Aktualitatea

Urtarrilean, patatak jan beharko doguz hotzari eta krisiari aurre egiteko!

Merkealdian euskerearen erabilerea sustatzeko CD lagungarria kaleratu dau Berrizko Udalak

CD horretan, errotuluak eta bestelako agiriak euskeraz jarteko behar daben materiala eta laguntzinoa topauko ditu dendariak. Klik bakarra nahikoa izango da behar dana eskuratzeko.

David Delfin eta Bimba Bose izango dira Guggenheim Bilbao Museoaren 'Art After Dark'-en lehen saioan, urtarrilaren 15ean

Hollywoodeko komedia baten izena dauen 'Musika dibertimentua' eskainiko dabe. Gauerdi aldera, David Delfinek, Michelle DJ moduan, 'wedding' dalako estiloa jarriko dau eta The Cabriolets taldeko abeslari Bimba Bose Romy DJ izango da 'prom dance' estiloa eskaintzeko.

Mikel Ayestaran: 'momentuz, ez daukat erredakzinora bueltetako amesik'

'Literaturea eta musikea euskeraz' programeari esker, berbak eta doinuak buztartuko dira Bilboko Arriaga Antzokian

Urtarrilaren 12an, programeari hasierea emoteko, Xabier Lete idazlea eta Joxan Goikoetxea musikaria batuko dira. Hurrengo errezitaldia martiaren 16an emongo dabe Bernardo Atxagak eta Juan Carlos Perezek. Maiatzaren 10ean, azken errezitaldia izango da, Itxaro Borda olerkariagaz eta Pier Paul Berzaitz konpositore eta abeslari zuberoarragaz, Xanet Arozena gitarristea laguntzaile dabela.

Where de World Things

Filmak Max izeneko umea dau protagonista. Spike Jonze zuzendariak umeak sufriduten dauen egoerea aurkezten deusku: gurasoak bananduta ditu, amak bikote barria dauka eta arreba nagusiak eta beraren lagunek alde batera ixten dabe gazteegia izateagaitik. Oso pelikula berezia da. Berezia eta gomendagarria, baina nagusientzat baino ez.

'Kubako emakumeak, Iraultza Iraultzaren barruan' izeneko erakusketa ibiltaria antolatu dabe Gernika-Lumon

Erakusketea Kultur Etxeko erakusketa-gelan izango da ikusgai, urtarrilaren 15era arte. Zortzi paneletan, emakumeek Kubako Iraultzearen prozesuan eta osasuna, kultura edo beste arlo batzuetan izan daben zeregina erakusten da, antolatzaileek prentsa ohar bidez jakinarazo dabenez.

Antxinako argazkien erakusketea dago ikusgai Getxon

Algortako eta Andra Mari auzoetako antxinako argazkien erakusketea antolatu dabe datorren urtarrilaren 19ra arte Algortako Azokan Getxoko Udaleko Euskera Zerbitzuak eta Euskaltzaindiak. Helburua argazkietan agertzen diran lekuen ganeko informazinoa batzea da, ondoren, egiten dabizan etimologia liburuan sartu ahal izateko.

Markeliñek 'Uharte ezezaguna' obrea estreinauko dau Amorebieta-Etxanon

Markeliñe antzerki taldeak Jose Saramagoren Uharte ezezaguna ipuin laburrean oinarritutako obrea taularatuko dau bihar, urtarrilak 8, Amorebieta-Etxanoko Zornotza aretoan. Ikuskizuna umeei zuzenduta dagoan arren, helduak be atrapetea dau helburu.

'D bitamina. Aberastu bere heziketa!' lelopean, umeak D ereduan matrikuletako kanpainea abiarazoko dabe Bizkaiko 45 udalerrik

Kanpainan zehar, 7.600 liburuxka banatuko dira 2-3 urteko umeak dituen gurasoek matrikulazino-kanpainea hasi aurretik hezkuntzako D eredua zer dan eta zein arrazoi dagozan euskera hutsean eskaintzen dan eredu hori aukeratzeko jakin dagien.

Kiroletan eta teknologia barrietan euskerea erabilteko saioak dinamizauko ditu Koikili Athletic-eko jokalariak Berrizen

Lehen Hezkuntzako bigarren zikloko eta DBHko ikasleek parte hartuko dabe. Euskeraz trebatzeko saioak izango dira eta eskolaz kanpo egingo dira. Tartean, jentaurrean norbere burua aurkezteko trebetasuna landuko dabe eta, horregaz batera, teknologia barriak euskeraz erabiliko ditue. Saioak urtarrilean izango dira.

José Mercék 'Ruido' izeneko lana aurkeztuko dau gaur Arriagan

Kontzertua 20:00etan hasiko da eta taula ganean lagun izango ditu Manuel Moreno Moraito eta Dani de Morón gitarra-joleak, El Grito perkusionistea eta Rafa, El Negro, koruak eta txaloak egiten.

'Ttakun Ttan Ttakun' ikuskizunaren estreinaldi ofiziala egingo dabe zapatuan

Juan Mari Beltranen 'Txalaparta' izeneko disko-liburuaren argitalpena dala eta, Mireia Gabilondo aktoreak, Jon Maya jantzariak eta Beltranek berak 'Ttakun Ttan Ttakun' izenburuko ikuskizuna aurkeztuko dabe zapatu honetan, urtarrilak 9, Tolosako (Gipuzkoa) Leidor Antzokian, iluntzeko 20:30ean hasita.

Urtarrilaren 10ean hasiko dira Maskaradak Zuberoan

Aurten Larrainek antolatu eta eroango ditu herriz herri maskaradak eta, ohiturea danez, Larrainen bertan izango dira lehenengo eta azken saioak. Danetara, 14 emonaldi aurreikusi ditue, apirilaren 18ra bitartean.

'Goazen Txinara!' ekimena abiarazo dau Judas Arrietak

Igaz legez, euskal artistak Txinan promozionetako 'Goazen Txinara!' ekimenari ekingo deutso barriro 2010ean Judas Arrieta artista hondarribitarrak. Txinatarrez osotutako epaimahaiak lau euskal artista aukeratuko ditu eta irabazleek Pekineko egoitza batean egin ahal izango dabe lan hilebete bitan.

Guggehneim Bilbao Museoaren bisitari kopuruak nabarmen behera egin eban 2009an

Museoak 905.048 bisitari erakarri zituan 2009. urtean, 2008an baino % 4,73 gitxiago, hain zuzen be. Beherapen hori izan arren, museoaren arduradunen esanetan, ekitaldi horretarako aurreikusitako joerak bete zituan.

Zinema-musikea entzungai Kursaalen

Zinema-musikea gustetan jakenek zita berezia dabe Donostiako Kursaal Aretoan gaur arratsaldean, Euskal Herriko Gazteen Orkestrak, EGOk, emonaldi bitxia eskainiko baitau. Star Wars, Jurassic Park, Schindler´s List, Hook, The Lord of the Rings, Close Encounters of the Third Kind film ezagunen musikea interpretauko dabe, arratsaldeko 20:00etatik aurrera, Auditorioan.

Bakea, tolerantzia eta genero-bardintasuna bultzatzen dituan ipuin-lehiaketea antolatu dabe Bilbon

Txirula kultur taldeak, Bilboko Udaleko Kultura eta Hezkuntza Sailaren laguntzinoagaz, Mugarik Gabeko Umeentzako Ipuin Lehiaketearen zortzigarren edizioa antolatu dau apirilaren 25ean eta 26an egingo diran Otxarkoagako (Bilbo) XXIX. Umeen Jardunaldien barruan, umeei zuzendutako ipuinaren inguruko literatur sorkuntza sustatzeko asmoz.

Animatu enpreseak 'Aspaldiko!' telefono bidezko sare sozial barria jarri dau martxan

Euskeraz alkarregaz komunikau gura dauen jentearentzat sortutako gune euskalduna da 'Aspaldiko!'. Beste sare sozial batzuen antzera, erabiltzaileek profil bat sortu, zertan ari diran argitaratu, taldeak sortu, fitxategiak partekatu edo dobako blog pertsonal batean idatzi ahal izango dabe.