Munduko sukaldari onenak batuko ditu Donostian 'San Sebastian Gastronomika' biltzarrak
2009-11-04 14:16
Donostiako Kursaal Jauregiak munduko sukaldari onenak batuko ditu zemendiaren 23tik 25era bitartean egingo dan 'San Sebastian Gastronomika' biltzarraren barruan. Ekimen horretan izango dira, besteak beste, Adria, Blumenthal, Redzepi, Hattori eta Narisawa japoniarrak edota Dufresne iparramerikarra.
Finalaurrekoen atarian da Bertsolari Txapelketa Nagusia
2009-11-04 13:32 Bertsolaritzea
Astegoien bateko atsedenaldiaren ondoren, datorren zapatuan ekingo deutso barriro txapelketeak bere martxeari. Final laurenetan aurrera egitea lortu daben 17 bertsolariei 2005eko 7 finalista (Unai Iturriaga, Igor Elortza, Maialen Lujanbio, Jon Maia, Amets Arzallus, Sustrai Colina eta Aitor Mendiluze) gehituko jakez, 24 izango dira, beraz, finalaurrekoetan lehiatuko diranak.
Bilboko Udalaren Unamuno eta Blas de Otero sariketatan saritutako euskerazko lan bi argitaratu ditue
2009-11-04 10:37 KultureaPedro Alberdi gipuzkoarrak Miguel de Unamuno saria irabazi eban 2006an 'Carlos esaten zioten gizona' izenburuko lanagaz, eta Fertxu Izquierdo nafarrak 2008ko Blas de Otero poesia saria 'Telebista antenetan atsedena hartzen dute txoriek' obreari esker. Lanok Alberdania argitaletxeak argitaratu ditu.
Bilboko 'Berbalagunak', praktiketan hasteko prest
2009-11-04 10:25 Euskerea berbagai
'Berbalagunak' egitasmoak helburu bi ditu: Bilboko auzo desbardinetako euskaldunok alkar ezagutzea eta, bestetik, ikasten ari diran ikasleek praktiketako aukera gehiago izatea. Horretarako ekimen nagusi bi antolatu dira: berbataldeak eta euskerearen agendea. Bilboko kasuan, Bilboko AEK-k, Mahatserriko Asapala euskara alkarteak, eta Deustuko Berbaizu euskara alkarteak alkarlanean egiten daben lanaren emoitzea da.
Aurelia Arkotxa euskaltzaina da Euskaltzaindiaren buruorde barria
2009-11-04 09:34 Euskerea berbagai
Orain arte buruordea izan dan Beñat Oihartzabalek dimisino-gutuna aurkeztu dau, osasun arazoak dirala-eta. Modu horretan, hauxe da Euskaltzaindiaren Zuzendaritza barria: euskaltzainburua, Andres Urrutia; buruordea, Aurelia Arkotxa; idazkaria, Xabier Kintana; diruzaina, Jose Luis Lizundia; Iker sailburua, Andoni Sagarna; Jagon sailburua, Andres Iñigo.
Badator Leioako XXX. Artisautza eta Gastronomia Azokea
2009-11-03 14:48 Kulturea
Zemendiaren 6, 7 eta 8rako Leioako XXX. Artisautza eta Gastronomia Azokea iragarri dabe. Leioako Boulevardean egongo dira salmenta tokiak eta ordutegia ondokoa izango da: barikuan, 17:00etatik 21:00etara. Zapatuan eta domekan, 10:30etik 14:30era eta 17:00etatik 21:00etara.
Etxe rock ikutuagaz dator 'Heldu eskutik' diskoan
2009-11-03 14:46 Musikea
Orain dala lau urte lehenengo maketea plazaratu eta 2007ko udabarrian lehenengo diskoa ('Bidea eginez') atara ostean, bigarren lana aurkeztera etorri da gaur Bilbora Iñaki Etxezarraga'Etxe' berriztarra.
Bilboko XXVIII. Nazioarteko Txotxongilo Jaialdia, hilaren 13tik 22ra
2009-11-03 14:30 Kulturea
Francisco Garzón Céspedesi omenaldia egingo jako. Aurten 30 urte beteko dituan Redoblentes pertsonaiaren egilea da kubatarra. Baina, aurten bada urteak beteten dituan beste pertsonaia bat, izan be, orain 50 urte Miguel Pinok sortutako Peneque el valiente pertsonaia izango da protagonista Barrainkuako Kultur Etxeko erakusketan.
Luisa Etxenikerentzat Gaztelaniazko Euskadi Literatura saria
2009-11-03 13:58 sariak-autortzak
Luisa Etxenikeren 'El angulo ciego' (Bruguera) eleberriak irabazi dau aho batez gaztelaniazko Euskadi Literatura saria, Ruben Ruizek haur eta gazte literaturakoa eta Elena Odriozolak, barriz, ilustrazinokoa.
Erosketak euskaraz egitera animau nahi dauen 'Euskara Ahora' erakusketea ikusgai Algortako Azokan
2009-11-03 13:03 Euskerea berbagai
Erakusketea datorren zemendiaren 28ra arte egongo da zabalik, azokearen ordutegian. Hurreratzen diran guztiek koadernotxo barri bat jasoko dabe, zenbakiak euskeraz, agurrak, alkarrizketa errazak, hiztegia eta abar dira, bezero eta dendariaren arteko hartu-emonak euskeraz bideratzeko laguntzeko.
Bertsoak hip-hop erritmoan
2009-11-03 10:57 BertsolaritzeaAbenduaren 13an izango da Bertsolari Txapelketa Nagusiko final handia eta, tartean, bertsozale gazteek euren bertsotarako doeak probetako aukerea izango dabe 'bertso hip' lehiaketan. Hip-hop erritmoak hartuta, neurri txikiko bi kopla egin beharko ditue lehiakideek, gai librean.
Euskerazko Unibersidade-Liburuen V. Erakusketea egingo da asteon Deustuko Unibersidadean
2009-11-03 10:18 Kulturea
Deustuko Unibersidadeak eta EIRE unibersidadean euskerearen alde eragiteko irakasleen alkarteak Euskerazko Unibersidade-Liburuen V. Erakusketea antolatu dabe zemendiaren 3tik 6ra bitartean unibersidade bilbotarreko liburutegiko erabilera anitzeko aretoan.
Jose Luis Lopez Vazquez aktorea hil da
2009-11-02 16:49 Barriak
Aktorea 1922ko martiaren 11n jaio zan. Egin eban azken filma '¿Y tú quién eres?' izan zan, Antonio Mercerorena, orain dala urte bi. Gaixotasun luze baten ondorioz hil da, 'El pisito' edota 'Mi querida señorita' filmetako protagonistearen familiako kideek azaldu dabenez.
Yo tambien
2009-11-02 12:57 Zinema kritikak
Atzemoten da filma honen egileek ondo baino hobeto ezagutzen dabela down sindromearen mundua. Arazoak arazo, zuzendariek nahiko ikuspegi positiboa emon dabe, persona honeek transmitiduten daben maitasuna nabarmenduz. Naturaltasunez eta zintzotasunez idatzi dabe istorio erakargarri hau, ondo jarraitzen dana eta sasimorala kanpoan ixten dauena.
Zemendiaren 24an plazaratuko dau Kepa Junkerak disko barria: 'Kalea'
2009-11-02 12:42 Musikea
Igaz plazaratutako 'Etxea' diskoaren jarraipena da 'Kalea', euskal abesti tradizionalen trilogia baten bigarren lana. Oraingoan, Kepa Junkera Amerikara joan da hainbat artistagaz euskal kanta ederrenetako batzuk euskeraz grabetako.
Daoud Hari: 'Darfurreko egoerea ezagun egin daitela da nire amesa'
2009-11-02 11:29
Barriketan
Sudango interpretea
UEUk irudi barria estreinau dau
2009-11-02 10:56
'Zeru eta itsas kolore urdinetik zilar kolore edota harriaren sendotasunaren grisera pasau gara. Horizontaltasunetik laukira, UEU letrak azpimarratuz. Irudiaren marrek zeozer bizia adierazoten dabe: hostoak zabalik dituan lore bat. Loreak polinizazinoa behar dau ugaltzeko eta antzeko prozesua gertatzen dala UEUgaz esan daiteke, unibersidade komunidadea 'polinizatuz'. Alkarlana, partaidetza eta gurea besteei eskainiaz alde batetik, eta komunidade zientifikoa trinkotuaz, jakintza mota desbardinak sortuaz, bestetik.
Joan Mari Torrealdaik euskaltzain oso kargua hartu dau Forun
2009-11-02 10:21 Euskerea berbagai
Asteburu honetan izan da Joan Mari Torrealdai euskaltzainaren sarrera ekitaldia Foruko Frantziskotarren eleizan. Euskaltzaindiak 2007ko zemendiaren 30ean izentau eban euskaltzain oso Joan Mari Torrealdai.
XI. Aste Olinpikoa Bilbon
2009-10-30 14:48
Zemendiaren 2tik 6ra XI. Aste Olinpikoa egingo da Bilbon. Aurten Luis Felipe Areta (Pipe) omenduko dabe, hau da, Erroma 1960, Tokio 1964 eta Mexiko 1968ko Olinpiar Jokoetan parte hartu eban atletea.
'Egungo euskal nobela eta zinema' lana argitaratu dau EHUk Jon Kortazarren gidaritzapean
2009-10-30 14:41 Kulturea
Liburuak hiru arlo ditu: lehenengoan, literaturea zinemara bueltetako ahaleginen azterketa teorikoa eskaintzen da; bigarrenean, zinemara eroandako euskal nobelen historia eta azterketea egiten da; amaitzeko, nobelearen eta gidoiaren artean sortzen diran fenomenoen barri emoten da.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...