Aktualitatea

Euskal Etxeak geroari begira

‘Konplexurik barik defendidu behar da identidadea. Ez da inoiz gure identidadearen, gure kulturearen eta gure hizkuntzearen defentsa alde batera itxi behar; bestela, noraezean dabilen ontzi bat izango gara globalizazinoaren munduan’ adierazo eban lehendakariak.

'The Order Of The Phoenix', Harry Potterren azkena

Film barria, bosgarrena, gaur estreinauko da, J. K. Rowling idazleak asmautako abenturen zazpigarren eta azken liburua kaleratu baino egun batzuk lehenago, izan be, liburua garagarrilaren 21ean agertuko da.

Getxoko Bigarren Eskuko Liburu Azokea, hilaren 12tik 14ra

Igazko edizinoan bezela, liburuen salmentearen bidez batutako dirua proiektu solidario batean erabiliko da. Aurten, Madagaskarren lanbide-heziketako ikastetxe bat eregiteko erabiliko da, antolatzaileek adierazo dabenez.

Gari, Jabier Muguruza, Mikel Laboa, Oskorri eta Antton Valverderen diskoak kaleratuko ditu udagoienean Elkarrek

Gari, Hertzainak taldeko abeslari ohiak irailaren 27an kaleratuko dau ‘Esperantzara kondenatua’ izenburuko bere laugarren barkarko diskoa. Fran Iturbe gitarra-joleak zaindu ditu produkzino artistikoaren zehetasunak. Garik melodia atseginak eta zabalak egin ditu erritmo zehatz eta sendoen gainean.

Eusko Jaurlaritzeak atzerrian hiru ordezkaritza barri zabalduko ditu

Iñaki Agirre Eusko Jaurlaritzako Kanpo Gaietarako idazkariak 2010. urterako atzerrian beste hiru ordezkaritza edegiko dituela iragarri dau: Parisen 2008an, Londonen 2009an eta Berlinen 2010ean.

PowerPointaren 20. urteurrena

1987an, PowerPoint 1.0 bersinoa agertu zan. Kuriosoa (ala ez) baina bersino hau Mac ordenagailuetarako agertu zan. Eta egia esan ez da bape kasualidadea, Mac ordenagailuek teknologia aldetik beti joan diralako bi edo hiru pausu aurretik eta beste arrazoi bat, sasoi haretako ordenagailuek oraindino DOS sistema operatiboagaz, ez ziralako kapaz holako sistema grafiko bati eusteko.

EAEko errepideetan 36 persona hil dira urteko lehen seihilekoan, 2006koan baino 11 gitxiago

Eusko Jaurlaritzako Trafiko Zuzendaritzearen datuen arabera, jatsiera horren oinarriak bide segurtasunerako plan estrategikoan islatutako neurri guztiak eta, batez be, gidariak segurtasun neurri zorrotzagoak hartu daiezan bideratutako kanpainak izan dira gehienbat.

Bakioko XXI. Musika Astea, garagarrilaren 14tik 23ra

Sarrerea dobakoa izango da, hilaren 20ko rock kontzertua (5 euro) eta pailazoen ikuskizuna (2 euro) izan ezik. Ekitaldi horreetarako, sarrerak aldez aurretik salgai egongo dira Turismo Bulegoan, eta egunean bertan txartel-leihatilan.

Zinegile gazteen film laburrak Getxon, ‘Gaurik laburrena’ egitasmoan

Zinezaleek ‘Gaurik laburrena" film laburren emonaldiaz gozau ahal izango dabe asteon Getxon. Algortako Biotz-Alai plazan zinegile gazteen hainbat film labur eskainiko dira. Gaur, garagarrilak 9, gaztelaniazko filmak emongo ditue, eta bihar, martitzena, euskerazkoak. Emonaldiak gaueko 22:00etan hasiko dira eta sarrerea dobakoa izango da.

13.000 lagun inguru hurreratu dira Getxoko Jazzaldira

Danimarkako People Are Machines laukoteak irabazi dau Getxoko Nazinoarteko Jazz Jaialdiaren 31. Edizinoko lehiaketea. Gainera, Magnus Hjorth taldeko piano-jolearentzat izan da bakarlari onenaren saria. Bigarren saria, barriz, Errusiako Andrew's Quartet taldearentzat izan da.

UEUren udako ikastaroak Baionan eta Eibarren

Udako Euskal Unibersidadearen udako ikastaroek jarraipena izango dabe gaurtik, garagarrilaren 9tik aurrera Eibarren eta Baionan. Gainera, Baionan egoitza barria izango dabe udako ikastaroek: Bernat Etxepare lizeoa, Ipar Euskal Herrian ikasketa guztiak euskeraz eskaintzen dituan lizeo bakarra.

Udea, ikasle nagien sufrimendurako boladea...

Letren Terrazak Getxon

Garagarrilaren 10etik abuztuaren 31ra ‘Letren Terrazak’ barriro egongo dira Getxoko kaleetan, gaztetxuek eta helduek liburuez gozau daien. Ohikoa danez, udal liburutegiek hiru etxola jarriko ditue plaza banatan, Algortako Geltokia, Areetako Geltokia eta Andra Mariko Sarri plazetan.

EGOk Florentziako gazte orkestren jaialdian parte hartuko dau

Euskal Herriko Gazte Orkestrearen udako 11. denporaldia maila handikoa eta jantzia izango da. Aurtengo udan, lehenengo aldiz, EGOk Florentziako Gazte Orkestren Jaialdian parte hartuko dau. Jaialdiak hamar urte bete ditu eta holako ekitaldirik garrantzitsuenetako bat da munduan.

Eusko Ganberek txakolinaren ibilbideei buruzko liburuxka bat argitaratu dabe

Egitasmoaren ideia da txakolinaren mundua ezagutarazotea, eta horretarako, bere historia eta zelan egiten dan azaltzen da liburuxkan. Upeltegietatik ibilbidea, lurrazalaren ezaugarriak, produziduten diran mahatsen aldaerak eta merkaturatzen diran markak dira liburuxkak batzen dituan ataletako batzuk.

‘La Carta Esférica’ Imanol Uriberen film barria abuztuaren 31n estreinauko da

Imanol Uribe zinema zuzendari euskaldunaren film barria Arturo Pérez-Reverte idazlearen liburuan oinarrituta dago.