Aktualitatea

Bilboko Udalak lokal bat laga deutso Eusko Ikaskuntzari

Eusko Ikaskuntzak Bizkaiko egoitza barria izango dau Isozaki torreetan, Bilboko Udalagaz sinatu dauen lagapen-hitzarmenari esker. Epeak irauten dauen bitartean -hamar urte-, lokala Eusko Ikaskuntzaren Bizkaiko egoitza legez baino ezin izango da erabili.

Gernikako Urriko Azken Astelehenak 298 postu izango ditu aurten

Danetara, 298 postu izango dira Gernika-Lumon datorren urriaren 26ko Urriko Azken Asteleheneko azokan, eta azken urteetako jokereari jarraituz, artisauak izango dira salmenta postu gehien okupauko dituenak, 42 tokigaz. Era berean, gaztaia izango da presentzia handiena izango dauen produktua, guztira 61 produktore izango baitira.

Omenaldia egingo deutso Getxok Jose Martin Elizondo antzerkigileari

Getxoko XXVII. Antzerki Jardunaldiak dirala eta, zapatuan, urriak 24, omenaldia egingo jako aurtengo zezeilean hildako José Martín Elizondo antzerkigileari. Hitzordua Areetako Andrés Isasi Musika Eskolan izango da, 20:00etatik aurrera.

'Boludezimak', dezima argentinarren inguruko ikastaroa Algortan

Euskal Herriko Bertsolari Txapelketa Nagusiak atseden-astea dauela aprobetxauta, Algortako Bertsolari Eskoleak dezima (Iberoamerikako inprobisazinoaren estrofa nagusia) hurretik ezagutzeko ikastaroa antolatu dau bere egoitzan urriaren 27ko iluntzerako. Azalpenak Wilson Saliwonczyk payadore argentinarrak emongo ditu, gaztelaniaz.

Joseba Gotzonek lau kontzertu emongo ditu Argentinan

Joseba Gotzonek Argentinara egingo dauen laugarren biran lau kontzertu eskainiko ditu: lehenengoa, urriaren 23an, Paranáko '3 de febrero' antzokian; 24an, San Nicolás de los Arroyos-eko Aguiar Udal Antzokian; 27an, Buenos Aireseko Lounge Klubean eta, azken buruan, hilaren 28an, La Platako Las Malvinas Kultur Zentroan birea amaitutzat emongo dau.

Ebook, etorkizuneko liburua izango ete da?

Oraintsu amaitu da munduko liburu azokarik handiena eta garrantzitsuena, Frankfurtekoa (Alemania). Azokan egon diran mundu guztiko argitaletxeen artean inkesta bat egin da, etorkizunari begira ia zelako eretxiak daukiezan 'ebook'-en ganean. Inkesta horretan egindako galderak gehi beste hainbeste ekarri doguz gurera.

Badatoz Getxoko zinema zikloak

Zinea urtebete egon da Getxoko kultura egitarautik kanpo, Getxo Antzoki barria eregiteko lanakaitik, eta aurten proiekzinoak bueltan dira, oraingo honetan Areetako Andrés Isasi Musika Eskolan. 2009-2010 zinema denporaldia barikuan, urriaren 23an, hasiko da Clint Eastwooden 'Gran Torino' filmagaz.

Zertarako balio dau ordutegi-aldaketeak, lurtarrak zoratuarazoteko baino ez bada?

Bilboko Artelan Berreginen Museoak hezkuntza-egitasmo bat jarri dau abian

Egitasmoa 2009-2010 ikasturterako Bilboko Artelan Berreginen Museoaren eta Arte Eder Museoaren, Inmaculada Hijas de Jesús ikastetxearen eta Miguel de Unamuno Institutuaren arteko alkarlanerako programa pilotu legez sortu arren, museoaren arduradunen asmoa ekimen barritzaile hau hurrengo urteetan nahi daben ikastetxe guztietara zabaltzea da.

'Musika Klasikoaren Saioak' Deustun

'Musika Klasikoaren Saioak' zikloa bihar eguena, hilak 22, hasiko da Impromptu taldearen eskutik Chopin konposatzaileri zuzendutako kontzertu didaktiko bategaz. Kontzertuak dobanekoak izango dira arratsaldeko 19:30ean Deustuko udal zentruan (Bidarte Jauregia).

Laudion jakingo dogu finalaurrekoetan kantauko daben 17 bertsolariak nortzuk izango diran

Laudioko Lamuza Granja Kiroldegian 1100 lagunentzako lekua egongo da eta momentuz 550 sarrera saldu dira. Intenet bidez www.bertsosarrerak.eu atarian eguen (urriak 22) gauerdia bitartean erosi ahal izango dira Laudioko saiorako sarrerak eta egunean bertan Kiroldegiko leihatilan jarriko dira salgai arratsaldeko 16:00etatik aurrera.

Philippe Starck sortzaile frantsesak AlhondigaBilbao zentroko lanak bisitau ditu

AlhondigaBilbao zentroak 2010eko lehenengo seihilekoan zabalduko ditu ateak. Ordutik aurrera, bilbotarrek zerbitzu publiko barriak erabili ahal izango ditue, mediatekan, jarduera fisikorako zentroan, ugerlekuan, zine-aretoetan, erakusketa aretoetan edo auditoriumean egingo diran jardueretan parte hartuz.

Bilboargazki, argazkigintzearen artea ikusgai Bilbon

Zazpi argazki erakusketa, estilo eta gai desbardinetakoak, izango dira ikusgai Bilboko erakusketa-aretoetan abenduaren erdialdera arte Bilboargazki edizino barriari esker.

Zaharrak barri Durangon Gerediagaren eskutik

Aurtengo hitzaldi zikloan, 1609. urteko abuztuaren 14an, Durango Uriko udaletxean udalbatzarra lehen aldiz batu zaneko 400. urteurrena gogoratu nahi da. Hori dala eta, berbaldiak, Durangoko udaletxeko Batzar Areto Nagusian izango dira arratsaldeko 19:30ean hasita.

Jazza, bluesa eta musika baltza Deba bailarako herrietan

Hasiera-hasieratik proiektu honen indarra kalidadezko musika jarduerak Deba bailarako herrietara eroatea izan da, beti be arreta berezia bertoko musikariei eskainiz eta kanpotik proposamen bereziak eskainiz, beharra birtute bihurtzearren. 2009an seigarren aldiz egingo da ekitaldia Errabal izenpean.