Aktualitatea

'Momo eta beste izaki batzu', Elurretan taldearen lan barria eskuragarri

Elurretan taldearen hirugarren diskoan, 21 abesti barri agiri dira; oraingoan, pop oinarria galdu barik, folkaren eta musika esperimentalaren eremuetan sartu dira.

Beharrezkoak diran koipeak

Jaten dogunaren kalidade eta kantidade egokiaren ganeko ardurea gero eta nabarmenagoa da. Edonon topau daitekez elikadurearen arloko aholkuak, zenbait substantziaren azterketak, elikadura osasungarriaren egiak eta guzurrak... Zenbat bider entzun dogu gantzak edo koipeak kaltegarriak dirala? Egia ete da?

Kilometroak'08 'Oinarria eraikitzen', Irura-Anoetan aurten

Badator Kilometroak 08, Gipuzkoako ikastolen aldeko jaia, honezkero gainean dogu eta. Hitzordua datorren domekan, urriaren 5ean izango da Irura-Anoetan.

Kazeta.info, Ipar Euskal Herriko egunkari elektronikoa Sarean

Komunikazino tresna edegia, zabala ete eraginkorra izateko bokazinoagaz, euskereak teknologia barrietan dauen presentzia handitzeko eta herritarren artean komunikazino aukerak zabaltzeko asmoz, Iparla alkarteak sustaturiko egitasmoa da www.kazeta.info.

Capsula talde bilbotar-argentinarrak Berlingo Popkomn jaialdian parte hartuko dau urriaren 8an

'Sounds from Spain' plataformearen eskutik. Capsulak urriaren 8an joko dau, Hora Zulu eta Bilbo Hiria Pop Rock Lehiaketearen azken edizinoa irabazi dauen Aaron Thomas taldeagaz batera.

EuskoTrenek lurrun trenen hiru zerbitzu eskainiko ditu astegoienean Azpeitia eta Lasao artean

Informazino gehiago lor daiteke museoaren telefono zenbakiaren bidez (943 15 06 77) eta www.euskotren.es webgunean. Era berean, kontsultak egin daitekez 943 15 07 46 faxaren bidez edo museoa@euskotren.es posta elektrikoko helbidearen bitartez.

Bilboko Marijaiaren ganeko idazketa lehiaketea antolatu dabe

Pasa dan abuztuaren 24an Marijaiak datorren urtera arte agur esan baeuskun be, bere 30. urtebetetzearen ospakizuna oraindino ez da amaitu. Mari Puri Herrerok sortutako pertsonaiak 30 urte bete ditu eta, hori dala eta, Bilboko Turismo eta Jaietako Sailak Ene Marijaia! idazketa lehiaketa jarri dau martxan, 8 eta 16 urte bitarteko gaztetxuei zuzenduta.

'Oztopo guztien gainetik' Pog Mo Thon taldearen lan barria laster

Zemendiaren amaieran kaleratuko dau Pog Mo Thon taldeak bere ibilbideko hirugarren diskoa. 'Oztopo Guztien Gainetik' izango da bere izenburua eta 12 kantu izango ditu.

Euskara 21 ekimenak 2.000 ekarpenetik gora jaso ditu

Batzordekide nahiz herritarren ekarpenak jaso eta aztertu ostean, hiru lerro nagusi agiri dira ekarpenetan:

* Euskerea indarbarritzeko jarduna gizarte kohesinoagaz bateragarria da eta holan izan behar dau.
* Euskerearen bizibarritzearen zutabe nagusiak: adostasuna eta erritmo egokia.
* Euskerearen erabilerearen erronkan, esparru ez formalek aparteko garrantzia daukie. Horreetan jokatzen baita adierazgarritasuna eta naturaltasuna.

Andramarietako Gazte Argazki Lehiaketea'08

Gazte Planak eta GIZek antolatutako Bermeoko Jaietako Gazte Argazki Lehiaketako irabazlea Igor Zalbidea Uriarte izan da. Holan ba, 32 urteko bermeotar honek irabazi ditu lehen sari moduan egozan 200 euroak 'Erraldoiekaz dantzan!' izeneko argazkiagaz.

Jokin Inza, 'El gordo', abertzale historikoa eta erbesteko erresistentziaren funtsezko laguna hil da

1924an Bergaran jaioa, gazte-gaztetatik euskal kausaren alde burrukatu eban. Euskal erresistentzian egindako lanak, Frankoren diktadurearen kontra klandestinidadean burrukatuz, Euskaditik kanpora iges egitea eragin eutson.

Getxoko XXVI. Antzerki Jardunaldiak urriaren 9tik 19ra bitartean egingo dira

Aurten hainbat generotako 14 obra eskainiko ditue beste horrenbeste euskal antzerki taldek. Ekimenaren helburu nagusiak urtez urte euskal antzerki konpainiek egiten daben ahalegina erakustea eta urteko antzerki produkzinoaren erakusleiho bilakatzea dira.

Bizkaian, danetara 212 enpresa dabilz Bai Euskarari Ziurtagiriagaz beharrean

Euskal Herri osoan dagoeneko ia 1.600 enpresa, saltoki eta era guztietako entidadek baino gehiagok eskuratu dabe Ziurtagiria. Zehatz mehatz esanda, 1.557 dira uneotan Ziurtagiria dabenak eta guztira 40.000 lagun baino gehiago dira Bai Euskarari Ziurtagiriaren eraginpean lanean dabilzanak.

Animalien Babesari buruzko I. Euskal Jardunaldiak Bilbon egingo dira urriaren 8, 9 eta 10ean

Animalien babesaren arloan, Estadu mailako aditurik garrantzitsuenak entzuteko aukerea izango dau publikoak hiru egunetako arratsaldetan. Saioak Bilboko Alde Zaharreko Bidebarrieta Liburutegiko areto nagusian izango dira, 19:30etatik aurrera.

Teknoskopioa ideia-lehiaketan, ikasleek blog bat sortu behar izango dabe

Lehiaketearen helburuak honako honeek dira: gazteen artean zientzia eta teknologiagazko zaletasuna eta jarrera ekintzaileak sustatzea. Blogak urriaren 31ra arte landu ahal izango dira eta sari-banaketea Zientziaren, Teknologiaren eta Berrikuntzaren Astean izango da, zemendiaren 10etik 16ra bitarteko egun batean.

Kataluniako ikerlari talde batek ardao-dastatzaile elektronikoa asmau dau

Bartzelonako Instituto Mikroelektronikoko ikerlari talde batek ardao bariedadeak bata bestearengandik bereizten dituan dispositibo bat garatu dau, besteak beste, iruzurrak be aurreikusi ahal dituana. Soilik botoi bat sakatuta, mahats bariedadea zein dan eta ardao hori zein urtetakoa dan ezagutu geinke.