Xaneukier taldeak jasoko dau 2026ko Lautan Hiru laguntzea

Xandra, Ane eta Euke. | Ikusi handiago | Argazki originala

Xandra, Ane, Euke eta Oier.

Euskaltzaindiak antzerki-produkzinoa sustatzeko laguntza barria sortu eban 2020an, Bilboko Udalaren babesagaz. Sari horren helburu nagusia euskerazko antzerkia sustatzea da, batez be, lan laburren sorkuntzeari bultzadea emoteko asmoz. Horretara, aurtengo Lautan Hiru laguntzea Xaneukier taldeak irabazi dau, Komunikatzen lan laburrari esker. Oier Garamendiren proiektua da Komunikatzen eta gidoia be berak idatzi dau. Oinarri-arauek azpimarratzen daben legez, antzezlana 2027ko zezeilean atonduko dan IX. Lautan Hiru jaialdian estreinauko da.

Epaimahaiko kideen arabera (Tartean konpainia, BIRA Kultura, 7Katu eta Euskaltzaindia), testu bizia ondu dau gidoigileak, hausnarketarako bideak edegiten dituana, alkarrizketa zirikatzaileakaz txipristindua. Gainera, gaurkotasun handiko gaia jorratzen dau: komunikazino-inkomunikazinoarena, modu bitxian jorratu be. Egileak adierazo dauenez, -Komunikatzen- antzezlan esperimental eta parte-hartzailea da, komunikazinoaren eta giza-hartu-emonen inguruan hausnartzeko balioko deuskuna, umorearen bidez.