Aktualitatea

Zaldubiren 'Prediku zenbait. Hazparnen eginak' sarean ipini dau Euskaltzaindiak

Euskaltzaindiak Gratien Adema Zaldubi-ren Prediku zenbait. Hazparnen eginak (1854-1860) liburua webgunean ipini barri dau. Hain zuzen be, argitalpen digitala hemen konsultau daiteke.

Sakanako 'Guaixe' aldizkaria eta Beleixe irratia, egoera larrian

Sakanako Guaixe astekariak zenbaki berezia kaleratu dau asteon, argazki bakoa, hain zuzen be. Baina, ez, ez jake ahaztu irudiak sartzea, beste arrazoi bat dago, webgunean azaltzen dabenez: Hutsune horregaz protesta egin nahi dogu. Protesta Nafarroako Gobernuak bere legea urratu eta hizkuntzearen normalizazinoan ezinbesteko diran euskerazko hedabideak laguntza barik itxi ditualako.

Eszenako kudeaketea eta produkzinoari buruzko ikastaroa, BilbaoEszenan

BilbaoEszena baliabide eszenikoen zentroak ikasturteko bigarren modulurako izena emoteko epea edegi barri dau. Ikastaroa eszenako kudeaketeari eta produkzinoari buruzkoa izango da. Prestakuntza tailerra urtarrilaren 16tik martiaren 19ra egingo da, BilbaoEszenan bertan.

Bizkaiko Foru Liburutegiko ikasteko gelea hilaren 9an edegiko dabe

Bizkaiko Foru Liburutegiak urtarrilaren 9an edegiko dau ikasteko gelea, eta hilaren 27ra arte egongo da zabalik. Gelea eraikineko 0 pisuan dago, 98 lagunentzako lekua dauka. Foru Liburutegiko itrurriek jakinarazo dabenez, egun osoan egongo da edegita, eten barik, 8:30etik 22:00etara bitartean, astelehenetik barikura; eta 9:00etatik 22:00etara, zapatu-domeketan.

Bilboko Guggenheim museoak 962.358 bisitari izan zituan 2011n

Bilboko Guggenheimek 962.358 bisitari izan zituan igaz, 2010ean baino %1 gehiago, Museoko iturriek jakinarazo dabenez. Aurrez ikusitako bisitarien kopurua gainditu egin da, mundu osoko egoera ekonomiko gatx honetan, emoitza oso onen aurrean gagozala esan geinke, adierazo dabe. Museoan izan diranen jatorriari jagokonez, EAEkoek puntu bat gora egin dabe.

Ilustratzaileek zientziaren komunikazinoari egindako ekarpenak jaso ditu 'Elhuyar' aldizkariak

Ilustratzaileek zientziaren komunikazinoari egin deutsiezan ekarpenak batu ditu Elhuyar zientzia eta teknologia aldizkariaren urtarrileko zenbakiak eta, esangura horretan, Luis Calçada portugaldarragaz eta Manu Ortega bilbotarragaz berba egin dau, Elhuyar Fundazinoko iturriek jakinarazo dabenez.

Sarean da 'Erronkari eta Ansoko toponimiaz' liburua

Juan Karlos Lopez-Mugartzaren tesi doktorala da eta Henrike Knörr zanaren zuzendaritzapean egin eban. Euskaltzaindiak eta Nafarroako Gobernuak argitaratzen daben Mendaur bildumako bosgarren zenbakia da.

'The Artist'

Gatxa da ulertzea zelan konbentzidu zituan Michel Hazanaviciusek produktoreak zuribaltzezko film mutu bat egiteko. Edozelan be, zuzendari frantziarrak lortu eban proiektu bitxi hau aurrera ataratea. Produktoreak pozarren egongo dira orain. Izan be, aurreikusitakoaren kontra, pelikuleak arrakasta itzela izan dau.

Dantzan.com gunea itxi egin dabe, finantzabide arazoak dirala eta

Dantzan.com gunea itxi egin dabe, diru-laguntzen beherakadea eta bestelako diru-iturrien urritzearen ondorioz, webgunean bertan azaldu dabenez. Ezin dogu orain hamar urte abiatu genduan gunea ekonomikoki mantentzen jarraitu, dinoe. Abenduaren 31n bulegoa itxi arren, barriro be martxan ipinten ahaleginduko dirala adierazo dabe.

'Bertso jarriak entzun gura dauzanarentzat jarriak'

Zeanuriko Gabonetako Aste Kulturalean, Gabon zahar bezperan, bertsoek be euren lekua euki eben eta bertako ahapaldiak Bizkaie!-ko orrietaraino ekarrita ekin gurako neuskio urte barriari.

'Gazteak, aisialdia eta euskerea' jardunaldietako berbaldiak, Euskaltzaindiaren webgunean irakurgai

Euskaltzaindiak webgunean ipini ditu 2010eko zemendian egindako XV. Jagon Jardunaldietako berbaldiak. Gazteak, aisialdia eta euskerea izenburuko jardunaldi horiek Sustapen batzordeak antolatu zituen, Unesco Etxearen laguntzinoagaz. Euskera 2010, 55, 2 liburukian argitaratu dira testuak, eta Interneten bere bai.

2012. urtea izan daitela danontzako aurrekoa baino hobea... Eutsi goiari!!!

'Euskaraz atseginez' proiektuaren bloga aurkeztuko dabe Sopelan

Sopelako Euskaraz atseginez egitasmoa igazko martian sortu zan; ordutik pausu asko emon ditu, eta hurrengoa bloga martxan ipintea izango dala jakinarazo dabe ekimenaren arduradunek. Uribe Kostako Zerbitzu Mankomunidadeko Euskera Zerbitzua, Sopelako Udala eta Aitxu! alkarteak alkarlanean gauzatu dabe proiektua.

Eszena arteetako eta zinemako profesionalak diran 22 zornotzarrek parte hartu dabe Zornotza Aretoko bazkideak egiteko kanpainan

Gure lana, zure gozamena. Zornotza Aretoa, nuestro espacio lemapean, euren ibilbide profesionalean Zornotzagazko loturea izan daben aktore, musikari, zinegile eta bestelakoak partaide aktiboak dira aretoko bazkide barriak erakarzeko eta lehengoei eusteko kanpainan.

Gernikako Astra fabrikea Sormen Lantegi bihurtzeko lanak martxan dagoz

Gernikako Astra armen fabrikea zana erabarritzeko lanak hasi ditue, eta laster Sormen Lantegi bihurtuko dabela jakinarazo dabe Jaurlaritzako eta Udaleko arduradunek. Blanca Urgell Eusko Jaurlaritzako Kulturako sailburuak eta Jose Maria Gorroño Gernika-Lumoko alkateak bisitea egin dabe, lanak zelan doazen ikusteko.

Zuzenean zerbitzuak hizkuntzearen erabilera ez sexisteari buruzko gidea egin dau

Zuzenean zerbitzuak herritarrentzako arretan gaztelaniaz zein euskeraz hizkuntza sexistarik ez erabilteko gida erraz eta praktiko bat atondu dau. Ekimena Eusko Jaurlaritzako Justizia eta Herri Administrazino Sailetik bultzatu da, Emakumeen eta Gizonen Bardintasunerako 4/2005 Legearen 18.4 artikuluak agintzen dauena betearazoteko.

Wikipedia entziklopedia digitalaren euskerazko edizinoak 11.000 sarrera barri ditu

Wikipedia entziklopedia digitalaren euskerazko edizinoak 11.000 sarrera barri izango ditu gaurtik, abenduaren 29tik. Eusko Jaurlaritzako Kultura Saileko Hizkuntza Politikarako Sailburuordetzearen ekimena izan da, Lur Entziklopedian oinarritu da eta Elhuyar Fundazinoak egin dau lan teknikoa.

Bizkaiko Aldundiak Foru Liburutegiko inkunableen katalogo eguneratua argitaratu dau

Bizkaiko Foru Aldundiko Kultura Sailak Foru Liburutegian gordeta dagozan 43 inkunableen katalogo eguneratua argitaratu dau, herritarrek ale horreek hurretik ezagutzeko aukerea izateko. Inprentea XV. mendearen erdialdean sortu zan, ordutik 1500. urtera arte tipo mobikorrekaz inprimidutako liburuek egin zituen. Liburuok balio sano handiko ondarea dira, pensamenduaren eta ezagutzearen iturri izan ziran eta.