Aktualitatea

Harry Potterren ‘azkena’?

Harry Potter and the Deathly Hallows garagarrilaren 21eko gauerdian jarriko da salgai baina New Yorkeko egunkari bateko literatur kritikari batek honezkero irakurri dau bildumako azken nobelea eta amaieran zer pasetan dan kontau dau.

BUM jaialdiko izarra Mos Def amerikarra izango da

Aurtengoa jailaldiaren bigarren edizinoa izango da eta urriaren 6an ospatuko da Bilboko zezen plazan arratsaldeko 18:00etatik aurrera. Brooklyneko kantariagaz batera, Mala Rodríguez, 7 Notas / Colores, Morodo edota Flowkorikos taldeak be izango dira, besteak beste.

Bilboko auzoetara egiten diran bisita gidatuak Indautxura ailegauko dira garagarrilean

Bisitan, gidariek leku bereziak erakutsiko ditue, Alondegia, Doña Casilda parkea, auzotarren etxeak, txalet zaharrak, Felix Serrano eta Jesuiten ikastetxeak edota Indautxu Plazea, besteak beste.

Nuovomondo

XX mendeko emigrazino italiarraren istorioa kontetan da, Mancuso familia siziliar baten ikuspegitik. XX. mende hasikerako urteetan Agrigentotik urtengo dabe Estadu Batuetara bidean.

Euskerea bultzatzeko Euskalsex azokea Cicciolinak zabalduko dau

Arte erotikoa, zinema erotikoa, sexua zuzenean eta beste hainbat ekitaldi erotiko-sexual izango dira bertan hamazortzi urtetik gorakoentzako Bilboko La Casillan garagarrilaren 20tik 22ra. Euskadiko Nazinoarteko I. Areto Erotikoaren ateak Cicciolina aktore ezagunak zabalduko ditu arratsaldeko lauretan.

Garaiko kultur eta giza ondarea ezagutzeko argazki zaharren erakusketea ikusgai

Argazki zaharren erakusketea zabalik izango da Garain Gerediaga Elkarteren eskutik datozan egunetan, garagarrilaren 21etik 31ra. Erakutsiko diran argazkiak Garai eleizateko kultur eta giza ondarearen zati garrantzitsua dira.

Blues musikea Zornotzan Ñaco Goñi, Mingo Balaguer eta Danny Boy musikariakaz

Madriletik etorritako Ñaco Goñi, Andaluziako Mingo Balaguer eta Valentziako Danny Boy taldeek Zornotzako jaietako musika-egitarauari blues ikutua emongo deutse gaur, garagarrilak 18, herriko plazan gaueko hamarretatik aurrera.

‘Abentura Antzokian’ ekimena marrazki eta gutunetan islatu dabe txikienek

Bizkaiko 85 ikastegitako ikasleek ‘Abentura Antzokian’ bizi eben Bilboko Arriaga Antzokian apirilaren 23tik maiatzaren 26ra bitartean. Esperientzia hori 1.227 marrazki eta gutunetan islatu dabe.

SkateXpresion 2007, errobera ganeko adierazmena

Garagarrilaren 20an Skatexpresion ekimenaren zazpigarren edizinoa jarriko da martxan Bilbon. Honezkero, garagarrilaren 13an hasita, egitarauari hasierea emonda dago Castro Urdialesen. Garagarrilaren 21era arte, Kantabriako herri horretan hainbat zeregin izango ditue zaletuek.

Korrontzi eta Standard Berlineko XIX Popkomn Azokan izango dira

Popkomn Merkadu Diskografikoaren Azokearen XIX edizinoa irailaren 19tik 21era bitartean izango da Berlinen. Aurten be, euskal ordezkarien partaidetzea izango dau azokeak, oraingoan bikotxa ganera. Korrontzi eta Standard taldeak irailaren 19an, eguaztena, joko dabe.

Probau tximinoi-izozkia, ez jatzu damutuko!

Kalesound Maketa Lehiaketako irabazleak Zizateh eta Akatu taldeak izan dira

Zizateh pop rock sailean eta Akatu metal sailean izan dira Kalesound I. Maketa Lehiaketako irabazleak. Infernuko Panpinak eta All Jazz Era (pop rock sailean) eta Toil eta Eutanasia (metal sailean) izan dira beste saritu batzuk.

Laura Hidalgo kubatarraren pinturak ikusgai Barrainkuako udaltegian

'Barrutik' izenburupean, Bilboko Udaleko Kultura eta Hezkuntza Sailak Laura Hidalgo Cabrer pintore kubatarraren obrearen erakusketea antolatu dau. Garagarrilaren 31ra bitartean egongo dira obrak ikusgai.

Distrito Foto, Bilboko auzoen inguruko argazki lehiaketea martxan dago

Ekimenak Deustu, Uribarri, Zazpikaleak, Abando eta Errekaldeko leku eta lagunen argazkiak batuko ditu eta, danetara, 5.400 euro banatuko dira sarietan. Lanak irailak 24 eta 28 bitartean aurkeztu behar dira.

Irakurzaletasuna bultzatzeko helburuagaz, ‘liburutegi ibiltaria’ zabaldu dabe Maruri-Jatabeko ugerlekuetan

Maruri-Jatabeko Udaleko Euskera Zerbitzuak, Euskerearen Bizibarritzeko Plan Nagusiaren (EBPN) garapenaren barruan, ‘liburutegi ibiltaria’ egitasmoa jarri dau martxan udal ugerlekuetan irailaren 14ra bitartean.

Eskuko telefonoen aplikazinoetan euskerea bultzatu guran

Euskerea eskuko telefonian zerbitzu-hizkuntza izateko helburuagaz, Hizkuntza Politikarako sailburuordetzeak hartu-emonak ditu eskuko telefonoen produktore nagusienakaz (Sony-Ericsson, Alcatel, Nokia, Motorola eta abar) eta telefonia zerbitzua eskaintzen daben enpresa nagusienakaz (Euskaltel, Telefonica-Movistar, Vodafone, Orange, Yoygo, Eroski, Carrefour eta abar).