Aktualitatea

Eneritz Zabaleta Saran txapeldun

Eneritz Zabaleta baionarra nagusitu zan Sarako kanporaketa saioan, bigarren sailkatu Mixel Aireri 'Xalbador II' 10 puntu atarata.

Kimuak 2010 film laburren katalogoan bederatzi film dagoz, sekula baino gehiago

Kimuak 2010 katalogoan, honako film laburrak aukeratu ditue: Isabel Hergueraren 'Amar', Asier Altunaren 'Artalde', Enrique Garcia eta Ruben Salazarren 'Daisy Cutter', Alaitz Arenzana eta Maria Ibarretxeren 'Exhibition 19', Kote Camachoren 'La Gran Carrera', Miguel Angel Jimenezen 'Korosho', Borja Cobeagaren 'Un novio de mierda', Angel Aldarondoren 'Ondar Ahoak' eta Leon Siminianiren 'El premio'.

Martín Berasategui, Modesto Lomba, Edurne Pasaban eta Miguel de la Quadra-Salcedo ‘Euskadiko enbaxadore’ izango dira

Euskadigozaezazu webguneari esker, edozein personak, munduko edozein tokitatik, Euskadin izandako esperientziak, ataratako argazki eta bideoak eta abar konpartidu leikez. Azken batean, edozein sentidu daiteke 'Euskadiko enbaxadore'.

Geurien euskeraz, jakina!

Merkataritzan euskerearen erabilerea sustatzeko kanpainea abiarazo dau Elorrioko Udalak Elhuyar Aholkularitzagaz batera eta, horren harian, euskeraz egiteak saria dauka Elorrion, izan be, 68 dendak, tabernak eta zerbitzu enpresak euren bezeroak sarituko ditue euskeraz egiteagaitik.

Barricada, La Polla Records, Kortatu, Cicatriz, Mikel Laboa eta Ruper Ordorika, biniloan

Elkar diskoetxeak gure musikaren ibilbidean oraindino be erreferentzia diran hainbat disko bere jatorrizko euskarrian eta formatuan argitaratuko ditu barriro, biniloan hain zuzen be. 'Gure iturburuak hobeto ezagutzeko aukerea izango dogu eta, ondorioz, orainaldia hobeto ulertzeko balioko dau'.

Bilbo Zaharrak zubi bat edegi deutso kultureari beste urte batez

Bilbo Zaharra, San Frantzisko eta Zabala kaleak abangoardiako jarduerez eta adierazpenez beteko dira barriro be 'Bilbo Zaharra-Kulturarako zubia' programeari esker. Ekimena, auzo horreen garapenerako eta barriztapenerako kulturearen aldeko apustua egiten dauen Plan Bereziaren barruan dago.

Agur udea, ondo etorri udagoiena...

Bizkaie! agerkariko edukiak Bizkaia Irratiaren programazino barrian

Bizkaie!, mendebaldeko euskalkia darabilen Interneteko agerkari bakarraren edukinen barri Bizkaia Irratian be izango dozu urriaren 4tik aurrera, astelehenetan eta eguaztenetan, arratsaldeko 18:30ak aldera Berbarako magazinaren barruan.

Karlos Linazasoro: 'Literaturea, gauza guztien ganetik, jolasa da'

'Eztabaidak Literatureagaz' gazteei eta helduei zuzendutako literaturearen arteko mugea berbagai hartuta

Bilboko Udaleko Kultura eta Hezkuntza Sailaren ekimenak, gazteei eta helduei zuzendutako literaturearen arteko mugea aztertzeko ekitaldia jasoko dau martitzenean, urriaren 5ean, Seve Calleja idazlearen eta Inazio Mujika idazle eta editorearen eskutik.

'Bidaiarien Txokoa' ekimenak kultur aniztasuna erakutsiko dau Bilbon

Bidaiari handien ikuspegitik, beste kultura, ohitura eta jente batzuen errealidadea hurreratzeko asmoz, urrian eta zemendian, Txurdinagako kiroldegiaren ondoan dagoan Begoñako barrutiko Udaltegian, hainbat berbaldi, proiekzino, erakusketa, prestakuntza tailer eta munduko musika kontzertuak izango dira.

Kilometroak 2010, urriaren 3an, Lezon

Pasaia-Lezo Lizeoak azken urteotan izan dauen matrikula hazkundea dala eta, eraikin barri bat egiten dagoz Lezon eta proiektu hori finantzietako hartu dabe aurtengo Kilometroak jaia antolatzeko ardurea.

'Ikastola mugimendua. Dabilen herria'

Euskerearen eta euskerazko irakaskuntzea, euskalkiak eta euskara batuaren auzia, laikotasuna, Frantzian eta Espainian azken berrehun urtetan indarrean egon dan hezkuntza sistemearen aldamenean eredu propio bat hazurmamitzeko borondatea, proiektuak, eztabaidak, zatiketa mingarriak, eretxi kontrajarriak, testuinguru politikoaren eragina, nahiak eta ezinak agiri dira liburuan.

Argentinako musika herrikoia, elektro funkya, jazz, blues eta bestelako erritmoak 'Poltsiko Musika' ekimenean

VI. 'Poltsiko musika' urriaren 1ean abiatuko da Bilbon. Helburua ikus-entzule guztiei, hainbat herrialdetako musika joerak erakustea da, bertako taldeen edo gure urian bizi diran kanpoko musikarien eskutik, formatu txikiko kontzertuen bitartez.

'Dantzan Plazetan' programea barriro dago martxan, urte amaierara arte

Zazpi erromerik, kalejirak eta jantza erakustaldik osotzen dabe Bilboko Udaleko Kultura eta Hezkuntza Sailak, euskal folklore herrikoia sustatzeko helburuz, herrietako plazetan egiten ziran erromeriak, jantza erakustaldiak eta kalejirak gogoratuz, martxan jarri dauen ‘Dantza Plazetan’ egitarauaren urteko azken hiruhilekoaren egutegia.

Eguzki Sukaldearen VI. Eguna gaur Bilbon

Euskal Herriko Mugarik Bako Injinerutzak antolatuta, Eguzki Sukaldearen VI. Eguna ospatuko da gaur, hilak 1, Bilboko Injinerutza Goi Eskola Teknikoan. Egitaraua goizeko 10:00etan hasiko da; alkarteko boluntarioek eguzki sukalde mota desbardinak kaleratuko ditue eta, eguzkiak nahi badau, honeen erabilerearen erakusketea egingo da.

'Fikzioaren izterrak', Ur Apalategiren liburua aurkeztu dabe

Zazpi ipuinak fikzinozkoak izan arren, hurreko errealidadearen ispilu dira; sarritan irudi olgetari eta trufatzaileak islatzen dituela emoten dau, baina gertakariak eta gertagarriak gertu dagozala erakusten dabe beti.