Aktualitatea

Garbage, Bloc Party, Mumford & Sons eta The Jon Spencer Blues Explosion bandak, Bilbao BBK Liven

Bilbao BBK Live jaialdia zazpigarren edizinoko kartela osotzen dabil; antolatzaileek jakinarazo dabenez, Garbage, Bloc Party, Mumford & Sons eta The Jon Spencer Blues Explosion taldeak be Kobetamendin izango dira garagarrilean. Horrezaz aparte, Zea Mays talde bilbotarra zuzenean ikusteko aukerea eukio dogu.

90 zinta heldu dira Zubiak, film laburren lehiaketearen lehenengo edizinora munduko toki desbardinetatik

Zubiak film laburren lehiaketearen lehenengo edizinoa Getxoko Udalak datorren martiaren 21ean ospatuko dan Arrazakeriaren kontrako Nazinoarteko eguna dala eta antolatutako egitarauaren barruan kokatzen da.

Bizkaiko Zubiak enbaxadore izentau dau Unai Basurko

Bizkaiako Zubiak Unai Basurko nabigatzailea enbaxadore izentau dau, Zubiagaz lotutako ibilbideagaitik. Unai Basurkorentzat Bizkaiko Zubia monumentu bat baino gehiago da, eta beti hartu dau mundurako atetzat.

Aiarako eta Elgoibarreko mapa toponimikoak aurkeztu ditue

Aiarako eta Elgoibarreko mapa toponimikoak aurkeztu ditue oraintsu. Zezeilaren 5ean izan zan Aiarako toponimiari buruzko liburuaren aurkezpena, Arespalditzako udaletxean. Lanak 1.700-1.800 toponimo batzen ditu. Elgoibarreko mapa toponimikoa martiaren 1ean aurkeztu eben Alfredo Etxeberria alkateak, Ane Beitia Euskara zinegotziak eta Lorea Dueñas Geograma enpresako teknikariak.

Mendaroko Munlet taldeak 'Bicefalopedia' diskoa kaleratu dau

Munlet gipuzkoarrek argitaratu barri dau Bicefalopedia diskoa, talderaen hirugarren lana. Orain arte boskotea izan dira, baina oraingoan Ina Herr Professor eta Anita LadyFingers bikoteak osotzen dau Munlet. Elektronikea, punka eta esperimentazinoa dira Munleten osogai nagusiak. Taldeak berak produzidu dau beharra, El Cubo estudioan.

Aurtengo Ibilaldiak badauka daborduko abestia eta bideoklipa

Aurtengo Ibilaldiak badauka daborduko kantea eta bideoklipa, Maiatzean meatzean. Gaur aurkeztu ditue bitzuk, Bilboko Kafe Antzokian. Abestiaren berbak Trapagaraneko Ion Berrocal bertsolariak idatzi ditu, eta musikea Leioako Basaki taldeak sortu dau. Prentsaurrekoan, Basaki taldeko Natxo Velez, Itxaropena ikastolako zuzendari Josemari Andres, Ibilaldia alkarteko presidente Juan Carlos Gomez eta abestiaren berben sortzaile Ion Berrocal izan dira.

EAEko 30 bat enpresek euskal produktuak daroez gaurtik Madrilgo Gourmet aretora

Euskal produktuak barriro izango dira Madrilen gaurtik eguenera bitartean egingo dan Gourmet janari eta edarien 26. aretoan. Eusko Jaurlaritzako Ingurumen, Lurraldearen Plangintza, Nekazaritza eta Arrantza Sailak eta Hazi Fundazinoak sustatutako standean, Euskadiko elikagaigintza industriaren 30 bat enpresa izango dira.

hoPlay Bideojokoen Nazinoarteko III. Lehiaketan parte hartzeko epea edegi dabe

Bilboko Alondigeak hoPlay Bideojokoen Nazinoarteko III. Lehiaketearen deialdia egin barri dau. Lanak aurkezteko epea bagilaren 16an amaituko da. Sei sari izango dira, danak 6.000 eurokoak, eta Kinect saria bere bai, Microsoft enpresearen lankidetzeagaz. hoPlay garagarrilaren 13tik 22ra egingo da Kulturen Atarian.

Kulturklik atari alkarreragileak 300.000 bat erabiltzaile izan ditu urte bian

Eusko Jaurlaritzako Kultura Sailaren Kulturklik kulturearen atari alkarreragileak 300.000 erabiltzaile inguru izan ditu 2010eko martian sortu zanetik, eta miloe bat orri baino gehiago bisitau ditue. 500 eragile baino gehiagok euren ekarpenak egin ditue webgunean.

MusikHerriak agur

Oso gazte hasi ginan eta oso indartsu, Euskal Herriko musikearen mundua iraultzeko ideiagaz, baina persona eta musikari lez nagusitzen joan garen neurrian, eta talde barriak gehituz joan diran neurrian, ez doguz ideiak eta diskurtsoak barritu edo, behintzat, ez dogu modu antolatu batean egin, eta argi dago elikatzen ez dan proiektuak ezin dauela aurrera egin.

Vaticanoko Agiritegi Sekretuak Erdi Aroko euskal historiari buruzko garrantzi handiko informazinoa dauka

Agiri horreek UPV/EHUko Europa eta Mundu Atlantikoa: boterea, kultura eta gizartea izeneko Masterreko ikasle dan Agurtzane Pazek egindako ikerketan agertu dira. Pazen lanak Vaticanoko Agiritegi Sekretuan Erdi Aroko Euskal Herriari buruz dagoan dokumentazino bibliografikoa bilduma berean kokatzen eta sailkatzen dau.

Zuberoako Maskaraden bost emonaldi egingo ditue aurten, apirilean eta maiatzean

Gorabehera askoren ostean, aurten be Maskaradak egingo dituela jakinarazo dabe antolatzaileek. Hitzorduak apirileko lau astegoienetan eta maiatzeko batean izango dira, Hoki, Muskildi-Urdiñarbe, Lexantzü, Barkoxe eta Gamere-Zihigan. Xiberoko Ikastoletako Ikasle Ohien Alkarteak hartu dau Maskaradak egiteko ardurea.

Fadoaren izen handiak, Bilboko 'Noites do Fado' ziklo barrian

Fadoa ezagutzeko bost hitzordu atondu ditu Bilboko BBK Saleak, Noites do Fado zikloaren barruan; lehenengoa apirilaren 25ean izango da, Carlos Manuel Moutinho Paiva dos Santos Duarte Camanéren eskutik. Belaunaldi eta estilo desbardinetako kantari eta musikariak izango dira Bilbon, danak ospe handikoak fadoaren munduan. Daborduko, sarrerak salgai dagoz.

Robotikeari buruz euskeraz argitaratutako lehenengo lana plazan

Robot Mugikorrak. Oinarriak liburuan, robotikeari buruz euskeraz argitaratzen dan lehenengo lan honetan, Aitzol Astigarraga eta Elena Lazkanok Robotika Mobikorraren oinarriak azaldu nahi izan ditue modu praktikoan, hasiera-hasieratik robotak eregi eta programetan jarriz irakurlea.

Naturea benetan hasarre dago gizakiokaz...