‘Luz de domingo’, ‘El orfanato’ eta ‘Trece rosas’ dira Espainiako hautagaiak Oscar sarietarako
2007-09-14 02:00 BarriakJose Luis Garciren ‘Luz de domingo’, Juan Antonio Bayonaren ‘El orfanato’ eta Emilio Martinez Lazaroren ‘Trece rosas’ filmak aukeratu ditu Espainiako Zine Akademiak, lehen botazinoan, Oscar Sarien 80. edizinoan Espainia ordezkatzeko, ‘Ingelesezkoa ez dan Film Onena’-ren atalean.
Elhuyar dictionary, euskerea-ingelesa-euskerea hiztegia atara dabe
2007-09-14 02:00Elhuyar dictionary/hiztegia argitaratu dabe Elhuyar Fundazinoak eta Elkar argitaletxeak, alkarlanean. Danetara, 34.000 sarrera eta azpisarrera, 50.000 adiera eta 12.000 adibidetik gora jasoten ditu hiztegiak.
Getxon etorkinentzako ‘AISA’ euskera ikastaroetan izena emoteko epea zabaldu dabe
2007-09-13 02:00 Euskerea berbagaiHABEk diseinautako materiala erabiliz gauzatzen dan ekimenaren helburua da udalerrira heltzen diran personen integrazinoa bertako hizkuntzearen bitartez sustatzea.
‘Marjinalia’, Txuma Murugarrenen ‘zirku partikularra’
2007-09-13 02:00 Musikea‘Marjinalaia’, Txuma Murugarren bakarlariaren bosgarren diskoa (Gaztelupeko Hotsak) ‘organikoa, naturala da, base programaturik bakoa, lurrarekin lotura handia dauena’.
Jaurlaritzeak Euskerearen Organo Komun Iraunkorra sortzea proposatu deutso Nafarroari
2007-09-13 02:00 Euskerea berbagai‘Orain arte, Nafarroako gobernuagaz ezin izan dogu akordioa lortu, kolore politikoak jantzi deutsozalako euskereari’. Horregaitik, Eusko Jaurlaritzako Hizkuntza Politikarako sailburuorde Patxi Baztarrikak lankidetza-proposamena egin deutso, ‘errespetu instituzional eta juridiko-administratiboan oinarrituta, euskerea sustatzeko balioko dauen organoa’.
Behatokia: ‘Ministroen Batzordeak ez ditu Euroitunaren gomendioak bete’
2007-09-13 02:00 Euskerea berbagaiEuroituna Espainiak berretsitako Europako Kontseiluaren nazinoarteko ituna da, eta 2001eko abuztutik dago indarrean. Europako Kontseiluaren ustetan beharrezkoa da Espainian indarrean dagoen gaztelaniazko elebakartasunaren nagusitasunean oinarritzen dan eredutik eredu eleanitzera salto egitea.
Getxoko kaleak argazkiz jantziko dira
2007-09-12 02:00 KultureaIrailaren 13tik urriaren 5era arte, Getxoko 17 gune publikotan, GETXOPHOTO argazkintza jaialdia egingo da, 'espazio urbanoak erabilera kulturaletara hurreratzeko helburuagaz'.
Txakolinaren mahats-batzearen VIII. Jaia Zarautzen
2007-09-12 02:00 Jan edanakOspakizun honetako ekitaldiak natureagaz zeozelako loturea dauenez, eguna txakolin upategi batera egingo dan bisiteagaz hasiko da. Ostean, txakolina probetako aukerea, bertsolariak, herri-kirolak eta beste hainbat ekitaldi izango dira.
‘Zertarako Amestu’, Berri Txarrak taldearen lehenengo DVD-Dokumentala
2007-09-12 02:00 MusikeaBerri Txarrak taldea egunotan bere lehenengo DVDa izango dana filmetan dabil, Ibon Antuñano euskal errealizadorearen zuzendaritzapean. ‘Zertarako Amestu’ dokumental edo rockumental bete-betea da; bertan hirukotearen ibilbidearen 26 hilebeterik emonkorrenak jasoten dira.
Zinemaldian, umeek euskerazko filmak ikusteko aukerea izango dabe
2007-09-12 02:00 Barriak'Zinerik Handiena Txikientzat' eta 'Eraman egizuz gurasoak zinera' ekimen bereziei esker, Donostiako Zinemaldian txikienek 'Ice Age', 'Piccolo & Saxo' eta 'Irabazleak eta galtzaileak' filmak ikusiko ditue euskeraz.
'Picassoren zaldia', Asier Serranoren poema-liburu barria
2007-09-11 02:00 KultureaLiburuan ‘estilo indartsua, berbakera sendoa eta eduki probokatzailea’ agiri dira; ‘amodioaren eta burrukearen hiztegiak nahastauta.
Portugaleteko Orfeón Jarrillerok emongo deutso hasierea Getxoko XXI. Habanera eta Itsas-Abesti Jaialdiari
2007-09-11 02:00 MusikeaPortugaleteko Orfeón Jarrillero taldeak emongo deutso hasierea hilaren 13tik 15era luzatuko dan Getxoko 21. Habanera eta Itsas-Abesti Jaialdiari. Kontzertuak Areetako Geltokia plazan izango dira 20:00etatik aurrera, doban.
‘G puntua’, badator Gipuzkoako Bertsolari Txapelketea 2007
2007-09-11 02:00 BertsolaritzeaLelotzat ‘G puntua’ daroan txapelketeak Gipuzkoako bertsolaritzearen oinarriaren erakustaldia izatea dau helburu.
Berri Txarrak taldearen urteko azken kontzertuak Gernikan
2007-09-11 02:00 MusikeaKontzertu bi eskainiko ditue nafarrek, lehenengoa irailaren 13an, eguenean (19:00), berezia izango da, ‘Zertarako Amestu’ DVDa grabetako emonaldia izango dalako. Bigarrena irailaren 14an izango da.
Frankistek fusilautako Felipe Urtiaga omenduko dabe Berrizen
2007-09-11 02:00Gaur, irailak 11, 70 urte beteten dira frankistek Felipe Urtiaga Berrizko alkate izandakoa hil ebela. Aurten, Gerediaga Elkartearen laguntzinoagaz eta herrian sortu barri dan ‘Berriz 1936 Gogoratzen’ kultur alkartearen babesagaz, frankismoaren biktimei gorazarre egingo jake.
Miguel de Unamuno IX. Saiakera Lehiaketarako lanak aurkezteko epea zabalik dago
2007-09-11 02:00Edozein nazionalidadeko egileek gai libre, argitaratu bako eta gitxienez ehun orriko lanakaz parte hartzeko aukerea izango dabe Bilboko Udalak antolatutako lehiaketean. Aitatutako epea 2007ko zemendiaren 30ean amaituko da.
HABEk Euskaltegietako ikasleentzako diru-laguntzinoak eskatzeko epea zabaldu dau urriaren 10era arte
2007-09-11 02:00 Euskerea berbagaiHABEk euskaltegietako ikasleentzako urtero egiten dauen diru-laguntzen deialdia zabaldu dau, matrikula kostuak berreskuratzeko edo leuntzeko asmoz. Eskariak egiteko epea hilebeteren buruan amaituko da, urriaren 10ean, hain zuzen.
Ang Lee zinemagileak irabazi dau Urrezko Lehoia, bigarrenez
2007-09-11 02:00 BarriakEpaimahaiak ‘Se, jie’, Ang Lee taiwandar zinemagilearen filmari emon deutso Veneziako 64. Mostraren Urrezko Lehoia.
Beste alde batetik, Brian de Palmak irabazi dau zuzendari onenaren saria eta Cate Blanchett eta Brad Pittek, barriz, aktore onenaren sariak.
Apple: ‘gure estiloa’
2007-09-11 02:00Apple enpreseak bere estiloari eutsi deutso. Orain bi hilebete iPhone eskuko telefonoa aurkeztu eban, 599 dolarreko salneurrian. Kontua da ze prezioa merketzea erabagi dauela enpreseak egunotan.
‘Nafarroako Euskararen Institutuaren helburu orokorra betetea ezinezkoa da gaur egungo legediagaz’
2007-09-11 02:00 Euskerea berbagaiEuskararen Gizarte Erakundeen Kontseiluak eta Oinarriak alkarteak Nafarroako Gobernuak aurkeztu barri dauen Euskararen Institutuaren sorrereari buruzko balorazinoa plazaratu dabe.
Sarrera behar da? Aurretik erosi behar da?
»» 'Erbestez erbeste', bertso saio literarioa