Aktualitatea

Joan Mari Torrealdai eta Lourdes Oñederra euskaltzain oso izentau ditu gaur Euskaltzaindiak

Joan Mari Torrealdai eta Lourdes Oñederra euskaltzain oso izentau ditu gaur Euskaltzaindiak, Bilbon egin dan osoko bilkuran. Biak izentau ditue Euskaltzaindiaren Arautegiak agintzen dauen gehiengo osoa lortu ondoren.

Elikadura Jokaerearen Nahasteak, azterketa orokorra

Oinarria bardin antzekoa da elikadurearen nahasketa guztietan: norberaren gorputzaren ukapena. Bestelako sintomez gan, elikadura jokaerak aldatzen doaz, Elikadura Jokaeraren Nahastea gaixotasun larri bihurtu arte, berbarako, desnutrizinoa.

Elhuyar Oinarrizko Hiztegiaren bigarren argitalpena kalean da

Elhuyar Oinarrizko Hiztegiak 36.000 sarrera, 48.000 adiera eta 3.500 adibide jasoten ditu, eta Elkar argitaletxeak eta Elhuyar Fundazinoak alkarlanean argitaratu dabe. Hiztegi hau euskara-gaztelania/castellano-vasco gamako txikiena da eta boltsikoko hiztegi legez sailka daiteke.

Juan Gelman poeta argentinarrak irabazi dau 2007ko Cervantes Saria

Saria, 90.450 euro, gaztelerazko literaturan emoten dan garrantzitsuenetakoa da eta hispaniar literaturearen ondarea aberasteko idazle batek egindako lana aintzat hartzen dau.

Kontuz hegazkin-konpainien letra txikiagaz

Europako Komisinoak publizidade 'faltsua' ikusi dau hegazkin-txartelak saltzen dituen webguneetan. Lau hilebeteko epea emon deutsie 'akatsak' konpontzeko.

ONCEk euskerazko 75 obra jarriko ditu braille sisteman

Eusko Jaurlaritzako Kultura sailak 70.000 euroko diru-laguntzinoa emongo deutso ONCE erakundeari euskerazko 75 literatura lan braile sistemara pasetako eta, era berean, itsuentzako euskera-gaztelania hiztegi elektronikoa garatzeko.

Euskaltzaindiak ez dau erosi Leizarragaren 'Testamendu berria'

Orain egun batzuk eroslerik barik geratu zan XVI. mendean Leizarragak egindako Bibiliako Itun Barriaren itzulpena, euskeraz idatzitako lehen liburuetako bat. Izan be, 28.500 euroko prezioan atara eben enkantean baina inork ez eban diru hori eskaini.

Esperantzarako argiak

Ken Zazpi bizkaitarrek laugarren diskoa atara dabe 'Argiak' izenburupean. Hamabi kantaz osotutako lana hemen grabau arren, masterizazinoa Los Angelesen egin dabe Rafa Sardinaren gidaritzapean.

‘Bilbao Hiria’ XX. Pop-Rock Lehiaketan izena emoteko epea zabalik

Bilboko Udalaren Enplegu, Gazteria eta Kirol Sailak antolaturik Bilbao Hiria Pop-Rock Lehiaketea martxan jarri da barriro. Hemeretzi edizino igaro ondoren, Euskal Herrian zein estadu osoan be musika lehiaketarik ospetsuena bihurtu da Bilbao Hiriarena eta orain europar talde gazteentzako erreferentzia izateko asmoa dabe antolatzaileek.

Hamabi film labur batzen ditu 'Kimuak 1998-2006' DVDak

Azken urteotan egindako 12 film laburrik onenak batu nahi izan ditue Kimuak 1998-2006 DVDan, egitasmoaren 10. urteurrenaren atxakiagaz. Bilduma-lan hori bart aurkeztu eben Bilboko Arriaga Antzokian.

Herri hizkereari buruzko jardunaldiak Ondarroan

Kofradia Zaharrak Herri Hizkerearen bigarren jardunaldiak hartuko ditu zemendiaren 30ean, Ondarroan. Udaleko Euskara Sailak antolatuta eta tokian tokiko euskerearen ahozkotasuna gai nagusi izanik, lau berbaldik osotuko dabe aurtengo egitaraua

Iñaki Plaza eta Ion Garmendia txalapartariek AEBetako hainbat euskal etxetan joko dabe

'O + Hatz' izeneko taldeak Renon, San Franciscon, Boisen, Chinon eta Washington DCn joko dau. Kontzertuez gan, txalaparta ikastaroak be eskainiko ditue.

Enas mungiarren punk-rock zikina

Mungiatik datorren laukoteak lehenengo diskoa atara dau. Oinarrian, punk-rock estiloa jorratzen dabe baina, taldekideek azaldu daben legez, 'melodietan ikutu suabeagoak igarten dira'. Aurkezpena gaur egin dabe Bilbon.

Iparralde eta Georgia dira Durangoko Azokako beste protagonista bi

Euskal Kultur Erakundeak (EKE) eta Gerediaga alkarteak Durangoko Azokea Ipar Euskal Herrian ezagunago egin eta Azokan Iparraldeko produkzinoaren ezagutza zabaltzeko egitasmoa bete dabe.

Bestalde, etortekoak ziran Georgiako hiru idazleetatik bi ez dira etorriko.

Euskera eta euskal kulturako ikastaroak Monterreyn (Mexiko) eta Helsinkin (Finlandia)

Eusko Jaurlaritzako Kultura Sailak bultzaturik, euskera eta euskal kulturearen ikastaroak sortu dira Europa eta Amerikako hainbat unibersidadetan, joan dan apirilean Eusko Legebiltzarrak aho batez sortzea onartu eban Etxepare Euskal Institutuaren garapenaren bidean.

Euskal Herriko Libreriako Musikea

Euskal Herriko sortzaileek lurraldetasunaren muga naturalak gainditu eta estadu espainoleko produkzino etxen atentzinoa piztea lortu dabe. Boza Edizioguneak, hainbat diskoetxeren zein egileren laguntzaz, ‘Euskal Herriko Libreriako Musika’ izeneko kantu bildumea osotu dau, euskal musikea zabaltzea, erabilerea erraztea eta bultzatzea helburu dauelarik.

Sexu-aldaketarako ebakuntzak pagetako diru-laguntzen deialdia onartu dau Eusko Jaurlaritzeak

Persona bakotxak beharrezko ebakuntzen gastuaren % 50 eta % 100 arteko laguntzinoa jasoko dau, baina kontuan izanik emakume transexualen kasuan diru-laguntzinoa ezingo dala 10.000 euro baino handiagoa izan eta gizonezko transexualentzat, 15.000 eurokoa.