Aktualitatea

Errealidadea eta fikzinoa buztartu ditu Kirmen Uribek bere lehenengo nobelan

Loiun abiatu eta New Yorkeko JFK aireportura heltzen dan hegazkin-bidaia kontetan dau Kirmen Uribek 'Bilbao-New York-Bilbao' nobelan (Elkar). Idazle ondarrutarrak idazten dauen lehenengo nobelea da, 'aldatzeko sasoia be badalako'. Halanda be, bildur apur bat be izan dauela autortu dau, 'itzelezko presinoa dalako, mailea emotearen presinoa'.

Bilboko Artelan Berreginen Museoa berredegitearen II. urteurrena ospatzen dago ate edegietako jardunaldiagaz

Azken hamabi hileotan, Bilboko Artelan Berreginen Museoak 8.000 bisitari baino gehiago erakarri ditu, eta ekintza desbardinen eszenatokia izan da, baita auzoko bizitza sozio-kulturalaren dinamizatzailea be.

Iruzurra ukatu eta lintxamendu mediatikoa salatu dau Eliseo Gil arkeologoak

Bere burua eta bere lan-taldearena be defendiduteko prest agertu da Gil komunikabideen aurreko agerraldian. Izan be, 'lintxamendu mediatikoa' salatu eban aztarnategiko zuzendari ohiak eta ezinbestean neurri administratibo eta legalak hartuko dituala esan eban, erantzukizun politikoak eskatzeagaz bat.

'Bertsoak 2008', bertso onenen antologia digitala plazan

www.bertsoa.com bertso plazak aurten batutako bertso onenen antologia argitaratu dau Lankugaz batera, 'Bertsoak 2008' izenburupean. Bi DVD bikotxetan, 40 bertsolariren 210 ale batzen ditu lan barriak eta horretarako, 100 ekitaldi baino gehiagotan grabautako materiala erabili dau webguneak.

Jose Antonio Ramirezek eta Fertxu Izquierdok irabazi dabe Poesiako I. Bilbo Hiria-Blas de Otero Saria

Poesiako I. Bilbo Hiria-Blas de Otero Sariak baditu irabazleak: Extremadurako Jose Antonio Ramirez eta Nafarroako Fertxu Izquierdo izan dira irabazleak. Saritutako obren kalidadea ez eze, parte hartze ona eta era askotarikoa be azpimarratu ditu epaimahaiak. Lehiaketara 150 obra aurkeztu dira.

Munduko kultura-errealidadeak aztergai Bilbon

Egindako bidea besteakaz konpartiduteko asmoz, Kulturearen Euskal Behatokiak Nazinoarteko Kultura Behatokien II. Lan-jardunaldiak antolatu ditu zemendiaren 24an eta 25ean Bilboko Euskalduna Jauregian. Bertan izango Quebec, Frantzia, Piamonte, Katalunia, Galizia eta Euskadiko behatokietako ordezkariak.

Sareblog, euskerazko lehen blog sare komertziala abian

Sareblog Asier Lozano eta Borja Bonillaren ekinbidez sortutako enpresea da. Euskeraz sortu dan lehenengo blog-sare komertzialak egunotan hasi dau ibilbidea hiru blogakaz: Musikazale, Kiroldegi eta Ondopasa.

Gero eta hurrago Durangoko 43. Euskal Liburu eta Disko Azokea

Aurten, lau egun izango dira euskal kulturaz gozetako eta danetara, 504 nobedade izango dira Durangoko 43. Euskal Liburu eta Disko Azokan, liburuak 345, diskoak 64, aldizkariak 15, bideoak 15, CD-ROMak 15 eta bestelakoak 50. Azokearen ordutegia, goizeko 10:30etatik 20:00etara izango da.

Munduko leku askotako 250 jaiotzatik gora ikusgai Bilboko Eleiz Museoan

Bilboko Eleiz Museoak datorren zapatuan, zemendiak 22, abiarazoko dau 'Munduko Jaiotzak' erakusketearen laugarren ekitaldia. Erakusketea museoaren klaustroan dago eta urtarrilaren 11ra arte egongo da zabalik.

Iruña-Veleiako aurkikuntzak euskarri zientifiko barik gelditu dira

Ikuspegi arkeologiko, epigráfiko, filologiko eta hizkuntza arlokoek erakutsi dabenez, faltsuak dira aztarnategian topautako grafitoak eta, horrezaz ganera, Lurmen enpresa kudeatzailearen zenbait jarduera halamodukoak izan dirala ikusi da.

Ezagutzen ez dozunagaz zuhur jokatu!

Oskorrik Madrileko Udal Musika Bandeagaz joko dau abenduaren 2an

Kontzertua 2008ko abenduaren 2an izango da Madrileko Teatro Monumental aretoan. Kontzertuaren nondik norakoak Madrilen aurkeztuko ditue, zemendiaren 25ean, komunikabideen aurrean.

Bilboko Udalak eta Bilbao Dendak alkarteak merkataritzan euskerearen erabilerea sustatzeko kanpainea abiarazo dabe

Euskerearen erabilerea normalizetako prozesua uriko merkataritzan bultzatzea helburu dauen 'Biribilko' proiektuaren barruan dago kanpainea, eskaintzaren eta eskariaren arteko merkataritza komunikazinoan euskerea presente egon daiten saiatuz. Siadeco enpresea arduratu da proiektuaren diseinuaz eta garapen teknikoaz.

Elhuyar Fundazinoak 'Armix Ilargian Galduta' plataformako bideo-joko didaktikoa argitaratu dau

Elhuyar Fundazinotik adierazo dabenez, joko barriaren demoa www.elhuyar.org/armix2 webgunean dago. Horrezaz gan, webgune horretan, jokoari buruzko irudiak eta bideo bat be badagoz.

Bilboko Itsasadarra Itsas Museoak bosgarren urteurrena ospatzeko ekitaldi bereziak preparau ditu

Museoak Nabigatzailearen Eguna antolatu dau zapatu honetarako, zemendiak 22, eta egun horretan museoaren ateak zabalik izango dira. Ganera, ekitaldi ugari antolatu dira egun osorako, besteak beste, itsasadarrean gora ibilaldia ontzian, museoraino bertaraino.

'Lo breve si breve (cuentos sobre películas cortas)' literaturearen omenaldia Zinebiri

Juan Basek hamabi autoreen ipuinak batu ditu liburuan. Liburuaren sarreran azaltzen dauenez, 'formatu laburrean ipuinen eta film laburren arteko paralelismoa argia da'. Liburuaren izena 'Lo breve si breve (cuentos sobre películas cortas)', Alberdania argitaletxeak argitaratu dau, Zinebiren babesagaz.

Zinebik Zinemaldiaren 50 urte batzen dituan liburua eta Bilbon filmautako pelikulen zikloa aurkeztu ditu

Bilboko zinemaldiak bizi izan dauen historia batzen dauen liburua argitaratu dau Zinebik. Zine munduan eta Bilboko zinemaldian eskarmentu handiko Alberto López Echevarrieta kazetariaren lana da 'Zinebi 50: Historia del Festival Internacional de Cine Documental y Cortometraje de Bilbao' izeneko liburua.