Bertsolaritzearen inertziak berbagai Bertsolamintza jardunaldietan

Bertsolaritzearen munduak gogoeta zabala egiteko asmoz ekingo deutse zezeilaren 26an IV. Bertsolamintza jardunaldiei. Bertsolaritzan dagozan inertziak izango ditue berbagai; izan be makina bat topau ditue: inertziak bertsolaritzearen irakaskuntzan, inertziak kantetako roletan, inertziak txapelketetan, inertziak bertsolaritzearen sisteman, inertziak ideologian, inertziak bertso sorkuntzan, inertziak umorean, inertziak sortzeko prozesuan eta inertziak gai-jartzailetzan.

Hileotan mintegietan jorratu eta eztabaidatu ostean, hausnarketak gizarteratzeko momentua heldu dala eretxi deutse; bai bertsozale, kulturgile zein euskaltzale guztiei.

Bertsolaritzeari buruzko hausnarketek eta ikerketek osotzen ditue Bertsolamintza ekimena. Orain arte hiru Bertsolamintza egin dira: 1993an, 1995ean eta 2003an. Lehenengo bietan hainbat arloren ganean egin eben gogoeta; azkenengoan, 2003koan, barriz, gaiari eta gaia jartearen ingurukoak landu zituen.

Hainbat adituk hartuko dabe parte Bertsolamintza jardunaldietan; besteak beste, Eric Dicharrek, Andoni Egañak, Amaia Vazquezek, Oier Araolazak, Fredi Paiak, Jon Ansak eta Inon Arrizabalagak. Lehenengo hitzordua Sarako Lurberri aretoan egingo dabe, zezeilaren 26an; bigarrena, martiaren 1ean, Gasteizko Amaia zentroan; hirugarrena, martiaren 4an, Iruñeako Hizkuntza Eskolan; martiaren 10ean, Durangoko Kafe Antzokian; eta azkenengoa, martiaren 12an, Villabonako Gurea Antzokian. Berbaldietaz gan, bertso saioak eta bertso-afariak be antolatu ditue. Informazino zabalagoa behar izan ezkero: www.bertsozale.com

Egitarauari buruzko xehetasunak erantsitako artxiboan dozuez.

Ikusi argazki guztiak handiago