Logoa

Publikoak dinamizetea helburu dauen kulturTICK egitasmoa abian da

Bizkaie! 2012-09-19 13:03   kulturbiz

Kulturearen esparru desbardinak dinamizetako asmoz sortu dan tresnea da kulturTICK kulturzaleen kluba eta bere bazkideei, kulturzaleei oro har, zineman, kontzertuetan, antzerkian eta beste arte eszenikoetan, museoetan eta literaturan, abantailak eskainiko deutsezana.

Gasteiz uriburu magiko bihurtuko da XXIV. Nazinoarteko Magialdia tarteko

Bizkaie! 2012-09-17 14:01   kulturbiz

Irailaren 17rik 23ra bitartean, danetara, bederatzi herrialdetatik etorriko diran 30 artistek 69 ikuskizun eskainiko ditue Gasteizen, 21 agertokitan. XXIV. Nazinoarteko Magialdian, Artmik (Frantzia), Tony Chapeck (AEB), Mantas (Lituania) eta Les Chapeaux (Frantzia) magoak be bertan izango dira.

Euskal pentsamendua eta pentsalariak aztergai UEUn

Bizkaie! 2012-09-13 14:50   kulturbiz

UEUk sustatu dauen Euskal Herriko pentsamendu kritikoa XX-XXI mendean graduondokoaren helburua Euskal Herriko pentsamendu propioak historian izan dauen bilakaerea eta euskal pentsalari garrantzitsuenak aztertu eta ikertzea da.

Azken egunak Euskal Kulturearen Transmisinoko aditu titulurako Huheziko ikastaroan izena emoteko

Bizkaie! 2012-09-13 10:58   kulturbiz

Aditu titulurako ikastaroa Humanitate eta Hezkuntza Zientzien fakultadean egingo da urriaren 3tik 2013ko bagilaren 5era bitartean. Izena emoteko epea, barriz, irailaren 30era arte dago zabalik.

'Emakumeak eta Literatura. Literatura mestizajea Europan' ikastaroa Bilbon

Bizkaie! 2012-09-10 11:48   kulturbiz

Irailaren 11tik abenduaren 11ra bitartean, Bizkaiko Foru Liburutegian, literatura ikastaroa zuzenduko dau Josune Muñoz adituak; Emakumeak eta Literatura. Literatura mestizajea Europan ikastaroan izena emoteko epea bart amaitu zan.

Tabakalerak baditu kultura zuzendaria eta kudeatzailea

Bizkaie! 2012-09-10 10:54   kulturbiz

Tabakalera — Kultura Garaikidearen Nazinoarteko Zentroko (KGNZ) Administrazino Kontseiluko lehendakariak, Juan Karlos Izagirrek, prentsaurrekoan aurkeztu ditu Ane Rodríguez Armendariz kultura zuzendaria eta Haritz Azkarraga, gerentea.

Jimeno Jurioren 'Toponimia navarra. I. Estudios y metodología' lana aurkeztu dabe

Bizkaie! 2012-09-07 11:45   kulturbiz

Jose Maria Jimeno Jurio zanaren Toponimia navarra. I. Estudios y metodología lana aurkeztu dabe bart, Iruñean, Euskaltzaindiaren ordezkaritzan. Liburua Jimeno Jurioren lan guztiak jasoko dituan bildumearen 40. zenbakia da, eta Pamiela argitaletxeak, Udalbidek eta Euskara Kultur Elkargoak argitaratu dabe.

Huelvako eta Kadizeko azken garaietako kantea protagonista VII. Una Ria con Duende Flamenko jaialdian

Bizkaie! 2012-09-05 17:20   kulturbiz

VII. Flamenko Topaketak irailaren 8tik 30ra bitartean izango dira, 5. barrutiko (Ibaiondo) zenbait eszenatokitan (La Concordiako geltokia, San Frantziskoko eta Burtsako Udaltegiak eta Eleizbarrutiko Museoa).

»» Ikusi argazki guztiak (2)

Kante, jantza, gitarra eta txalo-konpas tailerrak izango dira Bilboko 'Una ría con duende' flamenko jaialdian

Bizkaie! 2012-09-04 11:46   kulturbiz

Bilboko Udaleko Kultura eta Hezkuntza Sailak eta Sonikete alkarteak alkarlanean antolatzen daben Una ría con duende topaketa flamenkoen zazpigarren edizinoak jantza, gitarra, kante eta txalo-erritmo tailerrak eskainiko ditu beste urte batez.

UPV/EHUko Arte Ederren Fakultadeko ikasleen seigarren eta azken interbentzinoa Deustuko zubian

Bizkaie! 2012-09-03 12:07   kulturbiz

Oraingoan, Deustuko zubiko aginte-etxolak artista konbidatu lez parte hartzen dauen Juan Azpitarteren Panagnosis interbentzinoa hartuko dau irailaren 12ra arte.

»» Ikusi argazki guztiak (2)

Gernikako Bakearen Museoak hainbat eskaintza proposatu ditu irailerako

Bizkaie! 2012-09-03 10:46   kulturbiz

Gernikako Bakearen Museoak hainbat ekintza antolatu ditu irailerako, berbarako, irailaren 2an, domekan, sarrerea doban izan zan; Busturialdeko Zerbitzu Sozialen zuzendaritzapeko udako koloniak egongo dira; Kids Guernica erakusketea ikusgai egongo da; Nazinoarteko Bakearen Eguna ospatuko da; eta Legionarioak erakusketea eskainiko da.

UPV/EHU Shangaiko rankingean sartu da lehenengoz

Bizkaie! 2012-08-31 10:29   kulturbiz

Euskal Herriko Unibersidadea Shangaiko rankingean agertzen dan lehen aldia da, eta ex aequo kokatu da 301. eta 400. postuen artean.

Unamuno ibilten zan Bilboko lekuetatik antolatutako ibilbide gidatuetako azkenak irailaren 3an abiatuko dira

Bizkaie! 2012-08-28 12:13   kulturbiz

Unamunok bere umezaroagazko interes handia erakutsi eban bizitza osoan, izan be, haren gomuta arimearen ustelkeriei aurre egiteko ukendu espirituala begitantzen jakon. Argi eta garbi eukan bere arimearen sakoneko geruzak Zazpi Kaleetako Bilbon bizi izandako lehen esperientziakaz eginda egozala. Beraz, bisitan parte hartzen daben guztiek, gomuta horreetako leku garrantzitsuenak ezagutuko ditue.

Rekalde-Ortzadar Komiki Lehiaketearen bigarren edizinoa martxan da

Bizkaie! 2012-08-22 14:32   kulturbiz

Deiako Ortzadar kultur gehigarriak eta Bilboko Rekalde aretoak II. Rekalde-Ortzadar Komiki Lehiaketearen deialdia egin barri dabe. Bakarka zein taldean parte hartu daiteke. Lanak bialtzeko epea irailaren 3an hasi eta 14an amaituko da.

Perseida ozar-izarren behaketea egingo dabe domekan Busturiko Madariaga torretxean

Bizkaie! 2012-08-07 12:17   kulturbiz

Euskadiko Biodibersidade Zentroak eta Bizkaiko Astronomia Alkarteak Perseida ozar-izarrak behatzeko hitzordua porestau dabe domekan, abuztuaren 12an. Zentroaren kanpoaldean bertan ikusiko ditue, Busturiko Madariaga torretxean.

Hainbat sasoitako okupazinoak topau ditue Santimamiñe inguruan

Bizkaie! 2012-08-03 13:21   kulturbiz

Santimamiñeko baselizearen inguruan egindako ikerlan arkeologikoetan aro desbardinetako okupazinoak agertu dira, Bizkaiko Foru Aldundiak jakinarazo dauenez. Orain dala 12.700 eta 12.000 urte Santimamiñen bizi izandakoen inguruan beharrean dabilz arkeologoak.

»» Ikusi argazki guztiak (4)

Edorta Cobreros katedraduna, 'Herri Arduralaritzako Euskal Aldizkaria' agerkariko zuzendari barria

Bizkaie! 2012-07-30 15:22   kulturbiz

Edorta Cobreros Mendazona Herri Arduralaritzako Euskal Aldizkaria agerkariaren zuzendari izentau barri dabe. Euskal Herriko Unibersidadeko Administrazio Zuzenbidearen katedraduna da. Herri Arduralaritzaren Euskal Erakundeak (HAEE) argitaratzen dau aldizkaria.

Oñatiko herrigune historikoa, Kultura Ondare

Bizkaie! 2012-07-25 14:49   kulturbiz

Oñatiko herrigune historikoa Kultura Ondare izentau barri dabe, Monumentu Moltsoaren kategorian. Eusko Jaurlaritzako Gobernu Kontseiluak egin dau izendapena, Kultura Sailak proponiduta. Herrigunea hazkunde-aldi bakotxean zein aldeta garatu dan hartu dabe kontuan.

Kultur eragileak BEZaren igoerearen kontra

Bizkaie! 2012-07-25 12:02   kulturbiz

Kultur ikuskizunetako sarreren BEZa 13 puntu igoko dau Espainiako gobernuak. Kulturearen ganeko BEZik altuena izango dau estadu espainiarrak. Igoereak izango dituan ondorio latzak salatzeko prentsaurrekoa emon eben atzo kultur arloko hainbat alkartek Bilbon.

XXI. mendeko hezkuntzearen erronkak aztergai, 'Hermes' aldizkariaren 41. zenbakian

Bizkaie! 2012-07-23 15:43   kulturbiz

XXI. mendeko hezkuntza: erronkak eta helburuak dau izenburu Sabino Arana Fundazinoak argitaratzen dauen Hermes historia eta pentsamendu aldizkariaren 41. zenbakiak. Urte hasieran Bilbon egindako izenburu bereko mintegiaren emoitzak jaso ditue agerkarian.

»» Ikusi argazki guztiak (2)