Aktualitatea

Caostica Film Laburren Jaialdian izena emoteko azkenengo egunak

Caostica Film Laburren Jaialdiaren 10. edizinoa bagilean egingo da, eta daborduko antolatzaileak beharrean dabilz. Film laburrak eta ikus-entzunezko lanak bialtzeko epea laster zerratuko da, hain zuzen be apirilaren 15ean. Caostica festibalaren arduradunek sail barria estreinauko dabe aurten, GIF Animatua dalakoa.

Leioako Umore Azokeak profesionalek izena emoteko epea zabaldu dau

Leioako Umore Azokan parte hartu gura daben profesionalentzako izena emoteko epea edegi barri dabe. Eskaerak egiteko azkenengo eguna maiatzaren 4a da. Aurtengo Umore Azokea maiatzaren 17tik 20ra bitartean egingo da.

Artedrama arte eszenikoei buruzko topaketak, hilaren 15era arte, Aulestin

ADEL Artedrama Euskal Laborategia arte eszenikoetan euskeraz lan egiten dabenen topagune da egunotan, Aulestin. Aktore, zuzendari, antzerkigile zein antzerkizale guztientzako urtero zabaltzen dan gunea da. Hilaren 15era bitartean, bost mintegi eta makina bat emonaldi izango dira Artedrama topaketen zazpigarren edizinoan.

Kode edegiko praktika kulturalen dekalogoa aurkeztu dau Tabakalerak

Tabakalerak bere ekarpena egin nahi izan dau kultura arloan gertatzen dagozan eraldaketen inguruko eztabaidan, zabalkundean eta hausnarketan. Orain aurkezten dogun liburuaren bersino hau, abiapuntu lez planteetan dogu, kode edegiko proposamen bat izanik, barrikuste, moldaketa eta barridazketa saioak gogo onez hartuko baititu.

Juul 2012 literatur hauteskundeak egin ditue Ipar Euskal Herriko ikastoletan

Urtero, Euskal Herriko ikastoletako umeen irakurketaren zaletasuna bultzatzeko asmoz, Juul Kanpaina berezia antolatzen da ikastoletan. Ume eta gazteek euskeraz idatzitako liburu eta ilustratzaile gogokoenak aukeratu ahal ditue euren botoen bidez. Seaskako hainbat ikastolatan apirilaren 2an eta 3an egin zituen

Prezioak gora, murrizketea murizketearen gainean, orain hezkuntza eta osasun arloetan be bai...

Egunotan Euskadiko 27. Xake Txapelketea jokatzen dabilz Zornotzan

Egunotan Euskadiko Xake Txapelketearen 27. edizinoa jokatzen dabilz Zornotzan, Zornotza Xake Klubak eta Udalak antolatuta, Zelaieta aretoan. Txapelketea apirilaren 9an hasi zan, eta 15ean amaituko da. Lehenengo saioko irabazleak Mario Gomez, Alejandro Franco, Santiago Gonzalez eta Patrice Etchegaray izan dira.

Carl Craig, Jeff Automatic eta Lourdes Madow, apirileko Art After Dark saioko protagonistak

Art After Dark saio barri izango da barikuan, hilaren 13an, Bilboko Guggenheim museoan. Oraingoan, Carl Craig, Jeff Automatic eta Lourdes Madow dira protagonistak. Kontzertuak 22:00etan hasiko dira, eta erakusketetako aretoak be zabalik egongo dira.

Literaldia 2012: egungo euskal literaturearen erakusleiho Bartzelonan

Apirilaren 11tik maiatzaren 12ra, Bartzelonak Literaldia’12 euskal literatureari eskainitako jaialdiaren zortzigarren edizinoa hartuko dau, Bartzelonako Euskal Etxeak antolatuta, Bartzelonako Unibersidadea, Bartzelonako Unibersidade Autonomoa eta Hizkuntz Eskola Ofzialak lagundurik.

Sarako Idazleen Biltzarrak Pier Paul Berzaitz kantaria eta Jakintza alkartea sarituko ditu

Sarako Idazleen Biltzarrak Pier Paul Berzaitz abeslaria eta Jakintza Ziburuko alkartea sarituko ditu apirilaren 9an. Sarako liburu azokearen 29. edizinoa egingo dau. Euskal Kultur Erakundeak eta Sarako Turismo Bulegoak antolatu dabe Idazleen Biltzarra, eta urtero lez, herriko kiroldegian egingo dabe.

Antonio Mingote marrazkilari eta umoristea hil da

Antonio Mingote marrazkilari eta umoristea Madrilen hil da, 93 urte zituala. 1946an hasi zan La Codorniz aldizkari satirikoan bere lanak argitaratzen; ostean makina bat komunikabidetan argitaratu dira haren marrazki eta testuak.

Sopelako XIX. Esaera Zaharren Txapelketea apirilaren 21ean izango da

Sopelako Esaera Zaharren Txapelketeak 19 urte beteko ditu aurten, udalerri bizkaitarreko AEK-k Udalaren lankidetzeagaz antolatuta. Aurten, apirilaren 21ean izango da, Ur isuria.. gaitz biltzen! lelopean. Julio Soto nafarra eta Arrate Illaro algortarra izango dira bertsolari konbidatuak, eta parte-hartzaileek bertso bakotxa jagokon esaera zaharragaz lotu beharko dabe.

Eguraldiari begira egon barik, ondo aprobetxau jaiegunak

Inoizko izen-emote gehien, Amorebieta-Etxanoko kaleko-musiken Haizetara jaialdian

15 herrialdetako 41 bandek emon dabe izena Haizetara jaialdian, Amorebieta-Etxanoko Udalak jakinarazo dauenez. Kale-musikearen nazinoarteko jaialdia da Haizetara, eta aurten zortzigarren edizinoa egingo da, bagilaren 22tik 24ra bitartean.

Joakin Berasategi Sendoa argitaletxeko sortzailea hil da

Nafarroako Gobernuak eta Euskaltzaindiak 2012ko lankidetza hitzarmena sinatu dabe

Nafarroako Gobernuak eta Euskaltzaindiak aurtengo lankidetza hitzarmena sinatu barri dabe. Akademiaren izenean, Andres Urrutia euskaltzainburuak sinatu dau eta, Foru Gobernuaren izenean, Maximino Gómez Euskarabidearen zuzendari kudeatzaileak.