Aktualitatea

Bilboko Udalak eta Euskaltzaindiak euskerea sustatzea helburu dauen lankidetza hitzarmena sinatu dabe

Erakunde biek hizkuntzea bultzatzeko interesa dabe eta sinadura honen bitartez bilbotarren artean euskerearen erabilera sustatu gura da, bai berbadunen kopuruari zein berbakerearen kalidadeari jagokonez.

'Getxophoto on Tour' EHUra ailegau da, Leioara

'Getxophoto on Tour' nazinoarteko argazki jaialdia Euskal Herriko Unibersidadeko (EHU) Leioa-Erandioko gunera ailegau da. Datozan hiru asteotan, erakusketa horretan erakutsitako formatu handiko bost irudi ikusi ahal izango dira campuseko beste horrenbeste eraikinetan.

Sabino Arana Fundazinoak 20 urte bete ditu

Artea Arratiako Euskal Abertzaletasunaren Agiritegi eta Museoaren egoitzan egindako ekitaldi batean ospatu dabe urteurrena.

Getxon, turistak be euskeraz

'Badakizu zein den gure altxorrik handiena?' goiburua dauen gidea kaleratu dabe Getxoko Udaleko (Bizkaia) Euskera Zerbitzuak eta Turismo Bulegoak, udalerria bisitetan daben turistei euskerea bertoko hizkuntza dala adierazoteko.

Krisiagaz, ugalak ito egingo deusku?

Mungiako Udalak Lauaxeta Olerki Lehiaketarako deia egin dau

2005ean Esteban Urkiaga 'Lauaxeta'-ren jaiotzearen mendeurrenean egindako ekitaldiei jarraipena emoteko asmoz eta 'egungo bizimoduan hain beharrezkoa dan literatur zaletasuna bultzatzeko', Mungiako Udalak 'Lauaxeta Olerki Lehiaketea' antolatu dau.

Milaka lagunek bat egin dabe 'Atera ezazu mihia' leloagaz

Ibilbideko sei guneetan batutako jentetzea ikusirik, pozik agertu da Nafarroa Oinezeko antolakuntzea. Jaso Ikastolako hezkuntza zuzendari Unai Arellanok esan dauenez, helburuak bete egin dira, bai behintzat jentearen parte-hartzeari dagokionean.

Igor Elorza zuzenean finalaurrekoetara

Zeanuriko frontoian 300 bertsozale batu ziran. Nabarmentzekoak Algortako Bertso Eskolako bertsolari biak (Arrate Illaro eta Itsaso Paia) animetan hurreratutakoak. Bertsolari txalotuenetakoak izan ziran.

'RH + Sevillako banpiroa' Barton Filmsen udagoieneko eskaintzan, euskerazko lehen filma gaur zine aretoetan

Familia osorako pelikulea da, animazinozkoa, ironiaz eta umorez betea, eta Barton Filmsek banatzen dauena bai gazteleraz eta euskeraz.

'Ispiluaren Kalteak', ipuinen bidez kontautako bizitza

Drogea, anorexia, erlijinoa... Danetariko gaiak jorratzen ditu Jimenezek bere azken lanean, nobelatik narrazinora jauzi egin ostean. 'Liburu honi batasuna paisaiak berak emoten deutso, narrazinoaren maila metafisikoak. Xabier Mendigurenek, berbarako, dino liburuan Urdaibai ikusten dala, izenik agertu ez arren'.

'Atera ezazu mihia' Iruñean, Nafarroako ikastolakaz hitzordua urriaren 19an

Iruñeko Jaso Ikastoleak antolatuko dau aurten Nafarraoko ikastolen aldeko jaia eta antolatzaileek 80.000 eta 100.000 lagun inguru batu gura ditue zazpi kilometroko ibilbidean.

Gustav-eko Koadernoak agerkari digitalean bost artikulu barri argitaratu ditue

Gai librean idatzitako saiakerak dira guztiak, egile bakotxaren interesen araberakoak; bost artikulu horreen egileak Anjel Lertxundi, Pello Esnal, Carlos Rilova Jerico, J.M. Olaizola 'Txiliku' eta Xabier Egaña dira. Agerkariak orain artean argitaratu dituan artikulu guztiak www.gustav-koadernoak.com webgunean dagoz.

'Hitzetik Hortzera' barria ETB-3n

'Hitzetik Hortzera' saioaren denporaldi barria barrikuntzez ganezka dator, izan be, aurkezle barria eta emisinorako kate barria ditu. Sortu barri dan ETB-3 katean izango da saioa ikusgai eguenetan gaueko 21:30etik aurrera eta Amaia Uribe izango da aurkezlea.

Vicky Cristina Barcelona

Film honek maitasunean zoriontasuna topetako ezintasunaren ganean egiten deusku berba. Iparramerikar gazte bi, Vicky (Rebecca Hall) eta Cristina (Scarlett Johansson), Bartzelonara ailegau dira, udako oporrak pasetako. Bartzelonan bape konbentzionalak ez diran maitasun gorabehera batzuk biziko ditue, nortasun handiko Juan Antonio pintorearen eskutik.

Zerberri.com, euskarazko albisteen bilatzaile aurreratua

Bildu.net, Euskaltube.com eta Txioka.net lako webguneen sortzaile diran Gorka Juliok eta Haritz Rodriguezek Zerberri.com aurkeztu dabe. Tresna barria Google bilatzailean oinarrituta dago eta euskerazko 100 albiste-iturriren artean topetan ditu barriak.

Euskal liburutegi-sarearen bitartez kultur arteko integrazioa sustatzeko kanpaina jarri dau martxan Jaurlaritzeak

Eusko Jaurlaritzako Kultura Sailak ekimen barritzailea aurkeztu dau 'Liburutegiak Topaleku' lemapean, liburutegiak sustatzeko EAEan gaur egun alkarregaz bizi diran kultura guztien integrazinorako gune moduan, zenbait balioren sustapenetik abiatuta.

Getxoko VII. Komiki eta Manga Azokea zemendiaren 28tik 30era izango da

Aurten, 100 salmenta-postu baino gehiago egongo dira azokan eta, horreetan, komiki-dendek, argitaletxeek, banatzaileek, fanzineek eta aldizkariek euren azken nobedadeak eskainiko ditue. Ganera, hainbat jarduera egingo dira: berbaldiak, proiekzinoak, nobedadeen aurkezpenak, tailerrak, erakusketak...