Aktualitatea

Oreka Tx txalapartariek Arriagan aurkeztuko dabe 'Nömadak Tx Zuzenean' ikuskizuna

Oreka Tx txalapartari taldeak Bilboko Arriaga Antzokian aurkeztuko dau, datorren martiaren 3an, 'Nömadak Tx Zuzenean' ikuskizuna. Oraingoan, konbidautako musikari batzuek izango ditue lagun Oreka Tx-eko kideek, besteak beste, Mendebaldeko Saharako Ariza Brahim abeslaria, Ganzoring artista mongoliarrra eta Ouafaa Aouttah abeslari bereberea.

SPRIren webguneak EAEko informazino ekonomikoa eskaintzen dau 11 hizkuntzatan

SPRI Industriaren Sustapen eta Eraldaketarako Baltzuak Euskal Autonomia Erkidegoko ekonomiaren datu eguneratuak eskaintzen ditu bere 'Euskadin Inbertitzea 2009' on line argitalpenaren bidez. Gainera, informazinoa 11 hizkuntzatan emoten dau SPRIk, bere arduradunek jakinarazo dabenez.

Bilboko Kafe Antzokia zezeilaren 9ra arte egongo da zarratuta

Bilboko Kafe Antzokia zarratuta egongo da hurrengo hilebetean, 2008ko apirilaren 2an jarritako helegite baten harira, baimendutako edukia gainditzeagaitik. Gau haretan, M-Clanek jo eban eta Bilboko Udaltzaingoak aretoan baimenduta dagoan jente kopuruaren bikotxa kontau eban.

Lan egitea besterik ez dago hotzari aurre egiteko

'Esku era' jardunaldiak: sormenez ekin

Urtarrilaren 23 eta 24an Bilbon egingo dira Topaguneak antolatutako Esku era jardunaldiak, Bilborock aretoan. Sormena izango da aztergai jardunaldietan, euskera alkarteak ardatz hartuta.

III. Hamaika Bertute eguna ospatuko dabe urtarrilaren 10ean Zarautzen

Aurtengo III. Hamaika Bertute egunean antzerkiagaz esperimentauko dala jakinarazo dabe antolatzaileek. Urtarrilaren 10ean, Zarautzen, goizeko 10:30ean hasita, aktoreek eta bertsolariek jaialdi berezia ospatuko dabe.

'GAZteak', gazteei zuzenduriko aldizkari barria Getxon

Getxoko Udalak 'GAZteak' izenburuko gazteei zuzenduriko hilabetekari barria kaleratzen hasi da. 'Zabaldutako informazinoa herritarrentzat gogokoagoa izatea helburu dauen kanpo komunikazinorako plangintzan jasotako ekintzea gauzatu gura dogu aldizkari honegaz', adierazo dau Komunikazino Arloko zinegotzi Josu Loroñok.

Donostiako 44. Jazzaldian parte hartzeko 15 talde aukeratu ditue

Aukeratutako 15 talde horreek kontzertu bana emongo dabe urtarrilaren 9tik maiatzaren 6a bitartean eta, zuzeneko emonaldi horreen arabera,Donostiako 44. Jazzaldian parte hartzeko aukeratuko ditue.

Bilboko Artelan Berreginen Museoak doban zabalduko ditu ateak asteburuan

Museoakasteburu honetan emongo ditu amaitutzat 'Olimpia buru eta bihotz' erakusketea eta Bizkaiko Jaiotzazaleen Elkarteak antolatutako jaiotzen erakusketea. Horretarako, dobaneko bisita gidatuak antolatu ditu.

Alhondiga Bilbaok unibersoaren ganeko 'Across the universe' jardunaldiak antolatu ditu

Jardunaldiak urtarrilaren 12tik 18ra bitartean egingo dira, Bilboko Indautxu Plazan jarriko daben karpa handi batean, eta, modu horretan, Astronomiaren Nazioarteko Urtea inauguratuko da Bizkaiko uriburuan.

Euskerea sustatzeko helburuagaz, EJk 5.725.000 euro emongo ditu aurten

Eusko Jaurlaritzako Hizkuntza Politikarako Sailburuordetzeak 13.100.000 euro bideratuko ditu aurten euskerearen sustapenera, igaz baino % 4,1 gehiago. Zati handiena, 5.725.000 euro, komunikabideek jasoko dabe. IKTen arlora 1.626.000 euro bideratuko dira, enpresei zuzendutako Lanhitz programara 2.710.000 euro, euskalgintzara 1.340.000 euro, eta udal-erakundeetara 1.700.000 euro.

Jaurlaritzeak 8.674.677 euro emongo ditu aurten kulturea sustatzeko

Kopururik handiena (4.206.820 euro) ikus-entzunezko sektoreak jasoko dau. Antzerkiaren arloak 1.254.877 euro jasoko ditu; Zinema Euskaraz programeak 1.098.980 euro; liburuaren, literaturearen eta itzulpengintzaren sektoreak 838.000 euro.

EJk etorkin helduen euskalduntzea helburu dauen AISA programearen finantzaketa-hitzarmena barriztau dau

Eusko Jaurlaritzako Kultura Sailak eta Etxebizitza eta Gizarte Gaietako Sailak Euskal Autonomia Erkidegoan (EAE) bizi diran etorkin helduen euskalduntzera bideratzen daben AISA harrera-ikastaroak finantzatzeko hitzarmena barriztauko dabe gaur.

Alfred Hitchcock maisuaren obra guztiak aztertuko ditu Guillermo del Torok liburu batean

Guillermo del Toro zinemagile mexikarrak modu sakonean aztertu eta xehetasunez landu ditu Alfred Hitchcock maisuaren obra guztiak -pelikulak, telebistarako saioak eta beste zenbait proiektu- datorren astetik aurrera liburu-dendatan egongo dan 'Hitchcock' (Espasa) liburuan.