Aktualitatea

'Bidaiarien Txokoak' IV. Bidaia Postalen Lehiaketea abiarazo dau

Igaz 37 postal jaso ziran -28 gazteleraz eta 9 euskeraz- eta epaimahaiak euren konposaketako izaera bidaiaria kontuan hartu eban. Postal gehienak programa honen jarduera gehienak antolatzen diran 4. barrutiko (Santutxu) bizilagunenak ziran, Bilbokoak, baina Bizkaitik, Gipuzkoatik eta Madriletik bialdutakoak be izan ziran.

Arte garaikidearen eta narrazinoaren arteko buztarketea aztergai Guggenheim museoan

Guggenheim Bilbao Museoak eta Euskal Herriko Unibersidadeko (EHU) Arte Eder Fakultadeak 'Artea eta sormena III: narrazinoak arte garaikidean' udako eskainiko dabe museoan bertan eguenean eta barikuan, 2007an sinatu eben lankidetza hitzarmenaren arabera, museoko iturriek jakinarazo dabenez.

Perretxiko nahaskia

Perretxiko nahaskia lako plazerrik ez dago. Oraingoan perretxikoetan erregea erabiliko dogu baina beste edozein mota erabilita be errezeta gozo-gozoa preparauko dozue.

Euskal Herriko Bilgune Feministeak jai herrikoi eta parekideen aldeko udako kanpainea abiarazo dau

Kanpainearen helburu nagusiak emakumeok jaietan eta horreen antolakuntzan parte-hartzea bermatua izatea eta jaietan zehar ugaritzen diran eraso sexistakaz amaitzea dira. 'Helburuak lortzeko markau dan bidea, barriz, jai batzordeak eta jaiak antolatzen dabilzan eragileak bidelagun hartuta egiten dogu ezinbestean', azaldu dabe Bilgune Feministako arduradunek.

Unesco Etxeak eta Euskaltzaindiak lankidetza-hitzarmena sinatu dabe

Hitzarmen horren helburuak dira euskerea, euskal kulturea eta, oro har, munduko hizkuntza-ondarearen egoerea ikertu, irakatsi eta zabaltzeko ekimenak gauzatzea. Unesco Etxearen izenean Ruper Ormaza presidenteak sinatu dau eta, Euskaltzaindiarenean, Andres Urrutia euskaltzainburuak.

Baserri bizia.info egunkari digitala Sarean

Baserri bizia.info egunkariak bost atal nagusi ditu: multimedia (bideoak, audioak eta agiriak), Eretxia (nekazarien eta herritarren ahotsa), Alkarrizketak, Nekazaritza (Euskal Herria eta mundua) eta Gizartea (Kontsumoa, Ingurumena eta ekonomia). Azken bi atalotan, hiru arlotan banatuko dira barriak; informazinoa, ekinbideak eta mobilizazinoa.

Euririk egingo ete dau?

Hyds izeneko enpresa katalan batek hurrengo 20-30 minutuetan euria egingo ete dauen iragarteko sistemea aurkeztu dau. Informazino-iturria eguraldiaren egoerea da, hau da, tenperaturea, presinoa, airearen hezetasun horrelakoak. Datu horreekaz, eurek garatutako programa informatikoak euririk egingo dauen ala ez iragarriko deusku.

Miguel Rios, La Oreja de Van Gogh, Gatibu eta beste hainbat taldek girotuko dabe aurtengo Bilboko Aste Nagusia

La Oreja de Van Gogh, Raphael, We are Standard, Fangoria, The Waterboys, Miguel Rios Rosanagaz, Ska-P, Zarama, The Cherry Boopers, La Excepción, Despistaos, Los Secretos eta Gatibu dira, beste batzuen artean, aurtengo Aste Nagusian joko daben taldeak.

Manu Chao eta Radio Bemba Euskal Herria Zuzenean Jaialdian aurten

Manu Chaoren 'Tombolatour' mundu birearen barruan, Heletan egingo dau geldialdia garagarrilaren 3an. Gainera, Emir Kusturica zinegile eta musikariagaz kanturen bat abestea be leitekeana da, izan be, antolatzaileek zabaldu dabenez, Kusturicaren azken filman Manu Chaorena da soinu bandako musikea.

Petroleo Rock'09 Jaialdiaren eta Euskadiko Soinuak programako musika alkarte profesionalen arteko lankidetzea

'Petróleo Rock - Euskadiko Soinuak' Gaua garagarrilaren 31n egingo da Miranda de Ebroko alde zaharreko futbol zelaian. Joko daben 12 taldeak honakoak dira: Berri Txarrak, Une, Gatibu, A kal y kanto (Miranda de Ebro), Stupenda Jones, Hesian, Txapelpunk, Betagarri, Txarrena, Koma, Ekon, Des-Kontrol eta Etsaiak.

Ekologia izango da gaur, hilak 22, abiatu diran BBKren udalekuetako ardatzetako bat

Igazko edizinotik, udalekuetan parte hartzen daben 4.000 neska-mutilen senideek eguneroko jardueren jarraipena egin leikie BBK-k abian jarritako blogaren bitartez. Bertan, begiraleek eguneko nondik norakoen barri emoten dabe, eta neska-mutilen argazkiak jarten ditue.

Ona dagoanean, aprobetxatu, nahikoa uda eskasa ei dator eta...

Alex de la Iglesia bilbotarra Zine Akademiako zuzendari aukeratu dabe

Alex de la Iglesiak, 'Los Crímenes de Oxford' eta 'Crimen Ferpecto' lako filmen egileak, Zinemaren lege barria egiteko desafioa dauka (orain urte eta erdi baino gehiago onartu eben), espainiar zinegintzearen irudia hobetzeko ardurea eta, horrezaz gan, akademiatik alde egin eben hainbat partaide (berbarako, Pedro Almodovar eta Jose Luis Garci) barriro erakartea izango dau helburu.