Aktualitatea

Arrain handiak txikia jan?

'Orotariko Euskal Hiztegia' Sareratuz amaitu ditu Euskaltzaindiak 90. urteurrenaren ekitaldiak

Orotariko Euskal Hiztegiak euskerearen aro eta euskalki guztietako lexikoa jaso eta antolatzea dau helburu. 1987an argitaratu zan paperean lehen liburukia eta 2005ean 16.a eta azkena. Euskaltzaindiak bere webgunean eskaintzen dauena hiztegiaren oinarrizko bertsino elektronikoa da eta Creative Commons lizentziapean banatzen da.

Kirmen Uribek Espainiako Narratiba Saria jaso dau

Bilbao-New York-Bilbao liburuagaitik emon deutse saria. Estaduan ofiziala dan hizkuntza batean idatzitako lanik onena dala eretxita emon deutso Espainiako Kultura Ministerioak 20.000 euroko sari hau.

Gose taldearen bideoklip barria eskuko telefonora deskargetako aukerea eskainiko dau Irrika aldizkariak

Irrika aldizkariaren bosgarren zenbakiak Gose taldeko Ines Osinagari eginiko alkarrizketa bat be dakar, beste elkarrizketa, artikulu, albiste eta bitxikeria askoren artean. Gosek esklusiban eskaini deutso bideo hori aldizkariari.

Harkaitz Canok eta Juan Kruz Igerabidek euskerearen aberastasuna erakutsiko dabe Munichen

Euskal literaturearen ganeko jardunaldiak antolatu ditu Municheko Cervantes Institutuak. Antolatutako ekitaldien artean, Harkaitz Cano eta Juan Kruz Igerabide idazleak hizkuntza pluraltasunaren inguruan berba egingo dabe.

Joxerra Garziak jasoko dau 2009ko Abbadia Saria

Joxerra Garzia kazetari, idazle eta unibersidade-irakasleak jasoko dau 2009ko Abbadia Saria. Urtero, euskerearen normalizazinoaren, eta batez be, erabilerearen alde lanean jarduten daben personaren edo alkarteren bati emoten deutso Gipuzkoako Foru Aldundiak sari hau. Domina bat eta 12.100 euro jasoko ditu Garziak.

Udal euskaltegiak finantzietako sistema barria onartu dau Eusko Jaurlaritzeak

Eusko Jaurlaritzako Gobernu Kontseiluak Udal Euskaltegiek edo euren menpeko entidadeek (udal titularidadea daben euskaltegi publikoek) 2009-2010 ikasturterako diru-laguntzinoak jasoteko bete beharreko baldintzak arautzen dituan agindua onartu dau bart.

BGC+i barrikuntzeari buruzko nazinoarteko biltzarra egingo da zemendiaren 11n Bilboko Euskalduna Jauregian

Google, Sony eta Igarle enpresetako ordezkariak eta Tom Kelley edo Inma Shara lako hizlariak izango dira zemendiaren 11n Bilboko Euskalduna Jauregian egingo dan Business Global Conference+i (BGC+i) Nazinoarteko Biltzarraren zazpigarren edizinoan, SPRI erakundeko iturriek iragarri dabenez.

We Are Standard espainiar artista onena MTV Europe sarietan

MTVren ikusleek euskal taldea aukeratu dabe Fangoriaren, Nena Daconteren eta Russian Reden aurretik Europako Artista Onena sarian Estaduko ordezkari izateko. Getxotarrek 21 arerio izango ditue prozesuaren azken txanpan. Erabagia zemendiaren 5ean ezagutuko dogu, egun horretan izango baita sari-banaketa ekitaldia Berlinen.

'Bilbo Hiria' Pop Rock Lehiaketako 21. edizinoa eguen honetan hasiko da

'Bilbo Hiria' Pop Rock Lehiaketako 21. edizinoko kontzertuak eguen honetan hasiko dira Bilborock aretoan, 20:00etan Idealipsticks, The Killministers eta Norman taldeen saioakaz.

Badator X. Bilbao Poesia Astea

Aurten, urriaren 14tik 20ra izango da eta Bidebarrieta Liburutegia kokagune nagusitzat hartuz, jentaurrera hainbat poeta eta musikari ekarriko ditu okasinorako antolatu diren ekimen desbardinen bitartez.

BiscayTIK proiektua aurrera doa

Aurrerabide horreetan koka daitekez BiscayTIK Fundazinoak egingo dituan hurrengo jardueretako batzuk, besteak beste, EHUgaz eta Deustuko Unibersidadeagaz sinatuko dauen lankidetza hitzarmen bat (15 beka emoteko), nazinoarteko zenbait biltzarretan parte hartzea proiektua ezagutarazoteko, eta Bizkaiko udalakaz eta herritarrakaz egin nahi dituan jarduerak

Getxo da, 3.927 helbidegaz, @bizkaia.eu posta elektroniko gehien dituan Lurraldeko udalerria

Getxoko Udalak eta Bizkaiko Foru Aldundiak herritarrak animetan ditue dobako zerbitzu honetan altea emon daien, euskeraz eta gaztelaniaz dobako posta-zerbitzua Bizkaiko herritarrentzat, herritarren izapideetarako web ataria eta udal-kudeaketarako sistema integrala eskaintzen dauen honetan.