako Bertso Udalekuak. Aurten, 300 ume eta gaztetxuk hartuko dabe parte Barria, Bidarrain, Arrazola, Irañeta, Orio eta Zuhatzako udalekuetan.

'Zentzua eta Iraunkortasuna' ekimen artistikoa martxan da Urdaibain

2012 Euskadi Fundazinoak Zentzua eta Iraunkortasuna proiektuaren kokalekuak aurkeztu ditue gaur Bilbon. Mundu guztiko hamar artista garaikide ospetsuk esku-hartze artistikoak egingo ditue Urdaibain, berbarako, Lagako hondartzan, Gernikako Astra fabrikan eta Gautegiz-Arteagako Andrabideko harrobian.

Elorrio hurre-hurretik ezagutzeko bisita gidatuak egingo ditue garagarrilean

Zure bidean, Elorrioizeneko bisita gidatuak atondu ditu Elorrioko Udalak garagarrileko asteburuetarako. Lehenengo aldiz prestau ditue bisitaldiak. Lehenengo bisitea bagilaren 30ean izango da, eta azkenengoa garagarrilaren 29an.

Euskal antzerkiaren gaur egungo egoerea jorratuko dabe EHUren udako ikastaroetan

EHUko BizBAK udako ikastaroek euskal antzerkiak azkenengo 25 urteotan izandako bilakaerea aztertuko dabe garagarrilaren 2tik 4ra bitartean, Euskal antzertia gaur izeneko mintegian.

Euskal kulturgintzea eta komunikabideak aztergai, Askarako mahai-inguru zikloan

Askarako mahai-inguruko zikloaren bigarren hitzordua garagarrilaren 2an egingo dabe, Ahotsenea Sortzailean I. Topaketen barruan. Zergatik ez da euskal kulturgintza komunikabideetan ikusgarri? itaunari erantzuten ahaleginduko dira.