Nadia Erostarbe surflariak eta Filipe Toledok ez dabe parekorik izan Penicheko supertuboen ikuskizunean

Nadia Erostarbe. | Ikusi handiago | Argazki originala

Haizeak ez deutso traba handirik egin Erostarberi eta erakustaldia eskaini dau olatuen grabedadeari eta logikeari aurre eginez. Tensino handiko saioan, Nadia Erostarbe emakumezkoetan eta Filipe Toledo brasildarra gizonezkoetan, Penicheko ausardia teknikoaren erregina eta errege izan dira, bakotxak 5.000 dolarreko txekea boltsikoratuz.

Expression Sessionak puntu konbentzionalen araberako txanden zurruntasun estrategikoa kendu deutse surflariei eta horren ordez, ikusentzuleek ordubeteko saio ederraz gozau dabe Supertuboen dunak zalez ganezka egozala, maniobra kritikoak, ezinezko hodiak eta errotazinoak ikusteko gogoz.

Hamabost surflari izan dituan emakumezkoen koadroan Nadia Erostarbe izan da irabazi dauena, bikain egindako hodi bati esker. Erostarbek erakutsi dau zergaitik irabazi dauen errespetua munduko elitean denporaldi honetan. Zarauztarrak, portugaldar olatu itzelen irakurketa bikaina eginez, gogor ekin deutso atalik indartsuenari eta kritikoenak bilatuz. Bere erabagiari esker, irabazi eta zaleen poza biztu ditu Penicheko hondartzan.

Gizonezkoen artean, birritan Munduko txapeldun izandako (2022 eta 2023), eta 2015eko Supertubosen irabazi eban Filipe Toledok, expression session entzutetsuko beste 21 lehiakideak gainditu ditu aireko maniobra ikusgarri bategaz, Gabriel Medina herrikideak final-zortzirenetan Meo Rip Curl Pro Portugal txapelketa ofizialetik kanporatu ostean, barikuan. Saio libre honetan parte hartu daben 36 atleten artean, 62 urteko Tom Curren mitikoa — 1985ean munduko surf txapeldun izan zan lehen estadubatuarra eta 1986an eta 1990ean titulua berretsi ebana — izan da saio libre honetako parte-hartzaile onenetakoa.