Aktualitatea

Vicente Vide Rodriguez da Deustuko Unibersidadeko Teologia Fakultadeko dekano barria

Vicente Vide Teologia Sistematikoko doktorea da eta gai honeek jorratu ditu bere ikerlanetan: X. Zubiriren obrea, pragmatika linguistikoa, askapenaren etikea zein Erlijinoaren Filosofia eta Oinarrizko Teologiako beste gai batzuk.

Operaren Lagunen Bilboko Elkarteak egitaraua potoloa preparau dau denporaldi barrirako

Datorren irailetik aurrera 58. Opera denporaldiari ekingo deutso Operaren Lagunen Bilboko Elkarteak (OLBE). Eskaintza liriko anitza eta kalidadeduna eskainiko dabe, hain zuzen be, bi estreinaldi, lau errepertorioko obra eta ezohiko lan bat programauko ditue. Egitarau horrek bi koprodukzino eta hamazazpi kantariren debuta ekarriko ditu Bilbora.

Lekeitioko Udalak irailaren 5etik 6ra aldatu dau Antzar Eguna seguridade arazoakaitik

Lekeitioko Udalak gaur jakinarazo dau Antzar Eguneko jaiagaz zerikusia daukien eragile guztien eretxia jaso dauela eta danek emon deutsiela oneretxia Udalak hartutako erabagiari. Ondokoak izan dira aitatu eragileak: Antzar Batzordea, Jai Batzordea, Udaleko Kultur Batzordea, Udaltzaingoa, Gurutze Gorria, Bizkaibus, Ertzaintza eta herriko tabernariak.

Ondarroako Musika Eskoleak Udaleku musikalak eskainiko ditu uda honetan

Pedro Mari Unanue Musika Eskoleak Udaleku Musikaletan ikasle moduan parte hartzeko matrikulazino epea zabaldu dau. Bagilaren 1etik 19ra bitartean emon ahal izango da izena eta ikasle bakotxak 115 euro pagau beharko ditu. Garagarrilaren 6tik 17ra bitartean egingo dira eta 4 eta 12 urte arteko umeei zuzenduta dagoz.

Laguntzak tarteko, kotxeak merkeago!! Dana beharrean dagoz aramu-sarez betetako gure boltdikoak!!

BOSek Japoniako sei uritan joko dau Juanjo Menaren gidaritzapean

Garagarrilean, Tokion, Yokohaman, Osakan, Fukuin, Fukukoan eta Gifun joko dau BOS Bilboko Orkestra Sinfonikoak. Japonian egingo dituan zazpi saioetan, Juanjo Menak gidatuko dau orkestrea, BOSeko zuzendari artistikoa izandakoak.

GIZek eta BERMESEXek II. Piropo Lehiaketea antolatu dabe

Ligatzeko Esamoldeen II. Lehiaketearen helburua, lagunarteko egoera informaletan euskerazko esamoldeak sustatzea da, hizkuntzeagaz jolastea, piropoak sortuz.

'Urrezko Palma' Michel Haneke austriarrak eroan dau

Michael Haneke zinema zuzendari austriarraren The white ribbon filmak irabazi dau Cannesko 62. Zinema Jaialdiko sari nagusia. Isabelle Huppert aktore frantziarraren eskutik jaso dau 'Urrezko Palma' dalako garaikurra jaialdiaren itxiera-ekitaldian.

SeiUrte taldearen bosgarren diskoa: 'Lau'

'Lau' izeneko bosgarren lan luzeagaz, taldeak zenbakien arteko nahasmenera eroan gura gaituela emoten dau. SeiUrte taldearen azken diskoak taldearen benetako esentzia erakusten dau: 'pop-a beti izan dogu oinarri eta, zentzu horretan, beti izan dogu loturea musika britainiarragaz',

Bilboko Udal Musika Bandeak Ruperto Chapí omenduko dau

Udal Musika Bandearen Udabarriko Kontzertu Zikloaren bigarren saioa gaur, maiatzak 22, izango da Areatzako Kioskoan. Arratsaldeko 19:30etan hasiko dan kontzertua, Bandaren zuzendari titularrak zuzenduko dau, Rafael Sanz-Espert jn.ak.

Eusko Ikaskuntzaren XVII. Biltzarrean parte hartzeko proposamenak aurkezteko epea bagilaren 30era arte luzatu dabe

Eusko Ikaskuntzak zemendiaren 18tik 20ra bitartean egingo dau bere XVII. Biltzarra, 'Gizarte aurrerapen iraunkorrerako berrikuntza' izenburupean. Aurreko biltzarrak Bilbon eta Donostian egin ziranez, aurtengoa Gasteizen egingo da, Europa Biltzar eta Erakusketa Jauregian.

Avignoneko Jaialdiak L’Alakran konpainiaren antzezlan bat aurkeztuko dau

Avignoneko Antzerki Jaialdia Frantziako lehenengoa da (1947an egin zan lehenengo aldiz) eta Europa mailan ospe handiena dauena da. Gerra ondoren sortua, ohiko jaialdi batzuen errepertorio klasikotik aldenduz, Avignon beti nabarmendu izan da aurkezten diran proiektu barritzaileakaitik.

Amarica proiektuak sustaturiko 'Agian' diziplina anitzeko egitasmoa aurkeztu dabe Gasteizen

Egitasmoak, hemendik eta udabarria amaitu bitartean, Mikel Valverderen ilustrazinoak, Arkaitz Basterraren irudiak, Kirmen Uriberen olerkiak eta Mikel Urdangarin, Bingen Mendizabal eta Rafa Ruedaren musikea buztartuko ditu.