Aktualitatea

Jon Maiak Artium museoko 'Arterako hitzak' programan parte hartuko dau gaur

bertsolari eta nobelagile urretxuarrak programearen berbaldi-sortearen udagoieneko sailari hasierea emongo deutso Gazteizko Artium zentro-museoan 20:00etan.

Gotzon Garate Goian Bego

Minbiziari aurre egin guran, ebakuntzea tarteko, azken hileotan burrukan ibili ostean, Bilbon hil da 74 urte zituala.

Gotzon Garate euskaltzalearen aldeko hileta eleizkizuna gaur, urriak 9, izango da Deustuko Unibersidadeko Kapera Gotikoan arratsaldeko 19:00etan.

Juan Mari Arzak, 2008ko Euskal Herritar Unibersala

Juan Mari Arzak sukaldariak sasoi barrietara betiko euskal sukaldaritzea moldatzeko dauen gaitasunagaitik eta nazinoartean euskal kulturea zabaltzeagaitik 2008ko Euskal Herritar Unibersalaren saria jaso dau.

Simulacro taldeagaz hasiko dira eguenean Getxoko XXVI. Antzerki Jardunaldiak

'Con el bulto en la espalda' kale ikuskizuna da, antzezten dan herri bakotxeko uri-paisajean inplikau eta kultura arteko alkarrizketea ahalbidetzen dauena. Zuzeneko musikea, testuaren poesia eta gorputz lana dira gaur egun pil-pilean dagoan mezua transmitiduteko erabilten dituan elementuak.

Jon Gerediaga bilbotarra Poesiaren 2008ko Espainiako Sari Nazionalaren finalistea izan da

Antzerkiola Imaginarioa antzerki taldeko gidoilaria da Jon Gerediaga (Bilbo, 1975). Idazlea be bada, eta bi poema liburu argitaratu ditu: 'Fitola balba, karpuki Tui' (Pamiela, 2004) eta 'Jainkoa harrapatzeko tranpa' (Pamiela, 2007). Azken obra horregaz, Espainiako Literatur Kritikarien Elkartearen saria be irabazi dau aurten, euskearazko poesiaren arloan.

Kautaren barriena laster

Hurrengo urriaren 30 ean, HQ Group-ek (Hontza produkzinoak eta Producciones Que Bola!) Kauta taldearen hirugarren diskoa aurkeztuko dau ATXEH diskoetxe zigilu barriaren bitartez.

Richard Serra estadubatuarraren bederatzi eskultura dagoz ikusgai Guggenheimen

Bildumagile pribadu batek Richard Serraren (San Francisco, California, 1939) Plow eskulturea itxi deutso Bilboko Guggenheim Museoari, luzarorako ganera. Estadubatuarraren obrea atzo goizean jarri eben pinakotekearen atzeko aldean, kanpoan. Lan barri horregaz, Serraren bederatzi obra dagoz ikusgai Bilbon.

Hedatuz, euskal kultura eta zientziaren liburutegi digitala

Eusko Ikaskuntzearen Euskomedia Fundazinoak martxan jarri dauen tresna barriari esker, internauta guztien esku egongo dira Eusko Ikaskuntzeak 1918tik editautako aldizkari, monografiko eta obra espezializau guztiak, bai eta 1907tik honako Eusko Ikaskuntzen Nazinoarteko Aldizkariaren bilduma osoa be.

Bota bertsoa!

'Bota'. Lelo horregaz jatorku gaur aurkeztu daben Bizkaiko Bertsolari Txapelketea. Oinarrian, txapelketeak orain dala bi urteko egitura bera izango dau baina aldaketa nabarmen bi izango dira: txapeldunari txapela BFAko ordezkari batek jantzi beharrean Jon Azpillagak jantziko deutso eta finala, Euskalduna Jauregian izan beharrean, BECen izango da, abenduaren 20an.

Errabal, jazza eta musika baltza Deba bailarako herrietan

2008an, bosgarren aldiz egingo da ekitaldia baina izen barriagaz. Hemendik aurrera Errabal izenagaz ezagutuko da jaialdia 'gure alkartearena eta Soraluzetik jazza argitaratzen dauen diskoetxearena'.

Deustuko Unibersidadeko Kultur Aisia programeak euskerearen gaineko ikastaroa eskainiko dau lehenengo aldiz

Antolatzaileek azaldu dabenez, aurten izango da aitatutako ikastaroa eskainiko daben lehenengo aldia eta horretan, besteak beste, euskerearen jatorria, euskal idazle klasikoen ekarpena, euskera batuaren sorrerea, euskerearen egungo mapa soziolinguistikoa, mitologia eta etorkizuneko erronkak jorratuko ditue.

Sano pozik Kilometroak'08ko antolatzaileak

Oro har, balorazinoa bakarra da: ona, oso ona. Etorri dan jente multzoa kontuan hartuta, eta Kilometroak-08k eskaini dauen zerbitzuari erreparauta, irakurketa ona besterik ezin dala egin adierazo dabe Irurako Ikastolako arduradunek.

Hiru arte eszenikoak buztartuz, IV. FanZINE Festivol

IV. FanZINE Festivolen sei film labur proiektauko dira eta horreetatik bi estreinatuko dira: ¡Looking for Míster X’ eta ‘A Marte’. Film labur gehienak erderaz dira baina badagoz euskaldunak be.

Hamar euskal enpresek itsas produktuak sustatuko ditue Vigoko Conxemar 2008 arrain azokan

Eusko Jaurlaritzako Nekazaritza, Arrantza eta Elikadura Sailaren arabera, arrantzaren eta arrantzako produktu eraldatuen Plan Estrategikoaren aplikazinoak nabarmen suspertu dau sektorea, eta inbertsino handiak egiten ari dira eraldaketa industriala hobetzeko eta barritzeko.

Bilboren historian zeharreko ibilaldia egin dau Maria Jesus Cava historialariak bere liburu barrian

Liburuan, Bilboko historia kontetan dau Maria Jesus Cavak, Erdi Arotik hasi eta gaur egunera arte, iraganetik irauten daben aztarnak begiratzeko uri ibilbide metaforiko batean, Deustuko Unibersidadeko iturriek adierazo dabenez.

Bilboko Arte Eder Museoak ate edegien jardunaldi bategaz ospatuko dau domekan bere mendeurrena

Bilboko Arte Eder Museoak ehun urte bete ditu eta ate edegien jardunaldi bategaz ospatuko dau domeka honetan, urriaren 5ean. Sarrerea dobanekoa izango da egun osoan zehar, goizeko 10:00etatik iluntzeko 20:00ak arte.

Musiketan'08-09 zikloa domekan hasiko da Mor Karbasigaz

Datorren domekan, urriaren 5ean, hasiko da Musiketan zikloaren 16. edizinoa. Aurten be, mundu mailako folk-rock onena batzen saiatu dira antolatzaileak. Eszenatokian agertuko dan lehen musikaria Mor Karbasi izango da, eta The Beauty and the Sea diskoa aurkeztuko dau.