Aktualitatea

Badator IX. FIOP-PNZJ Portugaleteko Nazinoarteko Zortzikote Jaialdia

Gaur, zemendiak 19, hasi eta datorren domekan amaituko da Portugaleteko IX. Nazinoarteko Zortzikote Jaialdia bertoko zein kanpoko taldeakaz.

Jaularitzeak 702.000 eurogaz lagundu dau Kepa Junkeraren 'Etxea' proiektua

Euskal musikea barritzea eta kanpora zabaltzea eta interkulturalidadea bultzatzea helburu dauen Kepa Junkera musikariak aurkeztutako egitasmoari babesa emotea erabagi dau Jaurlaritzeak. 'Junkerak euskal musikea buztartuko dau kontinenteen arteko bidaian, beste musika eta musikariakaz, sorkuntzea bultzatuz eta kultura, gizarte eta personen arteko hartu-emonak sustatuz'.

Buber sarietan parte hartzeko epea zabalik dago

Abenduaren 3ra bitartean emon daiteke izena Internet&Euskadi alkarteak euskal webgunerik onenentzako Buber Sarien seigarren edizinoan. Edozein norbanako, enpresa edo erakunderen webgunea aurkez daiteke.

Elikatze eta nutrizino programa komunitarioakaz udalerri inplikatuena izateagaitik saritu dabe Bilbo

Bilboko Udaleko Osasun eta Kontsumo Saileko Elikatze Komunitarioaren Unitateko profesionalen lanari emondako saria izan dala nabarmendu dabe Udal bilbotarretik, bai eta 'ikastetxe, Bilboko jantoki sozial zein hirugarren adinerako zentroetan egindako lanari' emondakoa be.

Markettroops, erosteko modu barri bat, saltzeko modu barri bat

Markettroops behar bardinak dituen erosleak topetako eta fabrikatzaile, saltzaile eta banatzaileakanako negoziazino bateratua egiteko plataformea da. Markettroops-ek merkatu kanal barritzaile, erabilgarri eta erraza eskaintzen dau.

Bilboko San Frantzizkoko liburutegiak 60 herrialdetako 180 egunkari eskainiko ditu

Programa hau Eusko Jaurlaritza, Bilboko Udala eta beste erakunde batzuen arteko lankidetzaz bultzatutako 'Kulturaniztasuna eta liburutegiak' proiektuaren barruan gauzatu da Kulturearen Euskal Planari jarraituz, etorkinen gizarteratzea sustatzeko asmoz.

EiTBk eta EHUk 'Der Kaiser von Atlantis' operea eskainiko dabe

Euskaltelen eta Innobasqueren babesagaz, Viktor Ullmannen 'Der Kaiser von Atlantis' (Atlantidaren enperadorea) operea Euskadi Irratiak antolatutako 'Sormenaren gaua' ekitaldiaren bigarren edizinoan eskainiko da zemendiaren 20an, eguena, 19:00etan eta 22:00etan EiTBren egoitzan, Bilbon. Sarrerak eitbinfo@eitb.com helbidera mezu bat bialduta lor daitekez, doban.

Denporaldiko onddoen salteatua

Kaixo lagunok, bolada batean Beñat Ormaetxeak Bizkaie! agerkarian egiten eban beharrari eutsiz, Jauregibarria Jatetxean haren lankide Fran Vazquez nozue eta aurrerantzean lapiko artean ibiliko gara, gustoko badozue.

Horrenbeste kopla barik, kozinan sartu eta udagoienean bete-betean gagozanez, denporaldiko produktu bat erabiliko dogu, onddoa, hain zuzen be. Errezetea sano erraza da preparetan eta segurutik lagun edo senitartekoei ezusteko atsegina emongo deutsazue.

Euskal Plataforma Eszenikoa eta euskal editoreen bi alkarteak Mexikora Eusko Jaurlaritzearen eskutik

Eusko Jaurlaritzako Kultura Sailaren eskutik, Euskal Plataforma Eszenikoak lau proposamen eskainiko ditu Mexiko Uriko Arte Eszenikoen III. Erakusketan, eta euskal editoreak (Euskal Editoreen Alkartea eta Euskadiko Editoreen Alkartea) stand bateratua konpartiduko dabe Guadalajarako (Mexiko) Nazinoarteko Liburu Azokan

Kimuak proiektuko lau film laburrek sariak irabazi ditue Alcala de Henaresko Zinema Jaialdian

David Gonzalezen 'El tiempo prestado' filmak Ciudad de Alcala saria irabazi dau, jaialdi horretako garrantzitsuena; Xabier Erkiziaren 'Berbaoc' lanak, barriz, soinu onenaren saria eroan dau; 'On the Line' filmak (Raul Lopez) muntaia onenari jagokon saria jaso dau eta 'Yo solo miro' film laburreko protagonista dan Susi Sanchez emakumezko aktore onena aukeratu dabe.

Gernika-Lumoko Segundo Olaeta Musika Eskoleak hamar ikastaro berezi eskainiko ditu

Musika animazinoa, gitarra akonpainamentua, perkusinoa ume eta nagusientzako, panderoa, txalapartearen hasiera ikastaroa, ahots teknikak, ume antzerkia, gaitea eta batukadearen ganekoak izango dira ikastaroak.

Bizkaiko Foru Aldundiak eta Deustu Fundazinoak enpresa barrien mintegia inaugurau dabe Deustuko Unibersidadean

Ekimen hau sortu eta martxan jartea Deustu Fundazinoa eta Bizkaiko Foru Aldundia eta BEAZ bere alkarte publikoa bat egitearen ondorioz sortu da, esparru akademikoan sortutako proiektuei enpresa azpiegiturea emoteko eta Bizkaiko barrikuntza sistemea sustatzeko, unibersidadearen eta enpresaren arteko lankidetzea hobetuz.

EHU bere hezkuntza-eskaintza aurkezten hasi da

Euskal Herriko Unibersidadeak bere hezkuntza-eskaintza aurkezteko informazino-saioak eskainiko ditu zemendian eta abenduan zehar, Euskal Autonomia Erkidegoko hainbat eskualdetan, eta Araban hasiko dau bere ibilbidea, gaur, zemendiak 17, Gasteizen.

Resurreccion Maria Azkue Literatur sarien edizino barria honezkero martxan dago

Euskaltzaindiak eta Bilbao Bizkaia Kutxak Narrazioak eta olerkiak 2007 izeneko liburua kaleratu dabe, igazko Azkue sarietan irabazle izandako narrazinoak eta olerkiak batzen dituan lana. Eta, bide batez, aurtengo sariketarako deialdia egin dabe.

Amets Arzallusentzat Iparraldeko txapela

Ipar Euskal Herriko lehenengo Bertsulari Xapelketaren finala Donibane-Lohizuneko Jai-Alai frontoian jokatu da astegoienean 1500 bat bertsozaleren aurrean.

Jabier Muguruza saritu dabe Vila-Secako Musika Azokan

Saria nori emon Kataluniako Musikaren Etxeetako arduradunek erabagi dabe, eta Jabier Muguruzak aukerea izango dau, horri esker, kontzertu bana emoteko momentuz aitatu sarea osotzen daben bost etxeetan, hau da, Terrassa, Mataro, Salt, L'Hospitalet eta Manresa urietan.

'Gau ilunekoak', Joseba Sarrionaindiaren lan barria plazan

Fikzinozko lana da 'Gau ilunekoak'. Ipuin bat, berbearen zentzu guztietan. Narrazino fantastiko moduan irakur daiteke, besterik barik; umeentzako kontakizun entretenigarri eta jostalaria be izan daiteke, holan hartu gura izan ezkero; alegoria filosofikotzat be har leiteke, interpretazino asko izan leikezana, hainbat alorretara zabalik: erlijiosoa, politikoa...