Aktualitatea

Maiatzak 31: Tabako Bako Eguna

Osasunaren Mundu Erakundeak emakumeei zuzendutako kanpaina berezia abiarazo dau 'Generoa eta tabakoa' lemapean. Aitatu erakundeak tabakoak gorputzean eragiten dituan kalteen barri zabaldu gura dau eta era berean, emakumeen tabako kontsumoak gora egin dauela ohartarazo. Egun munduan diran hogei miloe erretzailetik % 20 emakumeak dira.

'Zirelako gara, garelako izango dira', Patxi Uribarren sarrera berbaldia Aramaion

Ohitureak agindu legez, berak daroan domina jantzi eban aurreko euskaltzaina, Henrike Knörr, gogoan izan dau Patxi Uribarrenek: 'Bera izan dugu azken mende erdi honetan Arabako euskerearen lekukorik eta eragilerik nagusiena'. Euskerearen transmisinoari buruzko gogoetea egitea helburu ebala, euskereak Aramaion egin dauen ibilbidea jorratu dau Patxi Uribarrenek.

Euskerearen aldeko olatu erraldoia Bermeon

'Marigoran Kikunbera' lemapean, ehun mila lagun inguru izan ziran atzo Bermeon eta, horrenbestez, antolatzaileen aurreikuspen guztiak bete ziran; Agurtzane Egaña Eleizalde Ikastolako zuzendariak balorazino positiboa egin eban.

'Olaeta Balletak: Euskal balletaren laurogei urte'

Olaeta Balletaren 80 urteko historia 168 orrialdeko liburu batean batu eta argitaratu dabe Bassarai argitaletxeak eta Bizkaiko Foru Aldundiak. Euskeraz eta gaztelaniaz, liburu banatan aurkeztu dabe Alberto López Echevarrieta kazetariaren lana.

Aizpea Goenaga izango da Etxepare Institutuko zuzendaria

Etxepare Euskal Institutuaren Patronatua gaur goizean batu da eta hor jakinarazo dau Blanca Urgell Eusko Jaurlaritzako Kultura sailburuak Aizpea Goenaga izango dala erakundeko zuzendaria. Udea baino lehen martxan jarri nahi dabe euskerearen institutua.

Rockaren eta literaturearen arteko buztarketea ardatz, 'Eztabaidak Literatureagaz' ekimenaren beste hitzordu bat

'Eztabaidak Literatureagaz', jentaurreko alkarrizketearen bitartez literaturara hurreratzea proposatzen dauen Bilboko Udaleko Kultura eta Hezkuntza Sailaren ekimenak, musikearen eta literaturearen arteko topaketea jasoko dau datorren martitzenean, bagilaren 1ean, Benjamín Prado idazle eta poetearen eta Gari abeslariaren eskutik.

BPren petroleo isuriak sekulako hondamendia eragin dau Mexikoko Golkoan eta barriro be errubakoak dira kaltetuenaK: itsasoa, naturea, arrainak, gu geu...

Bizkaiko Txakolinak merezidu dauen tratu profesionala gogoan, I. Ipar Kutxa Saria sortu dabe

Bizkaiko Txakolina Jatorrizko Deiturearen Kontseilu Arauemoileak, Ipar Kutxaren babesagaz, Ipar Kutxa Saria sortzea erabagi dau, ostalaritzako sektorearentzat pizgarri izan daiten eta ostalariek merezidu dauen atentzinoagaz aurkeztu eta zerbidu daien Bizkaiko Txakolina.

Atom Rhumba taldea 'Bilbainada Supreme' lana grabetan hasiko da laster

Grabazinoaren aurretik kontzertu bakarra emongo dau Atom Rhumba taldeak eta zapatu honetan, hilaren 29an, izango da, gaueko 21:30ean Azkoitiko Matadeixen, Electric Riders talde nafarragaz batera. Bertan, disko barrira batuko dituen 10 kantuak joko ditue.

Mungiako leku-izenak batu eta aurkeztu ditu Labayru Ikastegiak

Edozein erabiltzailek, dagoan lekuan dagoala, Mungiako leku-izenai buruzko informazino idatzi nahi ahozkoa, topau eta konsultau ahal izango dau bilatzaile baten bitartez. Bilaketak Mungiako Udaleko webgunetik zein Labayru Ikastegikotik egin daitekez.

I. Iñaki Ugarteburu Lehiaketeak baditu irabazleak

Sariak osasunaren arloko ikasleei zuzenduta dagoz, eta euskerazko Wikipedian ekarpenak egin izana saritu da. Lehiaketearen deialdia zezeilean egin zan, eta, besteak beste, aurkeztutako lanen kalidadea eta originaltasuna, edukia, euskerearen erabilera zuzena, eta multimedia baliabideen aplikazinoa (bideoak, argazkiak, eta abar) balorau dira.

Asier Mendozaren 'Beste gu' lanak irabazi dau I. Mikel Zarate Lehiaketea

Banpiroei buruzko lan hau nabarmendu dau Leire Bilbaok, Julen Gabiriak eta Xabier Mendigurenek osotutako epaimahaiak, eta berak eroango dau 3.000 euroko saria. Liburua, barriz, udagoienean kaleratuko dau Elkar argitaletxeak.

EAEko 15 urteko edo gehiagoko biztanleen % 52,6 Internet erabiltzailea da

Euskal Autonomia Erkidegoko 15 urteko edo gehiagoko Internet erabiltzaileak 991.000 ziran 2010eko lehen hiruhilekoan, 2009ko datuen aldean % 4,3 gehiago, Eustaten datuen arabera.

'Getxo Sea Week' jaia bagilaren 21etik 27ra

'Getxo Sea Week' edo Itsas Jaia Udalak, hainbat alkarte, erakunde publiko eta bertoko enpresakaz, antolatu dauen ekimen turistiko barria da. Gure itsasertza protagonista izango dau eta, besteak beste, erakusketak, musika, antzezkizunak eta merkataritza eta gastronomia azokak izango dira.

Arrasaten izango da bagilaren 6an V. Mintza Eguna

Euskera alkarteek herrietako euskaltegiakaz eta euskalgintzako beste zenbait eragilegaz kudeatzen dituen mintzapraktika egitasmoetan parte hartzen daben berbalagun, mintzakide, mintzalagun, solaskide guztiek alkar ezagutu eta egunpasa ederra egiteko aukerea dabe bertan.

Bilboko Udalak uriko gazteen banden errolda bat egin eta kontzertuak emoteko zirkuitu bat antolatuko dau

Barrutirock zirkuituan parte hartu ahal izateko, Bilboko banden erroldan izena emonda egon beharko dabe taldeek. Horretarako gaurtik aurrera erabilteko moduan egongo dan ondoko webgunea erabili leikie.