Akitania-Euskadi Plataforma Logistikoak Atlantic Logistic Forum-aren webgune barria jarri dau abian

Zemendiaren 17an eta 18an, Bilboko Euskalduna jauregian egingo dan Atlantic Logistic Forum-aren (ALF 2008) bosgarren edizinoaren harian, Akitania-Euskadi Plataforma Logistikoak foroaren webgune barria jarri dau martxan. Bertan, ekitaldiko informazino guztia topau daiteke, eta izena emoteko aukerea be eskaintzen dau. Webguneak aurreko edizinoetako helbideari eusten deutso: www.forumalf.com

Atlantic Logistic Forum (ALF) Arku Atlantikoko garraioaren eta logistikearen mugaz gaindiko lehenengo foroa da eta eztabaidak garatzea, interesak alkar trukatzea, akordioak lortzea eta eragiketak eta negozioak bideratzea ditu helburu.

ALFen helburua da sektorea hobetzen laguntzea, ezagutza baliogarriak trukatuz, eta logistikeagaz lotutako eragile desbardinen artean lankidetzara zuzendutako topaketak bultzatzea. ALFen bosgarren edizinoa (2008) zenbait berbaldiz edota eztabaidaz osatzen da. Horreetan, Garraioaren eta Logistikearen sektoreko goi-exekutiboek parte hartuko dabe.

Edizino honetan, herrialde konbidatua Suitza da, bertaratutakoei herrialde horretako logistikearen ikuspegi osotuagoa eskaintzeko asmoz, batez be, trenbide bidezko garraioari jagokonez.

Kontuak kontu, foroaren bosgarren edizinoan Eusko Jaurlaritzako eta Akitania Lurraldeko Garraio arduradunak eta herrialde konbidatuaren ordezkaria izango dira ordezkari politiko moduan. Berbaldi eta eztabaida saioez gan, sektoreko profesional garrantzitsuek Bilboko Portuko instalazinoak bertatik bertara ezagutzeko aukerea be izango dabe.