Aktualitatea

Berlusconi badoa antza... Sinisten dozu?

'24 Ordu Digitalean', Arriolako VI. film laburren lehiaketea gaur eta bihar

Ohikoa dan legez, film laburrak 24 ordutan landu beharko dira, hasierako ideiatik produkzinoa amaitu arte. Zemendiaren 11an, barikuan, arratsaldeko 17:00etan, antolatzaileek lehiaketearen oinarriak aurkeztuko ditue (filmaren gaia, filman nahitaez agertu beharko diran objetuak eta esaldiak) eta 24 ordu geroago, filmak Arriolan aurkeztu beharko dira, MiniDV formatoan.

'Azken garaipena' zientzia fikzinozko komikia kaleratu dabe Iban Zalduak eta Julen Ribasek

Xabiroi komiki aldizkarian argitaratutako Azken garaipena bildumea album bakarrean plazaratu dau Ikastolen Alkarteak. Iban Zaldua gidoigileak eta Julen Ribas irudigileak aurkeztu barri dabe liburua Donostian. Istorioa zientzia fikzinoaren arlokoa da, baina badauka thriller politikoaren ezaugarririk.

Susa argitaletxeak Joseba Sarrionandiaren Kartzelako poemak liburuaren edizino barritua aurkeztu dau

Kartzelako poemak liburua 1992an argitaratu eban Joseba Sarrionandiak lehenengo aldiz, orain 19 urte eta gaur Donostian Susa argitaletxeak aurkeztuko dauen edizino barritu honetan idazleak gaurko grafiara aldatu ditu poema guztiak, eta sei poema gehiago txertatu ditu.

Basque Ecodesign Centre barrikuntza gunea aurkeztu dabe Bilbon

Eusko Jaurlaritzeak eta EAEko enpresa batzuk Basque Ecodesign Centre barrikuntza gunea osotu dabe. Ekimenaren helburua EAE ekodiseinuaren arloan eskualde aurreratua eta Europako Batzordeko erreferente bihurtzea da. Enpresotako ordezkariek Bilbon aurkeztu dabe proiektua, Ihobe sozietate publikoagaz batera.

Guggenheim Bilbao Museoak 'Lenin andrea eta urretxindorra' artelana aurkeztu dau

Guggenheim Bilbao Museoaren Bildumarako orain gitxi eskuratutako Georg Baselitzen Lenin andrea eta urretxindorra, Mrs Lenin and the Nightingale (2008) artelanaren aurkezpena egin dabe gaur Bilbon. Datorren astelehenetik aurrera, zemendiaren 14tik aurrera, lehenengo aldiz ikusgai egongo dira egilearen neurri handiko (300 x 250 zm.) 16 pinturak Guggenheim Bilbao Bildumaren aukeraketak II erakusketan.

Pier Paul Berzaitz kantari zuberotarrak 'Hemen' disko barria aurkeztu dau

Pier Paul Berzaitz musikari zuberotarrak Hemen disko barria aurkeztu dau Elkar etxearen eskutik. Abestiz abesti, kantariaren bizitzan eta kantagintzan garrantzi handia izandako musikagileak eta idazleak agiri dira, besteak beste, Beñat Sarasola, Xabier Lete, Mikel Laboa, Joxean Artze, Bitoriano Gandiaga, Itxaro Borda eta Joan Batista Elizanburu.

Creative Commons lizentziak aztergai, Euskal Irudigileen V. Jardunaldietan

Euskal Irudigileen Alkarteak sektorearen ganeko gaiak aztertuko ditu zemendiaren 12an, Bilboko Euskalduna Jauregian. Euskal Irudigileen Jardunaldien bosgarren edizinoa da aurtengoa. Egile eskubideak modu edegian, Creative Commons lizentziekaz, zelan kudeatu jorratuko dabe.

Teknoskopioa proiektu-lehiaketearen aurtengo edizinoa abiatu dau Elhuyar Fundazinoak

Urtero lez, Elhuyar Fundazinoak Teknoskopioa lehiaketea abiarazo dau, Zientziaren Asteagaz bat eginez. 14-18 urteko gazteentzako lehiaketea da, eta parte-hartzaileek modalidade bitan parte haru ahal dabe: Ikerketa-proiektuak edo Proiektu teknologikoak. Teknoskopioa lehiaketan izena emoteko epea zemendiaren 13an amaituko da.

'Oroimenak erretzen - 18 Urte', Leihotikan taldearen diskoa plazan

Leihotikan taldearen disko bilduma honek bi atal ditu; alde batetik, orain arteko lau diskoetako kantu batzuk dagoz, taldearen jarraitzaileek hautatuak. Bestetik, 1996ko maketako kantu jakin batzuk be topauko ditu entzuleak. Horrezaz gan, hainbat kolektibok, irratik... argitaratu zituen disko bildumetako kantuak eta bitxikeria batzuk be batu ditue.

Bertsolaritzaren transmisinoa, sendoago ikasturte barrian

Ikasturte barri honetan, danetara, 374 ikastetxetan landuko da bertsolaritzea Bertsozale Alkartearen eskutik. Igazkoagaz alderatuta, 47 ikastetxe barri sartu dira proiektuan. Horri esker, 20.270 ikasle dira astero edo hamabostero bertsolaritzea landuko dabenak beren ikastetxean. Igazkoagaz konparauta, aldea ez da makala, 2.828 ikasle gehiago baitira.

Euskereak Araban bizi dauen egoerea aztergai, XVI. Jagon Jardunaldietan

Euskaltzaindiaren Sustapen batzordeak antolatuta, XVI. Jagon Jardunaldiak egingo ditu Euskaltzaindiak, Gasteizeko Artium Museoan, Arabatik Arabara euskaraz izenburupean. Arabako alkarte eta erakundeekaz batera, eta Foru Aldundiaren laguntzinoagaz atondu da ekimena.

Murrizketa gehiago Nafarroako euskerazko hedabideentzako

Nafarroako euskerazko hedabideek eta Topaguneak, Euskara Alkarteen Federazinoak, salatu nahi dogu beste behin be Euskarabideak murrizketak ezarri deuskuzala.

Fun&Serious bideojokoen jaialdia, Bilbon lehen aldiz

Berbaldiez gan, Guggenheim museoan zinema eta bideo jokoen inguruko mahai-inguru bat egingo da gaur 19:00etatik aurrera. Bertan, film baten antzera sortzen diran bideo jokoek izandako bilakaerea azalduko dabe Jaume Balaguero, Fabriciano Bayo, Juan Bas eta Roberto Serrano zinema eta bideo jokoetako zuzendariek.