Aktualitatea

Manu Robles-Arangiz fundazinoak ‘Euskalgintza sindikalgintzan txertatu III’ liburua argitaratu dau

Iñigo Aranbarri, Jakes Bortayrou, Andoni Egaña eta Roldan Jimenoren testuak batu ditu Manu Robles-Arangiz Institutua fundazinoak ‘Euskalgintza sindikalgintzan txertatu’ izeneko sailaren hirugarren alean. Aitatutako sailean euskal kulturako hainbat ahotsek euskera, kultura, lan mundua eta gizarteari buruzko berbaldiak emoten ditue, eta gero hitzaldiok liburuan argitaratzeko moldatzen dira.

Guggenheim Bilbao Museoa: miloe bat bisitari baino gehiago 2006an

Guggenheim Bilbao Museoak 1.008.774 bisitari izan ebazan 2006an. Zifra honi esker museoak ekitaldi honetarako eukazan aurreikuspenak (880.000 bisitari) % 14 gainditu dira eta % 5, barriz, 2005ean jasotako bisitari kopurua (965.082).

Patxi Baztarrika Ramon Llull Institutuko zuzendariagaz batu da Bartzelonan Etxepare Euskal Institutuaz berba egiteko

Eusko Jaurlaritzeak, atzerrian euskerea eta euskal kulturea zabalduko dauen Etxepare Euskal Institutua sortu eta garatzeko lege proposamena onartu dau, eta aitatutako bilerea gai horren harira egin dabe Baztarrikak eta Bargallók.

Jose Maria Etxaburu ‘Kamiñazpi’ euskaltzain urgazlea hil da

Jose Maria Etxaburu Etxaburu, ‘Kamiñazpi’ euskal idazle eta euskaltzain urgazlea atzo (2006-12-28) hil zan, 93 urte ebazala. Jose Mari Etxaburu Ondarroan jaio zan, 1913ko irailaren 23an.

Bilboko suhiltzaileek Australiarako bidaia pagetea lortu dabe egutegiaren 40.000 ale saldu ondoren

Bilboko Suhiltzaileen amesa bete da eta Australiako Olinpiadetan parte hartzera joateko bidaia pagetea lortu dabe argazki-egutegiak erosi dabezan guztiei esker.

Lucia Lakarra protagonista Vienako urtebarri eguneko ikuskizunean

Lucia Lakarra zumaiarrak Vienako urteberri eguneko kontzertuan egin dau jantzan. Mundu osoan da ezaguna Vienako hitzordu hori.

Arte Eszenikoen X. Max Sariak banatzeko ekitaldia Bilbon izango da

Arte Eszenikoen X. Max Sariak Bilbon banatuko dira 2007ko apirilaren 16an egingo dan ekitaldian, SGAE erakundeak jakinarazo dauenez. Gauzak holan dirala, Bizkaiko uriburua bigarren aldiz izango da sariak banatzeko ekitaldiaren egoitza, 2001en Arriaga Antzokian izan zan legez.

Derecho de familia

Film honetan umorea, zakarkeriaren preminarik ez daukan sensibilidadea eta samurtasuna buztartzen dira neurri-neurrian, familia baten barruko hartu-emonen gorabeheren barri emoteko eta, batez be, aitatasunak dakartzan desafioak aztertzeko.

Hotzaren kontra, neguko barazkiak

Sasoiko elikagaia da kontsumitzailearentzat egokiena: normalean merkeagoa da eta haren ezaugarri organoleptikoak (gustoa, usaina, kolorea…) be hobeak dira. Horrezaz ganera, sasoiko produktuak kontsumiduten badoguz, produkzino-ziklo naturala errespetetan lagunduko dogu, ingurumenean ondorio onuragarriak eraginez.

Chuck Berry mitikoak Barakaldoko BECen joko dau urtarrilaren 29an

Nazinoarte mailako izarrak Bizkaian: Chuck Berry mitikoa urtarrilaren 29an eta Maná bagilean, Barakaldoko BEC erakustazokako Bizkaia Arenan.

Boltsikoan sakon begiratu beharko dogu ganera jatorkuzan gastuei aurre egiteko

Eusko Ikaskuntzak eta Institut d'Estudis Catalansek euskal edo katalan kultureari buruzko ikerketa bekak emongo ditue

Azken hamar urteetan unibersidade fakultadeetan edo hezkuntza zentro nagusietan lizentziatu edo graduau diranak izango dira hautagaiak. Ikerlanen proposamenak jasoteko epea 2007. urteko martiaren 15ean amaituko da.

Getxoko Jazzaldiak Magnus Mehl Quintett taldearen diskoa atara dau

Getxoko Nazinoarteko Jazzaldiak Talde Lehiaketako azken irabazlearen diskoa kaleratu barri dau, Magnus Mehl Quintett taldearena, hain zuzen be. Boskote alemaniarrak Getxoko 30. Jazzaldia irabazi eban.

Tabakoaren Legea indarrean jarri eta urtebetegarrenean, % 2 bajatu da erretzaileen portzentajea

Tabakoaren kontrako Legea indarrean sartu zenetik, Estadu espainiarrean erretzaileen kopuruak behera egin dau; % 25,8tik % 23,7ra bajatu da portzentajea, CISek kaleratutako azken barometroaren arabera.

Atom Rhumba talde bilbotarra ‘Amateur Universes’ disko barria aurkezteko birea preparetan dabil

Atom Rhumba talde bilbotarrak kaleratu dauen ‘Amateur Universes’ disko barria aurkezteko birea 2007ko urtarrilean hasiko da ‘Universal Amatour’ izenagaz eta honezkero hainbat data aurreikusi ditue.

Merinalde Eguna 2006

Gaur, abenduak 27, azken urteotako ohitureari jarraituz, ‘Merinalde Eguna’ egingo da, Durangaldearen lurraldetasuna eta sasoi bateko erakunde propioak gogoratuz, arratsaldeko 19:30etan Abadiñoko Gerediagako baseleizan.