Aktualitatea

UPV/EHUk urrezko dominea emon deutso Bizkaiko Foru Aldundiari

Iñaki Goirizelaia erretoreak dominea emoteko ekitaldian azaldu dauenez: Bizkaiko Foru Aldundiari emon deutsagun Urrezko Dominak geugaz izan dauen lankidetza sakonaren erakusgarri izan nahi dau; izan be, gure alboan jardun dauelako, UPV/EHUren Bizkaiko Campusaren garapen akademiko hobea eta erakargarriagoa lortzeko.

Dada Company-ren 'Kokorikoko' ipuina heldu da

Kokorikokok, animalien izenak ikasteko liburu barritzaile honek, gurasoak umeakaz aisialdi alai eta goxo bat igarotea dau helburu. Ipuin hau animalien eta honeen inguruan dagozan elementuen izenak eta oinarrizko kontzeptuak euskeraz barruratzeko sortua izan da.

'Garunaren eskuineko hemisferiotik' zinema-zikloa, Artium museoan

Artium museoak Garunaren eskuineko hemisferiotik zinema-zikloa antolatu dau martiaren 16tik 28ra bitartean. Sei lan emongo ditue, film laburrak zein luzeak, tartean. Garunaren eskumako hemisferioa bizten laguntzen daben norbanakoaren eta taldearen nortasunaz, konpromisoaz eta jazoera arrunten transzendentzia dabe ardatz pelikulek.

Ibon Sarasola hizkuntzalari eta idazleak Euskadi Ikerketa Saria irabazi dau

2011ko Euskadi Ikerketa Saria irabazi dau Ibon Sarasola (Donostia, 1946) hizkuntzalari, idazle eta euskaltzainak. Epaimahaiak Sarasolaren zintzotasun zientifikoa azpimarratzeaz gan, bizitza osoan euskerearen alde egindako lanaren garrantzia goraipatu dau

Herensuge hegalduna izango da maiatzaren 4tik 11ra egingo dan Fant, Bilboko Zine Fantastiko Jaialdiaren irudia

Fant, Bilboko Zine Fantastiko Jaialdia martxan dago honezkero. Barriro be, aurrerapena, fantasiazko generoagaz dogun urteroko hitzordua iragarteko diseinau dan kartelaren eskutik dator. Joan dan urtean Bilbo txikitero zonbiek inbadidu baeben, eta aurreko urtean Mom aramua bazan bizi bildurgarria hartu ebana, oraingo honetan mehatxua airetik dator, herensuge hegaldun moduan.

Txapelketako protagonistak (II)

Txapelketako protagonistak (I) alkarrizketearen ostean, banatortzue bigarrenagaz. Oraingoan, Galdakaoko basajaunagaz egin genduan legez, Maite Berriozabal (1987) berriztar pertxenta hobeto ezagutuko dogu. Maitek, gaztea izan arren, makinatxu bat urte daroaz gai-jartzaile beharretan.

Gaztelupeko Hotsak eta Capsula Austingo SXSW jaialdian

Gaztelupeko Hotsak diskoetxea egunotan, martiaren 13tik 18ra, Austinen (Texas, AEB) martxan dagoan South By Southwest SXSW jaialdian parte hartzen dago. Texas-eko uriburuan batzen dira urtean zehar musikearen industrian zeresana emongo dabenak.

'Puppyk be 15 urte' argazki lehiaketea abian jarri dau Guggenheim Bilbao Museoak

Martiaren 15etik apirilaren 15era bitartean, Museoaren Facebook gunean, partaideek 1997tik gaur arteko argazkiak igon behar ditue, Puppyren ondoan bizitako momentu gogoangarri bat jasoten dabenak.

Lea Artibai eta Durangaldeko taldeak izango dira Bertsolari Gazteen XX. BBK Sariketako finalean

Amaitu dira Bertsolari Gazteen XX. BBK Sariketako sailkapen-faseko saioak eta finalaurrekoak. Martiaren 13an eta 14an egin ziran finalaurrekoan. Derion eta Markinan. Finalerako Lea Artibai eta Durangaldeko taldeak sailkatu dira.

Creativity Meeting Point, Bilbo sormen industrien topaleku

Creativity Meeting Pointen laugarren edizinoak Bilbo sormen industrien nazinoarteko topalekua bihurtuko dau egunotan, martiaren 15era bitartean. Hainbat enpresek industria arloan daukezan esperientzia barritzaileak izango ditue berbagai Bilboko Itsas Museoan. Besteak beste, robotikea, diseinua, kulturearen ekonomia eta sormena landuko ditue nazinoarteko makina bat adituk.

Energia nuklearra ezbaian eta bien bitartean Fukushimako ezbeharraren ondorioak hor dagoz

Martiak 31: 75 urte

Aurten Durangoko Bonbardaketearen 75. urteurrena beteko da. Hori dala eta Gerediaga Alkarteak ahalegin berezia egin eta hainbat ekitaldi antolatu ditu, besteak beste, Jon Irazabal Agirrek idatzitako liburuaren aurkezpena: Gerra Zibila Durangaldean 1936-1937, martiaren 27an, arratsaldeko 19:00retan Santa Susana eleizan.

Joseba Gotzon kantariak euskal futbol selekzinoaren 75. urteurrena ospatzeko bireari ekingo deutso apirilean

Euskal futbol selekzinoa Eusko Jaurlaritzeak sortu eban 1937. urtean eta lehenengo partidua Pariseko Printzipeen Parkean jokatu eben 1937ko apirilaren 26an, Gernikako bonbardaketa egunean.

'La pasión de rodar' Alex de la Iglesiaren ibilbideari buruzko liburua idatzi dabe Jesus Angulo eta Antonio Santamariak

Zuzendari bilbotarraren ibilbideari buruzko alkarrizketa liburua aurkeztu eben bart Madrilen; La pasión de rodar izenburupean, Euskadiko Filmategiak kaleratu dau. Jesus Angulok eta Antonio Santamariak Alex De la Iglesiagaz hiru egunetan izandako alkarrizketetan oinarrituta dago.

Harrapazank programearen zazpigarren edizinoa martxan dago

Martxan dago Harrapazank programearen zazpigarren edizinoa, Bilboko Udaleko Euskera, Gazteria eta Kirol Sailak antolatuta. Euskerearen erabilerea gazteen artean sustatu eta eurentzako kultur eskaintzea handitzea dau helburu ekimenak. Besteak beste, Harrapazank Eszenatokia lehiaketea antolatu dabe, dagoeneko 53 taldek emon dabe izena.

Bernardo Atxagaren 'Zazpi etxe Frantzian' nobelea, Independent Foreign Fiction Prize sariketako finalisten zerrendan

Bernardo Atxagaren Zazpi etxe Frantzian nobelea 2012. urteko Independent Foreign Fiction Prize sariketearen hamabost finalistetako bat da. The Independent egunkari britainiarrak antolatzen dau sariketea, urtean argitaratutako kanpoko libururik onenak saritzeko.

Ipar Kutxak Anbotoren Kudeatzaile Birtual barria bereganatu dau bezeroei ohiko eragiketetan laguntzeko

Sistemeak teklatuaren bidez sartutako ia edozein testu ulertzeko dauen gaitasuna da tresna barritzaile honen balio erantsi nagusia, norberak berba egiteko dauen era bereziaren gainetik eta hutsegite ortografikoen gainetik. Laguntzaile birtuala esaldien zentzua ulertzeko gauza da, Anbotok garatutako azterketa linguistikoko teknologia esklusiboari esker.