Aktualitatea

Ura eta sua belaunen azpitik esaten da baina haize boladakaz be kontuz...

Luis Berrizbeitiak irabazi dau XXII. Jokin Zaitegi Itzulpen Sariketea

'Désert' (Basamortua), Afrika iparraldeko kultura galduen handitasuna eta Europara ailegautako etorkinen noraeza erakusten dituan obrea itzuli beharko dau aurtengo Durangoko Azokan aurkezteko. Horretarako, 7.500 euroko saria jaso dau.

Eusko Jaurlaritzeak eta IMQ-k 'BAT Basque Team' ekimeneko 52 euskal kirolariak omenduko ditue

Eusko Jaurlaritzako Kultura Sailak eta Institutu Mediko Kirurgikoak (IMQ) omenaldia egingo deutse gaur arratsaldean 'BAT, Basque Team' ekimenaren barruko 52 euskal kirolariei, Bilbon. BAT ekimenaren helburua da eliteko kirolaren praktikea sustatzea.

Gaur, hilak 26, amaituko da AC/DCren kontzerturako 70 gonbidapenen zozketan izena emoteko epea

Zozketan sartzeko izen-emotea www.bizkaia.net webgunean egin behar da eta, esandako moduan, izena emoteko epea 2009ko urtarrilaren 26ra arte egongo da zabalik, eguerdiko 14:00ak arte.

Bartzelonako Euskal Etxeak Jorge Oteizaren jaiotzearen 101. urteurrena ospatuko dau

Bartzelonako Euskal Etxeak Jorge Oteizaren jaiotzearen 101. urteurrena ospatuko dau 'Oteiza 101' ekitaldi-zikloagaz. Zikloak hiru atal izango ditu, bakotxa astebetekoa, bata neguan, bestea udabarrian eta azkena udagoienean, zentro bartzelonarreko arduradunek jakinarazi dabenez.

Maiatzean egingo da Azkena Rock jaialdiaren hurrengo edizinoa

2002an lehenengo edizinoa antolatu zanetik, Gasteizen urtero egiten dan Azkena Rock Festival jaialdia inoiz baino lehenago egingo da aurten, antolatzaileek irailetik maiatzera aurreratzea erabagi dabelako.

Euskerazko zortzi lan aurkeztu dira XVII. Edebe Haur eta Gazte Literaturako sarietara

Danetara, 402 obra aurkeztu dira Edebe Haur eta Gazte Literaturako sarien 17. edizinora, igaz jasotakoaren bikotxa, eta horreetatik zortzi euskerazkoak dira. Lan irabazleen barri urtarrilaren 28an emongo da, Bartzelonan.

Euskadiko Ikus-entzunezkoen Klusterrak EikenBANK Internet bidezko proiektuen lehiaketea antolatu dau

Eiken Euskadiko Ikus-entzunezkoen Klusterrak EikenBANK Internet bidezko proiektuen lehiaketaren bigarren edizinoa jarri dau martxan. Eikenen proiekturik barritzaileenetako bat da, eta sortzaile gazteen talentu ez-profesionala Euskadiko ikus-entzunezkoen sektoreko enpresakaz zuzenean hartu-emonetan jartzea da bere helburu nagusia.

Hutsik geratu da aurtengo Agustin Zubikarai saria

Hutsik geratu da aurten Ondarroako Udalak eta Elkar argitaletxeak antolatzen daben Agustin Zubikarai nobela laburrentzako lehiaketea, aurkeztu diran lanek saria irabazteko kalidaderik ez ebela erabagi baitau epaimahaiak.

Getxoko Udalak hezkuntza elebidunaren aldeko hainbat ekimen egingo ditu datozan egunotan

Aurten zezeilaren 2tik 13ra bitartean izango dan ikastetxeetako aurrematrikulazino kanpainari begira, Udal getxoztarrak 'Ume elebidunen gurasoentzako eskuliburua' bialduko dau 2 eta 3 urte arteko umeen etxeetara. Elebakartasunaren aldean, elebitasunaren abantailak azaltzen ditu gideak, euskeraz eta gaztelaniaz.

Euskal prentsa eta euskalkiei buruzkoak dira 'Euskerea Mintzagai' liburu bildumearen bi ale barriak

'Euskerea Mintzagai' bildumeak euskerea dau mintzagai eta aztergai, eta helburu hori dauka bildumeak, hau da, euskerearen azken mendeetako bilakaera historikoa aztertu eta modu dibulgatiboan eskaintzea.

'Joan etorrian', Bertso Eguna 2009

Publikoak sormen prozesua baldintzatzen dau, estimuluak edo mugak jar leikez. Hori jakinda, bertsolaritzearen joan-etorrian (feed-back terminoa) bihurritu bat emon nahi izan da aurtengo Bertso Egunean. Joan-etorria biderkatzeko, publikoa izango da abiapuntua.

Ardao konsumoaren etorkizuna

Ardaoaren salmentei jagokenean, oro har, aurreikuspen baikorrak egiten dira, nahiz eta mehatxu batzuk egon badagozan, besteak beste, Europa Mendebaldeko gobernuak alkoholaren kontra hartzen ari diran neurriak, batez be, Frantzia eta Erresuma Batuan.

Oesiak eta Deustuko Unibersidadeak IKTen Jardunbide Egokien Katedra abiarazo dabe

Oesiak, espainiar merkatuko aholkularitza teknologikoko lehenengoetariko multinazionalak, IKTen Jardunbide Egokien lehenengo Katedra jarri dau martxan Deustuko Unibersidadeko ESIDE, Injinerutza Fakultadean, Espainian eratzen dan lehenengoa.

Garagarrilaren 26an etorriko da Springsteen Bilbora

www. rockol. it webgune italiarrak baieztu dau albistea: Bruce Springsteen garagarrilaren 26an etorriko da Bilbora. Get In, kontzertuaren enpresa sustatzaileak ez dau zehaztu ekitaldia non izango dan, baina leitekeana da San Mamesen izatea. 'Working On A dream' bere azken lana aurkeztuko deutse zaleei Springsteenek.

Tomas Salazar, Ercilla Hoteleko atezaina eta Las Fellini izango dira farolin eta Zarambolas 2009ko Aratusteetan

Farolin esparru publiko edo profesionalean izena lortu dauen bilbotarra da eta Zarambolas, barriz, gibelandi bat, Bilboko uritar tipikoa, ezerk edo inork bizitza aldatuko ez deutsona.