Aktualitatea

Ibaizabal Telebista, Bilboko euskaldunon tresna

Honezkero zortzi hilebeteko bidea egin dogu Bilbora eta mundu osora zabalik, baina asko eta asko dago egiteke. Beraz, ideiaren bat badaukazu edota era batean edo bestean parte hartu gura badozu, jo gugana': ibaizaba@ibaizabaltb.com

Alhondiga Bilbaok Pariseko Pompidou zentroko liburutegi publikoan izango dan prestakuntza-beka deialdia egin dau

Beka honetara, jardunean ari diran eta euren lanpostua eta lantokia egiazta leikien euskal udal liburutegi publikoetako liburuzainak baino ezin izango dira aurkeztu, Alhondiga Bilbaoko arduradunek prentsa ohar bidez jakinarazo dabenez.

Jet Lag Biok jarraipena izango dau datorren urtean Bilbon, lehenengo ekitaldian 10.000 gazte batu ostean

Abenduaren 23an amaitu zan jaialdiak munduko bost uritatik etorritako adierazpen gazteak batu zituan Deustuko Kanaleko industri pabilioi zahar batean, eta izandako arrakastea ikusita, datorren urtean be jarraipena izango dauela adierazo dabe antolatzaileek.

'Amets bat eraikitzen' Asier Bastidaren argazkiak Berrizen

Saharako errefuxiatuen kanpamentuetako egunerokoa ezagutzeko aukerea emoten dabe argazkiok. Argazki erakusketa honetan, gainera, etxean ume sahararrak hartu dituen berriztarrek kanpamentuetan bisitan izan diranetan ataratako argazkiak gehitu dira. Kontuak kontu, abenduaren 26tik urtarrilaren 7ra egongo da zabalik erakusketea.

Gari badoa

Abeslari legazpiarrak etena egitea erabagi dau atzerrira joateko baina aurretik Bilboko Kafe Antzokian azken kontzertua emongo dau lagunez inguratuta. Urtarrilaren 15an kontzertu berezia emongo dau Garik.

Ibon Ajuriagaz barriketan

Ibon Ajuriagogeaskoa izan da aurten BEC-eko ateetan parau dana, finala barrutik eta ederto gozau arren beste guztiokaz batera. Ibonek aurreko finalean kantau eban Euskalduna Jauregian eta aurten bere saiorik onena egin barik be, Bizkaiko 9. bertsolaria izateak eta final handitik 6 puntura geratzeak zeozer esan gura dau. Bizkaie! beragaz egon da barriketan.

Bilbainadak Arriagan

CD batean grabauta dagozan Bilbainaden XX. Lehiaketako doinu irabazleen konposizinoak interpretatuko dira abenduaren 28an, domekea, Bilboko Arriaga Antzokian eguerdiko 12:00etan egingo dan jaialdian. Irabaziak Coopera izeneko Gobernuz Kanpoko Erakundeari emongo jakoz.

Igarriko ete da krisia etxeetako mahaietan Gabonaldian?

Etxepare Euskal Institutua 2009ko urtarrilaren 7an hasiko da jardunean

Eusko Jaurlaritzako Gobernu Batzordeak Etxepare Euskal Institutuaren jarduera hasteko Dekretua onartu dau. Institutuaren helburuak euskerea eta euskal kulturaren mundu zabalpenagaz lotzen dira, Beñat Etxeparek esan eban 'jalgi hadi mundura' esaldiaren bidetik.

Montxo Armendariz zinegileak jasoko dau Eusko Ikaskuntzaren Manuel Lekuona Saria

Eusko Ikaskuntzak 1983an sortu eban Manuel Lekuona Saria euskal kulturako personalidadeen onarpen legez, beti be, artistearen obra guztiek interes nabarmena badabe. Aurten, Oletan jaiotako zinegileak jasoko dau, 'Historias del Kronen', 'Secretos del corazón' edota 'Obaba' filmen zuzendariak.

Intxaurrak

Intxaurra ospetsua da odoleko kolesterol-mailea murrizten laguntzen dauelako. Batetik, nahiz eta koipe ugari izan, ez dau kolesterolik eta, bestetik, gorputzak kolesterola produziduteko trabak jarten ditu. Aldi berean, odoleko beste koipeei be eragiten deutse intxaurrak, eta triglizeridoen mailea murriztu ohi dau, besteak beste.

Abenduaren 27an Merinalde Eguna ospatuko dabe Durangon

Egun horretan, Durangaldeko alkateek Gerediagako baseliza aurreko foru zelaian 1875.eko abenduaren 27an egin eben azken batzarra gogoratzen dabe. Hurrengo urteko garagarrilaren 22an kendu zituen foruak eta eskualdeko erakunde propioak desagertarazo.

Mikel Laboaren familiak gaur jasoko dau artisteari jagokon Urrezko Domina

Domina horrek, Markel Olano Gipuzkoako diputadu nagusiaren esanetan, autorpen eta omenaldi bat izan gura dau, 'euskal kulturearen ikur eta sinbolo nagusietako bat izan dan sortzaileari, euskal kulturearen biziraupenaren eta bilakaeraren lekuko izan dan personeari'. Ekitaldia Aldundiaren egoitzan izango da, 19:00etan.

Capsula taldeak 2009ko zezeilean atarako dau bigarren diskoa

Taldeak New Yorkeko Hed estudioan nahastau eta masterizau dau disko barria eta, danetara, 12 abesti batuko ditu. Ganera, kanta bi gehiago izango dituan binilozko bersinoa be izango dau lan barriak.

Zinema mutua umeakandik hur Bilbon

Bilboko Udalak eta FAS zine-klubak zinemaren magia publiko gazteenari hurreratzeko ekimen bat eskainiko dabe bihar, abenduak 23, 'Zinez jositako jantziak' izenburupean. Ekimen horretan, 6 eta 10 urte bitarteko 330 ikaslek XX. mende hasierako zinema mutuaz gozauko dabe Indautxuko El Carmen aretoan.

U2 taldeak 'No line on the horizon' izeneko disko barria kaleratuko dau

U2 taldeak 2009ko martian argitaratuko dau 'No line on the horizon' izenburuko lan barria. Banda irlandarraren estudioko hamabigarren diskoa da eta ohiko kolaboratzaileak izan ditu: Brian Eno, Danny Lanois eta Steve Lillywhite. Momentuz, taldeak ez dauka birarik egiteko amesik.