Aktualitatea

NASAren argazkiak eta bideoak, doban Interneten

NASAren historian lehenengo aldiz, orain arte sekretupean egon dan materiala zabalduko dabe. Internet Archive enpreseak materiala digitalizau, artxibatu eta kudeatuko dau eta, horri esker, espazio agentziak ia-ia 40 urteetan batutako audio artxiboak, idatziak zein bideoak eskura izango ditu erabiltzaileak doban.

Gurasoentzako, ostalaritzako langileentzako eta etorkinentzako euskera eskolak Bermeon

Ikastalde berezien bitartez, euskerearen transmisinoan edota erabileran zerikusi handia daben hainbat giza-esparrutako eragileakana heldu gura da eta euskerea ikasteko prozesuan erraztasunak emon.

Veneziako Mostra, munduko zinema-jaialdirik zaharrena martxan

Aurten, ohorezko Urrezko Lehoi bi emongo ditu Mostrak, bata Tim Burton estadubatuarrari eta bestea Bernardo Bertolucci italiarrari. Gainera, Quentin Tarantinori atzera begirako bat eskainiko deutse.

Ken Zazpi taldea irailean hasiko da disko barria grabetan eta zemendian kaleratuko da

Ken Zazpi talde bizkaitarraren disko barria zemendiaren 10etik aurrera izango da musika-dendatan. Diskoa Oihuka diskoetxeak kaleratuko dau, eta irailaren 3an Donostiako Elkar estudioan sartuko dira grabetan. Urrian, barriz, Los Angelesera joango dira diskoa nahastau eta masterizetako.

Azken urteotako mahats-batzerik eskasena Frantzian

Adituek dinoe, 2003koa kenduta, XIX. menderaino joan beharko geunkela uzta hain goiztiarra ezagutzeko, eta aurreratze honek produkzinoa % 6 gitxiago izatea be ekarriko dauela aurreikusi dabe.

Kontseiluak dino euskal museoetan hizkuntz-eskubideak ez dirala guztiz bermatzen

Euskerearen Gizarte Erakundeen Kontseiluak Euskadi, Nafarroa eta iparraldeko museoetan euskereak daukan egoerea aztertu dau udan eta hizkuntz-eskubideak ez dirala guztiz bermatzen ondorioztatu dau. Zerbitzu egonkorretan euskera maila ona da eta arazoak ahozko zerbitzuetan agertzen dira.

Zortzi film laburrek osotuko dabe Donostiako Zinemaldian aurkeztuko dan Kimuak 2007 katalogoa

Kimuak 2007 programara 43 film labur aurkeztu ditue aurten eta, aukeraketa prozesu gatx baten ostean, zortzi dira aukeratuak. Kontuak kontu, aukeratutako lanen artean komediak, animazinozko lanak, dramak edota westernak dagoz.

Bruce Springsteen Bilbon, zemendiaren 26an

Springsteenen kontzertua Barakaldoko BECen izango da eta bertan ‘Magic’ disko barriko kantuak aurkeztuko ditu 58 urteko New Jerseyko musikariak.

BBK Fundazinoak eta Bilboko Arte Eder Museoak bekak emoteko lehiaketea deitu dabe

BBK Fundazinoak eta Bilboko Arte Eder Museoak arteari buruzko ikerketea egiteko bekak emoteko lehiaketea deitu dabe gaur. Museoaren mendeurrenaren ospakizuna dala eta, laguntzak hileko 1.000 eurokoak izango dira eta museoak gordeten dituan artelanei eta honeen egileei buruzko ikerkuntzea izango dabe helburu.

‘Txapelketak’ berbagai, Infernuko Poza. Trikitixaren V. Jardunaldiak

Txapelketan iragana, oraina eta geroa aztertu nahi da jardunaldiotan. Zer emon edo zer kendu ete deutso txapelketeak trikitixeari edo beste edozein generori? Trikitixeak bere berezitasunak izanda zertarako balio leike txapelketeak? Zein onura ditu? Zein arrisku?

Folk Getxo’07. XXIII. Nazinoarteko Folk Jaialdia

Aurtengo egitarauan, Karidadeko Benta taldearen agurra nabarmendu daiteke. Sei urteko ibilbidean hiru disko argitaratu ostean, Jon Maia buru dauen taldeak irailaren 5ean agur esango deusku. Kontzertua, Erromoko Santa Eugenia plazan izango da, 19:00etan hasita.

‘Oskorri Banda Band’ CD barriaren aurkezpena Catalunyan

Oskorrik bere ‘Oskorri Banda Band’ disko barria Frantzian, Italian, Galizian, Murtzian eta Euskal Herriko hainbat lekutan aurkeztu ondoren, Catalunyan gauza bera egiteko aukerea izango dau aste honetan.

Francisco Umbral idazle eta kazetaria hil da

Francisco Umbral idazle eta kazetari espainiarra hil da goizaldean, Madrilgo Monteprincipe (Boadilla del Monte) klinikan, 72 urte zituala.

2008ko Herri Urratserako logo lehiaketea abian

Datorren urteko maiatzaren 11n izango da 25. aldikotz Herri Urrats, Seaskako ikastolen festa, eta preparazino aldian, antolatzaileek publikoarengana jo dabe euren parte hartzea eskatzeko.

Txakurra txakur baina gizakiok be badogu zer ikasi

Udalak Bilboko Aste Nagusiaren balantze baikorra egin dau eguraldi txarra izan arren

Bilboko Udalak, haizea eta euria egin arren, jaien balantze baikorra egin dau gaur, bilbotarrek eguraldi txarrari arpegi ona erakutsi deutsela adierazoz eta Aste Nagusia estaduko jazoera kultural garrantzitsuenetakoa dala gehituz.

Irailaren 20tik 29ra 15 herrialdeetako 19 film lehiatuko dira Donostiako Zinemaldian

David Cronenberg, John Sayles, Wayne Wang, Nick Broomfield edo Manuel Poirier zuzendari ezagunek euren lanak erakutsiko ditue Donostiako Zinemaldian.

Erotikugao.com, e-mail erotikoen lehiaketea

Erotikugao e-mail txapelketea teknologia barrien erabilerea bultzatzeko, Sarean gazteen esku-hartzea bultzatzeko eta e-maila komuniketako eratzat sustatzeko antolatu dabe.

REM taldearen zuzeneko lehen diskoa urrian kalean

Zuzeneko lehen diskoa atarako dau REM talde estadubatuarrak urriaren 16an. REM Live izeneko lanak CD bikotxa eta DVD bat batuko ditu. 2005ean egin eben munduko birearen barruan Dublinen eskainitako kontzertua jasoko dau DVDak.